аннотаций
аннотация (книган, статьян кӱчык содержанийже)
Тиде книга могайрак тӱсан лийшаш нерген аннотацийыште возымо. М. Казаков Какого содержания должна быть эта книга, написано в аннотации.
анонимка
анонимка (лӱм деч посна возымо серыш)
Анонимкым возаш писать анонимку.
А мый анонимка почеш тендан заседанийыш йолемат ом пыште. М. Рыбаков А я по анонимке на ваше заседание даже ногой не ступлю.
анонимный
анонимный
Анонимный серыш анонимное письмо.
ансамбль
ансамбль (мурышо, куштышо але шоктышо коллектив)
Кӱслезе-влак ансамбль ансамбль гусляров
фольклор ансамбль фольклорный ансамбль.
– Тый ансамбльыште солист лият, – воштылале Никифор Петрович. С. Вишневский – Ты в ансамбле будешь солистом, – улыбнулся Никифор Петрович.
антагонизм
антагонизм (келыштараш лийдыме противоречий)
Пролетариат ден буржуазий кокласе антагонизм антагонизм между пролетариатом и буржуазией.
антагонистический
антагонистический (келыштараш лийдыме)
Антагонистический противоречий-влак антагонистические противоречия.
Совет Ушемыште антагонистический класс-влак уке улыт. В Советском Союзе нет антагонистических классов.
антенна
антенна (радиотолкыным колташ да кучаш йӧнештарыме ӱзгар)
Комсомолец-влак антеннылан кок кугу ломашымат конден ямдыленыт. М. Шкетан Комсомольцы уже принесли для антенны две длинные жерди.
антибиотик
антибиотики (тӱрлӧ микроорганизмла гыч ыштыме эм, бактерий ден микроб-влакым пуштедаш кучылталтеш)
Шодо черым эмлыме годым антибиотик пеш пайдале. При лечении лёгочных болезней очень полезны антибиотики.
Кокшӱдӧ кудло утла поҥгышто антибиотик улмым пален налме. «Мар. ком.» В более двухсот шестидесяти грибах выявлено наличие антибиотиков.
антиквар
1. антиквар (шергакан тошто ӱзгарым, арверым йӧратыше але ужалыше еҥ)
2. в поз.опр. антикварный (шергакан тошто ӱзгар-влак дене кылдалтше)
Антиквар ӱзгар антикварные вещи.
Сравни с: антикварный
антикварный
антикварный (шергакан тошто ӱзгарым ужалыме дене кылдалтше)
антилопа
зоол. антилопа (Африкысе пӱчӧ сынан животный)
антипартийный
антипартийный (партийын линийже ваштареш шогышо)
Антипартийный группировка антипартийная группировка.
антипатий
антипатия (йыгыжгымаш, йыгыжгыме кумыл)
Мый тудын дек антипатийым гына шижам. Я к нему чувствую только антипатию.
антирелигиозный
антирелигиозный (религий ваштареш)
Тиде почеламутын антирелигиозный идейже тунам пеш кугу лийын. А. Асаев Антирелигиозные идеи этого стихотворения тогда были очень заметны.
антифашист
антифашист (фашизм ваштареш кредалше)
антициклон
антициклон (кугу давлениян игече, антициклон годым ояр игече лиеш)
Юл кыдалне кужу жап антициклон шога. Над средней Волгой долгое время стоит антициклон.
античный
античный (акрет Грецийын да Римын историйышт да культурышт дене кылдалтше)
Античный литература античная литература
античный театр античный театр
античный поэзий античная поэзия.
Валентин спорт дене чот заниматлаш тӱҥалеш, античный, руш, марий литературым шуко лудеш. Г. Пирогов Валентин начинает усиленно заниматься спортом, много читает античную, русскую, марийскую литературу.
антологий
книжн. антология (тӱрлӧ автор-влакын возымыштым ойырен налын савыктыме сборник)
С.Г. Чавайнын возымыжо тӱнямбал поэзий антологийышке пурталтын. К. Васин Сочинения С.Г. Чавайна вошли в антологию мировой поэзии.
антоним
лингв. антоним (значений шот дене вес мутлан ваштареш улшо мут, мутлан: сай-осал)
антракт
антракт (спектакльыште але концертыште перерыв)
Антрактым увертараш объявить антракт.
Матра ден Лапшин антракт жапым верыштак шинчен эртарышт. В. Юксерн Матра и Лапшин весь антракт просидели на своих местах.
антропологий
антропология (айдемын да тӱрлӧ раса-влакын лиймышт да вияҥмышт нерген наука)
Антропологий дене специалист специалист по антропологии.
