эрыкташ
эрыкташ
Г.: ирӹктӓш
-ем
1. чистить, вычистить, почистить; очищать, очистить, удаляя грязь, пыль и т.д.. с кого-чего-либо, делать (сделать) чистым; прочищать, прочистить
Пӱйым эрыкташ почистить зубы
вургемым эрыкташ чистить одежду
самоварым эрыкташ чистить самовар
тӱньыкым эрыкташ прочистить трубу
лавыра деч эрыкташ очистить от грязи.
Сменщик-влак, погынен, тракторым эрыктат, шӱрат. Я. Элексейн Сменщики, собравшись, чистят, смазывают трактор.
Евсе Макси кече еда имньыжым эрыкта, чӱчкыдын пукша, йӱкта. М. Шкетан Евсе Макси каждый день чистит свою лошадь, часто кормит, поит.
2. чистить, расчищать, расчистить; очищать, очистить; освобождать (освободить) от чего-либо засоряющего, загромождающего, лишнего
Пӧрткӧргым эрыкташ убрать (букв. чистить) дом
корным эрыкташ расчищать дорогу
вӱтам эрыкташ чистить хлев
пасум эрыкташ очищать поле.
Нуно казармым эрыктеныт, олмыктеныт, сӧрастареныт. Б. Данилов Они казарму очистили, отремонтировали, украсили.
– Эрлак йоча-влак дене пырля кӱсотым эрыкташ тӱҥалына. М. Шкетан – Завтра же вместе с детьми начнём расчищать молитвенную рощу.
Элексей чодыраш делянкым эрыкташ каен. Я. Элексейн Элексей пошёл в лес расчищать делянку.
3. чистить, почистить, очистить; освобождать (освободить) от верхнего слоя, кожуры, чешуи, косточек, веток и т.д..
Колым эрыкташ чистить рыбу
пӱнчым эрыкташ очистить сосну.
Мику пареҥгым эрыкташ шинче. В. Иванов Мику сел чистить картошку.
Весе шоганым эрыкта, кумшо пум ылыжта. А. Ягельдин Другой чистит лук, третий разжигает дрова.
4. чистить, очищать, очистить; освобождать (освободить) плоды, зерно, воздух и т.д.. от стеблей, сора, примесей
Пырчым эрыкташ очищать зерно
южым эрыкташ очищать воздух.
Лышташан пушеҥге шӱлышым эрыкта, кеҥежым кӱсото гыч лекмет ок шу. М. Шкетан Лиственные деревья очищают воздух (букв. дыхание), летом из молитвенной рощи не хочется даже выходить.
Барыня мыланем пел пуд наре шемшоптырым эрыкташ кӱштыш. О. Тыныш Барыня приказала мне очистить с полпуда чёрной смородины.
5. чистить, счищать, счистить; вычищать, вычистить; очищать, очистить; отчищать, отчистить; расчищать, расчистить; очищая, снимать (снять), убирать (убрать), удалять (удалить) с поверхности чего-либо (грязь, снег, мусор и т.д..)
Шӱмым эрыкташ счистить кожуру
рӱдаҥшым эрыкташ очистить ржавчину
укшым эрыкташ счистить (обрубить) ветви
шӱкшудым эрыкташ убирать сорняки
терысым эрыкташ вычистить навоз.
– Йолетым леве вӱд дене мушкына. Чыла лавырам, пуракым эрыктена. О. Тыныш – Твои ноги помоем тёплой водой. Счистим всю грязь, пыль.
Вургем гыч лавырам эрыкташ куштылго, а чон гыч… А. Асаев Грязь с одежды счистить легко, а с души…
Ынде лумым кольмо дене огыл, а машина дене эрыктат. Е. Янгильдин Теперь снег расчищают не лопатой, а машиной.
6. перен. очищать, очистить; расчищать, расчистить; освобождать (освободить) какое-либо место, пространство, заставив кого-либо уйти, удалиться
Шочмо элым тушман деч эрыкташ очистить родину от врага.
Руш войска, Балтик теҥыз воктенсе вер-шӧрлам немыч-рыцарь тӱшка деч эрыкташ шонен, тений сарыш лектын. К. Васин Русские войска, намереваясь очистить прибалтийские земли от немцев-рыцарей, в этом году вышли на битву.
(Н. Ватюков) тушманын шуко цельжым темдалын, ончыко каяш корным эрыктен. М. Сергеев Н. Ватюков поразил много целей врага, расчистил дорогу, чтобы идти вперёд.
7. перен. чистить, счищать, счистить; очищать, очистить; отчищать, отчистить; расчищать, расчистить; удалять (удалить), убирать (убрать) кого-либо откуда-либо; выводить, вывести
Осалым эрыкташ очистить зло.
Колхозла гыч тушман-влакым эрыктен, урлыкашым ямдылен ме шогена. «Мар. ком.» Выгнав (букв. счистив) врагов из колхозов, заготавливаем мы семена.
Садлан зиян кондышо тыгыде илышым пеш чот эрыктен улыт гынат, чылажымак пытарен кертын огытыл. О. Шабдар Хотя мелких вредителей сада выводили очень внимательно, однако не смогли уничтожить всех.
8. перен. очищать, очистить; делать (сделать) более чистым, возвышенным в нравственном отношении; освобождать (освободить), избавлять (избавить) от чего-либо нежелательного, вредного
Зато чонем эрыктем, намысем пытарем. П. Корнилов Зато очищу свою душу, покончу со своим позором.
Василий Ивановичым лавыра шонымаш деч кузе эрыкташ? М. Евсеева Как избавить (букв. очистить) Василия Ивановича от грязных мыслей?
9. перен. чистить, очищать, очистить; вычищать, вычистить; обчищать, обчистить; обворовывать, обворовать; обкрадывать, обокрасть; обирать, обобрать; стащить
– (Кузьма Мироныч) сераш огыл, кӱсен пундашым эрыкташ пеш уста дыр? А. Эрыкан – Кузьма Мироныч не писать, а, наверное, чистить карманы хороший мастер.
– Шкештат иктаж буржуйын чондайжым эрыкташ ваҥат. В. Юксерн – И сами они ждут момент, чтобы очистить кошелёк какого-либо буржуя.
Составные глаголы:
– эрыктен каяш
– эрыктен кошташ
– эрыктен кышкаш
– эрыктен лекташ
– эрыктен лукташ
– эрыктен налаш
– эрыктен пуаш
– эрыктен пытараш
– эрыктен шогаш
– эрыктен шукташ
– эрыктен шындаш
О сайте
Инструкция