эн
част. образует превосходную степень прилагательных и наречий; передаётся местоимениями самый (при прилагательных) и … всех (при наречиях)
Эн сай самый лучший
эн шерге самый дорогой
эн ончыч прежде всего, в самом начале, с самого начала
эн ончылно впереди всех.
Эн первыяк «Боже царя храни»-м мурыктышт. М. Шкетан В самом начале заставили петь «Боже царя храни».
Эн кӱчык шырпе Макарлан вереште. А. Айзенворт Самая короткая спичка попалась Макару.
Физкультур урокышто эн писын куржаш, эн торашке тӧршташ тыршем. В. Сапаев На уроке физкультуры стараюсь бежать быстрее всех, прыгать дальше всех.
прежде всего
Эн ондак ӱдырым каче ончылгочак пален лийже, каче ӱдырланат шинчыдыме ынже лий. М. Шкетан Прежде всего парень с девушкой до свадьбы должен быть знаком, и девушке жених не должен быть незнакомцем.
Идиоматическое выражение. Основное слово: ондак
1) прежде всего, в первую очередь
Эн ончыч вуймутым возен шындыман. В. Сапаев В первую очередь нужно написать заглавие.
2) раньше всех, прежде всех
Уляй тачат эрдене эн ончыч тушко мийыш, кидшӱм дене наряд блокнотым кычалаш тӱҥале. П. Корнилов Уляй и сегодня утром пришла туда раньше всех, на ощупь стала искать блокнот с нарядами.
3) впереди всех
Эн ончыч Салтак Ведат чыма. И. Одар Впереди всех мчится Салтак Ведат.
Идиоматическое выражение. Основное слово: ончычын
тащиться (волочиться, плестись, идти) в хвосте; отставать в чём-либо
Ял озанлык пашам ыштымаште колхоз районышто эн почеш шӱдырна. «Мар. ком.» В выполнении сельскохозяйственных работ в районе колхоз тащится в самом хвосте.
Идиоматическое выражение. Основное слово: шӱдырнаш
энвуй
главный
Энвуй еҥ эн кугу пашажым ышта. Ӱпымарий Главный человек делает самую основную работу.
эндыгаш
-ем
диал. мучиться, измучиться; томиться, истомиться; изнуряться, изнуриться; изнемогать, изнемочь; выбиваться (выбиться) из сил; надрываться, надорваться; утомляться, утомиться; доходить (дойти) до изнеможения
Кызыт марий, шужен эндыген, шикшан пӧртыштӧ аҥырген илаш толаша. К. Васин В настоящее время мариец, изнемогая от голода, угорая в курной избе, старается жить.
(Йыван) ӧрын йырже онча, теҥгече гына, тудын семынак эндыген, поянлан пашам ыштыше-влак курымашлык пуракыштым почкалтат. А. Эрыкан Йыван удивлённо смотрит вокруг, ещё вчера, как и он, работающие, надрываясь, на богатых, отряхивают вековую пыль.
Смотри также: индыралташ, орланаш, йӧсланаш
эндыктараш
-ем
диал. мучить, измучить, замучить; томить, истомить; изнурять, изнурить
Эндыктараш кӱлеш надо мучить.
Смотри также: индыраш, орландараш, йӧсландараш
энергетик
энергетик (энергетике дене специалист)
Рвезе энергетик молодой энергетик.
Мемнан мландыштына металлург ден энергетик-влакын чапле олашт, чынжым гын, тетла уке. «Мар. ком.» На нашей земле прекрасного города металлургов и энергетиков, по правде, больше нет.
энергетике
энергетика (тӱрлӧ энергийым ыштен лукмо, вашталтылме, колтылмо да кучылтмо дене кылдалтше озанлык ужаш)
Калык озанлык энергетике энергетика народного хозяйства.
Топливный ресурс шагалемын толмо условийыште атомный энергетике гына нелылык гыч лекташ йӧным пуа. «Мар. ком.» В условиях уменьшения топливных ресурсов только атомная энергетика предоставляет возможность для выхода из тяжёлого положения.
энергетический
энергетический (энергетике дене кылдалтше)
Энергетический поянлык энергетическое богатство.
– Мый теве энергетический институтыш заочно пураш шонем. «Ончыко» – Вот я хочу поступить заочно в энергетический институт.
Энергетический базе лушкыдо улмаш, верысе сырьём начарын кучылтыныт. «Ончыко» Энергетическая база была слабой, плохо использовали местное сырьё.
энергий
энергия (материйын ик тӱҥ свойствыжо – тудын тарванылмым висыме единице, материй тарванылме шапаш; шокшо, волгыдо, электричестве, механический тарванылмаш, т. м.; тыгак могай-гынат телан, веществан пашам ыштен але ыштыктен кертме вийже)
Энергийым пытараш расходовать энергию
энергийым аныклаш экономить энергию.
Энергийым рационально кучылташ кӱлеш. «Ончыко» Надо рационально использовать энергию.
Кушкын шогышо индустрийлан шуко энергий кӱлеш. «Мар. ком.» Развивающейся индустрии необходимо много энергии.
энтузиазм
энтузиазм (чот кумылаҥмаш, кумыл чот нӧлтмаш)
Энтузиазмлан эҥерташ опираться на энтузиазм
энтузиазм дене пашам ышташ работать с энтузиазмом.
Ик энтузиазм дене, кеч-могай уста улат гынат, талант почылт ок шукто. «Мар. ком.» На одном энтузиазме, каким бы способным ты ни был, талант не успеет раскрыться.
Комсомол энтузиазм дене ылыжын. «Тӱҥалт. ошк.» Комсомол разгорелся энтузиазмом.
энтузиаст
энтузиаст (пашам, иктаж-мом кугу кумыл дене ыштыше еҥ)
Наукын энтузиастше энтузиаст науки
самырык энтузиаст молодой энтузиаст.
Энтузиастын пашажым шуяш В.Н. Петуховлан ӱшанышт. «Мар. ком.» Продолжить дело энтузиаста доверили В.Н. Петухову.
Григорьев – марий калыкын уста эргыже, патриотшо, энтузиастше – шочмо велжылан шуко ыштен. «Ончыко» Григорьев – талантливый сын, патриот, энтузиаст марийского народа – сделал много для родной стороны.
энциклопедий
энциклопедия (чыла але посна шинчымаш отрасль дене мутер семын лукмо научный справочник)
Йоча энциклопедий детская энциклопедия
йылме энциклопедий лингвистическая энциклопедия
кугу совет энциклопедий большая советская энциклопедия
энциклопедийым ямдылаш готовить энциклопедию
энциклопедийым савыкташ издать энциклопедию.
энче
диал. скот, который новобрачная получает от свёкра как приветственный подарок
Чапле энче хороший подарок (свёкра).
О сайте
Инструкция