анык
1. запас, количество заготовленного впрок
Ачайын шонымыжо мучашдыме: ешым пукшаш кӱлеш, мӱшкыр эре кочкаш йодеш, окса анык кечын мӧҥгештеш. О. Тыныш Заботы отца бесконечные: надо прокормить семью, желудок постоянно просит пищу, запас денег иссякает с каждым днём.
2. экономия, сбережение, бережливость
Вий анык экономия сил.
Кумыраш анык – эрласылан анык. «Мар. ком.» Экономия на копейку – запас на завтра.
Кресаньык аныклан да кресаньык чытышлан тунемше рвезе сеҥыш нелым. «Мар. ком.» Привычный к крестьянской бережливости и крестьянской терпимости парень преодолел трудности.
3. в поз.опр. экономный, экономии
Анык режим режим экономии.
аныкан
1. бережливый, экономный
Аныкан еҥ оксам моштен кучылтеш. «Ончыко» Бережливый человек деньги расходует с умом.
Экономика аныкан лийшаш – жапын требованийже тыгай. Экономика должна быть экономной – таково требование времени.
2. запасливый
Йӧра эше Выльып кугыза аныкан: кудывечыште кок вочко вӱд шинча. «Мар. ком.» Хорошо ещё дед Филипп запасливый: во дворе стоят две полные бочки с водой.
аныкдыме
незапасливый, неэкономный, без запаса
Аныкдыме илыш – илыш огыл неэкономная жизнь – не жизнь
аныкдыме айдеме человек без запаса.
аныккасса
уст. сберкасса
Тиддеч вара Вечу оксажым аныккассыш опташ тӱҥале. «У вий» После этого Вечу стал хранить деньги в сберегательной кассе.
Смотри также: сберкасса
аныклалташ
-ам
возвр. сберегаться, сберечься, экономиться
Кӱртньӧ корно шуко лиеш гын, калыкын шуко вийже, жапшат аныклалтеш. С. Чавайн Если будет больше железных дорог, больше будет сэкономлено сил, времени людей.
аныклаш
-ем
1. экономить, сэкономить
Оксам аныклаш экономить деньги
жапым аныклаш экономить время
горючийым аныклаш экономить горючее.
Патроным аныклаш шонен, Елуш лӱйкалымыжым чарныш. В. Иванов Чтобы сэкономить патроны, Елуш перестала стрелять.
2. сберегать, беречь
Тӱшка погым аныклаш беречь общественное добро.
Мыланна кажне минутым аныклыман. В. Иванов Нам нужно беречь каждую минуту.
Составные глаголы:
– аныклен кодаш
сэкономить, сберечь
Рационализаторский ой идалыкыште ятыр тӱжем теҥге оксам аныклен кодаш полшен. «Мар. ком.» Рационализаторское предложение помогло сберечь многие тысячи рублей в год.
Составной глагол. Основное слово: аныклаш
аныклык
прил. про запас, предназначенный для запаса
Аныклык кинде хлеб про запас
аныклык курго запасные корма.
аныклымаш
сущ. от аныклаш экономия, сбережение
Калык погым аныклымаш сбережение народного добра.
Паша – аныклымаште, калык вий дене погымо поянлыкым переген кучылтмаште. «Мар. ком.» Дело в экономии, в бережном использовании богатства, накопленные трудом народа.
аныклыме
1. прич. от аныклаш
2. прил. сэкономленный, сбережённый, экономии
Колхозник-влакат аныклыме оксаштым, киндыштым армийлан пуаш ик ой дене келшышт. «Ончыко» И колхозники единодушно согласились отдать армии свои сбережённые деньги, хлеб.
Идиоматические выражения:
– аныклыме режим
сберегательная касса
Идиоматическое выражение. Основное слово: кассе
режим экономии
Идиоматическое выражение. Основное слово: аныклыме
анькалаш
-ем
поддакивать
Тудым ончен, Вӧдырат шкенжын ныжылге йӱкшым луктын анькала. М. Шкетан Смотря на него, поддакивает своим ласковым голосом и Фёдор.
аньык
1. заворы, разборный ряд жердей или досок вместо ворот
Аньыкым почаш открыть заворы
аньык шеҥгелне за заворами.
Аньык почмо, вара-влак шала кият, кудывече уремыш савырнен. Я. Элексейн Заворы открыты, жерди разбросаны, двор превратился в улицу.
2. в поз.опр. относящийся к заворам
Теве аньык меҥге шӧрын каен. В. Дмитриев Вот столбы заворов перекосились.
