пургедаш
пургедаш
Г.: пыргедӓш
-ам
1. рыть, взрывать, взрыть; разрывать, разрыть; вырывать, вырыть; изрыть
Пакчам пургедаш разрыть огород.
Машина-влак дӱргат, экскаватор-влак кочыртатат – курыкан мландым пургедыт. И. Васильев Машины тарахтят, экскаваторы скрежещут – роют горную породу.
Йырым-йыр снаряд-влак пудештылыт, мландым пургедыт, рокым нӧлтат. К. Коряков Кругом взрываются снаряды, разрывают землю, поднимают почву.
Сравни с: кӱнчаш, кӧргынчаш, коркалаш
2. размывать, размыть; подмывать, подмыть
Пӱям пургедаш подмывать плотину.
Ындыже вӱдлан пургедаш корно почылто, ситартышыже чоҥга ӱмбач волышо вӱдат полша. Н. Лекайн Теперь воде дорога открылась, чтобы размывать, в добавок помогает и стекающая с холма вода.
(Вӱд) ийым кӱрыштӧ, серым пургеде, олыкыш, чодыра коклашке ташлыш. В. Иванов Вода раскрошила лёд, размыла берега, разлилась на луга и леса.
Сравни с: мушкаш
3. ковырять, поковырять, расковыривать, расковырять; рыть, порыть
Лончышто пургедаш ковырять в щели
ошмам пургедаш ковырять песок
тоя дене пургедаш ковырять палкой.
Путников рокышто ала-мом пургедеш. Копаш пыштен туржын онча. Ф. Москвин Путников что-то ковыряет в земле. Взяв в горсть, перетирает.
(Уляна) казаварняже дене ик пылышыштыже пургеде, весыштыже – нимат ок полшо. З. Каткова Уляна поковыряла в одном ухе, в другом – нисколько не помогает.
Сравни с: кӧргынчаш, удыраш
4. рыться, порыться; шарить, пошарить, обшарить; перебирать, перебрать; перетрясать, перетрясти: обыскивать, обыскать; прочёсывать, прочесать
Вургемым пургедаш перетрясти одежду
кагазым пургедаш перебирать бумаги
кӱсеныште пургедаш шарить в кармане
сондыкышто пургедаш рыться (букв. рыть) в сундуке.
Чашкер лӱшкымӧ йӱк дене шергылтеш, орол-влак ик лакымат, ик вондерымат огыт кодо – пургедыт, ончыштын эртат. К. Васин Чаща наполнена шумом, охранники не оставляют ни одной ямы, ни одного кустарника – прочёсывают, осматривают.
(Ӱдыр) квитанций копий-влакым пургедаш тӱҥале, кӱлеш квитанцийым кычал лукто. А. Эрыкан Девушка стала перебирать копии квитанций, нашла нужную квитанцию.
Сравни с: кычалаш, шеҥаш
5. перен. придираться, придраться; привязываться, привязаться; копаться
Кӱлеш-оккӱллан пургедаш придираться к мелочам.
Кызыт гын кум ий ожно мо лиймымат пургедыт. А. Эрыкан Сейчас придираются и к тому, что было три года назад.
(Шумелёв:) От уж мо, тиде ревизорет сӧсна семын пургедеш. Н. Арбан (Шумелёв:) Разве не видишь, этот ревизор копается, как свинья.
Сравни с: кычалтылаш
6. перен. перебирать (перебрать) в памяти; вспоминать, вспомнить; восстанавливать (восстановить) в памяти
Йоча жапым пургедаш вспоминать о детских годах.
Эртышым пургедын, волгыдо кечым кеч-мыняр кычал шинче – эртак шем кече веле ушештаралтеш. А. Эрыкан Перебирая прошлое, сколько ни ищи светлых дней, вспоминаются только одни чёрные дни.
Тудын ушыжо, пундашдыме пычкемыште ала-мом шарнаш тӧчен, пургедаш тӱҥале. М. Евсеева Он начал перебирать в своей памяти, стараясь в бездонной темноте вспомнить о чём-то.
Сравни с: шарнаш, ушештараш
7. перен. бередить, разбередить; растравлять, растравить; терзать, мучить
Чоным пургедаш терзать душу.
Очыни умылыш: сусыр верым молан уэш-пачаш пургедаш. Й. Ялмарий Он, видимо, понял: зачем же бередить вновь и вновь рану.
Шӱм-кылем ит кӱрышт, ит пургед. В. Дмитриев Не разрывай, не терзай ты мою душу.
Составные глаголы:
– пургед возаш, пургедын возаш
– пургед кияш, пургедын кияш
– пургед кошташ, пургедын кошташ
– пургед лукташ, пургедын лукташ
– пургед налаш, пургедын налаш
– пургед ончаш, пургедын ончаш
– пургед пытараш, пургедын пытараш
О сайте
Инструкция