ШУТЯ ВАРА? Г. разг., экспрес. (букв. шутка ли?). Выражение, употребляющееся для подчёркивания важности, значительности чего-л. в значении: разве это простое дело. – Тамахань пӓлӹдӹмӹ вӓрӹшкӹ, тамахань пӓлӹдӹмӹ кек кычаш колташ сӧрӓт. Шутя вара?К. Медяков. Йӓнг тӓнгвлӓм ак монды. – Они обещают отправить в какое-то незнакомое место, поймать какую-то незнакомую птицу. Шутка ли? Хоть тӹдӹ охлышывлӓм ладна лиӓш шӱден, но, тӧржӹм попаш гӹнь, ӹшкежӓт шӹргӹ лошты охлен каштын: ыныка ямын, шутя вара!Н. Ильяков. Эдемвлӓ дӓ ивлӓ. Хотя он просил успокоиться охающих людей, но, правду говоря, сам тоже в лесу ходил и охал: внук потерялся, шутка ли!
ШУТЯ ДОНО АГЫЛ Г. разг. (букв. не с шуткой). ≅ НЕ НА ШУТКУ. Очень сильно, основательно; всерьёз. Цӓш гӹц цӓшӹшкӹ юрым вычышы Миколай ӹндежӹ шутя доно агыл лӱдын колтен.Н. Ильяков. Эдемвлӓ дӓ ивлӓ. Николай, который с часу на час ждал, когда пойдёт дождь, теперь не на шутку испугался. Артём тидӹм шутя доно агыл, а ӹшкӹмжӹмӓт дӓ сӓмӹрӹк тӓнгвлӓжӹмӓт мыскылаш пуаш ӹнжӹ ли манын, шӹдӹ ынгартыш доно ижӹ келесӓ дӓ ядмыла тьотя вӹкӹ анжал шӹнда.Н. Ильяков. Эдемвлӓ дӓ ивлӓ. Артём сказал это не на шутку, а со злыми нотками в голосе, чтобы не позволить насмехаться над собой и над своими юными друзьями, затем вопросительно посмотрел на старика. Тӹдӹ (Онтон Иван) шутя доно агыл лӱдӹн колтен: пӓшӓде ӹлӹмӓш шонгемдӓрӓш, кӓпшӹм нелемдӓш тӹнгӓлӹн.Н. Ильяков. Эдемвлӓ дӓ ивлӓ. Он (Онтон Иван) испугался не на шутку: жизнь без работы начала его старить, полнить.
ШУТЯ МАСТАР Г. (букв. мастер шутки). Шутник, балагур. – Шижӓм: застава начальник – шутя мастар эдем.К. Медяков. Йӓнг тӓнгвлӓм ак монды. – Чувствую, начальник заставы – шутник. Макарий ӹшкежӹ гӹнь яжо ылеш, манаш лиэш… Шутя мастар, йӱкшӹ лимӹкӹжӹ, аханицӓлӓнӓ.В. Лоцманов. Калявлӓ. Можно сказать, что Макарий сам по себе хороший человек… Шутник, когда выпьет, начинает баловаться. Тидӹ пашкуды Кӹргӧри, шукердӓт агыл солаштыжат сек веселӓ, шутя мастар, мыраш-кушташ яратышы млоец…Е. Поствайкин. Тӹньӹм ӹдӹр выча. Это – сосед Григорий, в недавнем прошлом самый весёлый молодой человек в деревне, шутник, любитель попеть и поплясать…
ШУТЯ МУТЯ Г. разг., шутл. (букв. шутка мутит). В шутке есть доля правды, она озадачивает, вызывает сомнения, нелёгкие мысли и т.п. (о том, когда кому-л. не приходится долго, много заниматься бездельем, шутками, забавами и т.п.). Когорак эдемвлӓ шутям ак яратеп. «Шутя мутя» маныт. Люди постарше не любят шуток. «Шутки шутить – людей мутить», – говорят они.
О сайте
Инструкция