аньыквара
жердь на заворах, заворина
Кудывече ломаш дене печыме, капка олмеш тореш пыштыме ныл аньыквара. О. Тыныш Двор отгорожен жердями, вместо ворот положены поперёк четыре заворины.
аньыккапка
ворота из разборных жердей или досок
Идым вес велыште аньыккапкаште сӧсна пижын шогалын. П. Пайдуш За гумном в заворах застряла свинья.
Сравни с: аньык
аньышты
диал. посл. выражает место за чем-либо
Йошкар-Ола аньышты. Муро За Йошкар-Олой.
анят
Г.: ӓнят
част. выражает
1. предположение; передаётся вводными словами возможно, может быть
Анят, тый денет тӧрлат кӱсыным райыште. В. Колумб Может быть, рассчитаются с тобой в раю.
Сравни с: ала, дыр
2. сомнение, передаётся выражением едва ли, вряд ли
Тымарте илышем – йӧра, ончыкыжым, анят, кок мучашан лиеш дыр. Т. Ефремов До сих пор жил ничего, дальше-то, как знать, жизнь моя, наверно, раздвоится.
аҥ
Ⅰ
Г.: ӓнг
1. отверстие (в вещах), горло, горловина (в посуде), дуло (у ружья), жерло (орудия)
Мешак аҥ верхний конец мешка
кӱсен аҥ отверстие кармана
шӱвыр аҥ отверстие волынки.
Тупыштыжо котомка кеча, а котомка аҥже гыч мераҥ йол нӧлтын шога. М.-Азмекей На спине его висит котомка, а из затянутого отверстия её выступает заячья нога.
Печке аҥ виш кодмо ушешем возо. М. Шкетан Вспомнилось, что отверстие бочки осталось не закрытым.
Пычал аҥ Юл кӱвар воктене ужар оҥаш эҥертыш. С. Чавайн Дуло ружья упёрлось на зелёную доску моста через Волгу.
2. проём, вход, проход (в строениях, сооружениях и т.д..)
Омса аҥ дверной проём
омаш аҥ вход в шалаш
туннель аҥ вход в туннель
капка аҥ проезд ворот.
А кастене пӧртылмекше, парадный омса аҥыште икмагал пӧрдын шогылтеш. М.-Азмекей А возвратившись вечером, минутку потопчется у входа парадных дверей.
Подвал аҥыште гына Судариковын кӱсенже гыч Жуков пистолетым луктын нале. С. Вишневский Только у входа в подвал Жуков вытащил из кармана Сударикова пистолет.
3. устье реки, залива
Икса аҥ устье залива
эҥер аҥ устье реки
корем аҥ устье оврага.
Нур паша пытымек, Изи Какшан аҥыш Юл островыш лудо лӱяш кайышым. М.-Азмекей После окончания полевых работ я поехал пострелять уток на волжские острова у устья Малой Кокшаги.
4. конец или начало (улицы, дороги и т.д..), торец (строения)
Урем аҥ конец или начало улицы
шыҥалык аҥ торец полога.
Кайымыж деч ончыч урем аҥыш вуйжым модыктыл ончышто. М. Евсеева Перед уходом, крутя головой, он посматривал в конец улицы.
Нуно иксашке лекше прогал аҥеш вашлийыч. А. Асаев Они встретились в конце прогала, ведущего к заливу.
Сарай аҥыште капка гай кугу омса. С. Чавайн В торце сарая большая, как ворота, дверь.
5. отверстие, дыра, проход куда-либо, жерло
Коҥга аҥ чело печи.
Вӱд орва чарныде лӱшка, курш совок чытырна, тушеч пырче кӱ аҥыш йога. А. Тимофеев Беспрестанно шумит водяное колесо, трясётся ковш кузова, оттуда сыплется зерно в отверстие жёрнова.
Кӱдырчӧ рашкалтымыла чоҥгата почылт кая, пычкемыш аҥ гыч Керемет лектын шогалеш. Ю. Артамонов Как раскат грома, раскалывается холм, из тёмного отверстия выходит кереметь.
Идиоматические выражения:
– логар аҥ
– курык аҥ
Ⅱ
Г.: ӓнг
полотнище, ширина полотна
Тувыр аҥ полотнище рубашки
мыжер аҥ полотнище кафтана.
Ныл аҥан юбкылан 1 м 10 см кутыш материал сита. «Ямде лий!» Для юбки с четырьмя полотнищами достаточно 1 м 10 см материала.
Тувырлан вич аҥ вынер кӱлын. Для рубахи понадобилось пять полотнищ холста.
аҥа
Г.: ӓнгӓ
1. полоса, участок земли
Ластык аҥа узкая полоска пахотной земли
аҥам шӱрат боронить полосу земли
каҥга аҥа истощённое поле
аҥам тӱредаш сжать полосу.
Кечывал марте кок имне дене Эчанын аҥажым курал пытарышт. Н. Лекайн До обеда на двух лошадях вспахали участок земли Эчана.
2. поле, земля
Шыдаҥ аҥа пшеничное поле
ӱдымӧ аҥа посеянное поле
куралме аҥа вспаханное поле
тӱредме аҥа сжатое поле.
Томам аҥаш коншудыжат ок шоч. Н. Лекайн На плохом поле и лебеда не растёт.
3. уст. полоса земли, равная 2/3 десятины
Теве ужат дыр тый комбайным – пога, кыра, пуалта. Ожсо чырык аҥа торам икганаште руалта. А. Бик Вот, наверное, ты видишь комбайн – жнёт, молотит, сортирует. Четверть прежней полоски сразу захватывает.
4. в поз.опр. относящийся к полю, участку, земли
Аҥа паша полевые работы.
Йӧршеш йомеш аҥа йыраҥ. О. Ипай Исчезнут совсем межи между участками.
Аҥа паша тӱҥалшаш лишан Курий Мичумытын кугу вӱтажым ужалыш. М. Шкетан Перед началом полевых работ Курий продал большой хлев Мичу.
Идиоматические выражения:
– шошо аҥа
– шыже аҥа
– шке аҥам куралаш
аҥавуй
конец или начало полосы, участка
Нуно вашке аҥавуйыш толын шогальыч. Н. Лекайн Вскоре они подошли к концу полосы.
аҥагайык
зоол. вертишейка (птица)
Аҥагайык муро шергылтмек, калык аҥа пашаш лектеш. Калыкмут Как запоёт вертишейка, народ выходит на полевые работы.
аҥан
Ⅰ
с горловиной
Ведыркан куважат лопка аҥан кӱжгӧ чукырым конден кучыкта. Д. Орай Жена Ведырки подаёт в руки стакан с широкой горловиной.
Икмыняр жап гыч (ӱдырамаш) лопка аҥан тазым нумалын пурыш. А. Березин Через некоторое время зашла женщина с широким тазом на руках.
Ⅱ
полосный, с полосой, участком
Кум аҥан кресаньык, кушко шуашат, ок пале. Крестьянин с тремя участками земли, не знает даже, куда успеть.
аҥан-аҥан
полосками, участками
Нужна ий почеш шуко еҥ мландым тӱрыснек ӱден огыл. Опой аҥан-аҥан налын, тарлен-тарлен ӱдыктен. Д. Орай После голодного года многие не засеяли полностью свои участки. Опой, закупая участками, засеял их с помощью нанятых работников.
аҥасе
полосный, на полосе, участке, относящийся к полосе, участку
Эчанын аҥасе озым ала-молан пеш ужаргынжак ок кой. Н. Лекайн Озимь на полосе Эчана почему-то не кажется особо зелёной.
аҥгас
бранный
Лукан тиде аҥгас мутшо воштылтышым тарватыш. Д. Орай Эти бранные слова Луки вызвали смех.
аҥгасланаш
-ем
1. браниться, ругаться, шуметь
Мурен-мурен Виктур толын пурыш. Нуно ты йӱдвошт аҥгасланеныт. Д. Орай Вошёл с песней Виктур. Они бранились всю эту ночь.
2. маяться, изводиться, мытариться, мучиться
Таче кече мучко ушкал-влак дене аҥгасланаш логале. П. Краснов Сегодня целый день пришлось мучиться с коровами.
3. хлопотать, возиться, беспокоиться
Овросий коҥга воктенже аҥгасланаш тӱҥале. «Мар. ком.» Овросий начала хлопотать возле печки.
аҥгаш
Ⅰ
-ем
испытывать сильную жажду, жаждать, томиться жаждой
Шӱшкен логарже аҥгымек, эр лупсым шӱшпык подылале. А. Бик Когда от пения соловей начал испытывать сильную жажду, глотнул утреннюю росу.
Имньына-влакат пеш аҥгеныт. А. Юзыкайн И лошади наши сильно хотят пить.
Составные глаголы:
– аҥген пыташ
Ⅱ
-ем
дурно пахнуть, вонять, смердеть
Пӧртыштӧ ала-можо пеш аҥга. Что-то в доме очень дурно пахнет.
Сравни с: ӱпшалташ, пыксаш
истомиться от жажды
Чодыраште коштын-коштын, ялт аҥген пытышым. Бродя по лесу, я совершенно истомился от жажды.
Составной глагол. Основное слово: аҥгаш
О сайте
Инструкция