ем. эй. кытчӧ оз ков нырсӧ сюйысь морт (ССКЗД, КСК)
быдл. кык бана шаньга, кӧч куа лямпа
1) скр. велӧдчытӧм ныв
2) кокни мывкыда ныв (КСК)
гусьӧн дойдны вермысь морт
Сэні кыйсьӧны вӧлӧм и мозынсаяс, а эмӧсь на и на пӧвстын вожа-чалля, крука кылаяс да ӧтнассӧ эз лэдз (Васьӧс) (Ю. Васютов)
гуляйтысь ань, кырсук
— А тэ сэтшӧм на томиник. Да, буракӧ, кыдзисюрӧ олӧмыд тшыкӧдыштӧма нин этша-этш тэнӧ... Торйӧн нин ме кодь вожа бӧжаясыс. Война вылад мужикыд уна усис да, ӧні ті вокыс нывъясыдлы-бабаясыдлы сэтшӧм колантор... (И. Торопов)
гуляйтысь ань, кырсук
— Кушникын аддзысям, — прӧщайтчиганыс шуис Ёгор да, Анушлань юрнас довкнитӧмӧн, мигнитіс Генялы... — Тэ дӧзьӧр вылӧ кольӧма. Видз... — Видзан найӧс, вожа гыжаясӧс, — нюммуніс зон (Я. Рочев)
гусьӧн пакӧститчысь морт
Калимов. Вот тайӧ лэбач шеді!!! Вой варыш! Милиция алиментысь сійӧс корсьӧ, а ми браконьерствоысь (Н. Никулин)
шыш, полошитчысь / вор, бродяга, разбойник (КРК)
— Коді сэні? — «Лэдз тэ менӧ», — Кутшӧм войдур ветлӧдлӧ? (И. Куратов)
Дерт, эськӧ бурджык вӧлі, некод кӧ эз паныдась миянлы. Но праздник лунад тай сёрӧдз шӧйтысь войдурыд век тырмӧ — морт нёль-ӧ-вит воча лоисны миянлы (И. Торопов)
войын шӧйтысь-ветлысь морт
Катя. Ог лэдз!.. Петӧмаӧсь вой каньяс, руньялӧны керка гӧгӧр... Тьпу! (Нёбдінса Виттор)
быдл. уна больгысь, паськыд вома (ССКЗД, КСК)
— Ирина скӧрысь видзӧдліс вӧтчысь Фаина Кирилловна вылӧ и муртса кутіс асьсӧ, медым не швачкыны тайӧ пеж вомаыслы кыз ныр-вомас (Н. Куратова)
быдл. пӧрысь выжыв, древен вошӧм морт некытчӧ туйтӧм, лэдзчысьӧм морт / пропащий, опустившийся человек (КРК)
Ладинеч вӧлі, а ті вошӧм мортӧдз вӧчинныд... (А. Лыюров)
вӧвъясӧс лёка видзысь, тӧждысьтӧм морт (КК)
Вӧв яй сёйысь: тадз шуласны сы йылысь, коді лёка видзӧ вӧвъясӧс (ККЯ)
дугдывтӧг больгысь морт
— Вешйы сэсь, вӧв сярган! — дузгӧдчас Ульӧыд да ньӧбасьтӧгыс и чушнитас-каяс гортланьыс (Пӧлин Ӧпрӧсь йылысь) (В. Безносиков)
полысь морт / дикий, боязливый, пугливый человек
ыж кодь вӧй (КРК)
вывті полысь (ССКЗД, КСК)
— Раб божӧйяс, — лыддьӧдлӧ отеч Степан, — пастыртӧг ті вӧй ыж чукӧр, и менам мог видзны тіянӧс лёк вӧчӧмысь, грекӧ вӧйӧмысь (А. Панюков)
уд. зывӧк морт, вӧк петкӧдлана (ССКЗД)
вӧкиль кодь морт (КК)
шыш, гуысь морт / вор (КРК)
— Со вӧрыс, со! Деньга мешӧкӧс гусялӧма... Черсӧ вайлӧ, черсӧ!.. Селифан муртса удитіс пышйыны чомйысь (Я. Рочев)
посни арлыда наян гуысь
Геня шӧтӧ-шыблалӧ кыйӧмасӧ, а берегас, вӧлӧм, сиктса зонпосни шытӧг ӧктӧны черисӧ. Да ӧд кутшӧм дзоляӧсь, а абу повзьӧмаӧсь, вӧрканьясыд, та ылнаӧ кыссьыны! (Н. Чугаев)
гуысь ань, шышань
Ме, зонмӧ, кӧсйи чеччыштны водзлань, варыш моз тшапнитны Парӧсӧ шошаӧдыс да горӧдны: «Ак тэ, вӧрӧвка, вот и сюрин!...» (В. Безносиков)
гуысь, вӧр, гусясьысь (КК)
Вӧрӧдан киа ↔ кузь киа, квайт чуня (ККЯ)
тшыкӧдчысь, зывӧк морт
ПРӦКЕЙ. Чукля-кульыс тіянлы отсалас, вӧр пучейяслы (Ю. Васютов)
лешак, мисьтӧм морт / леший (КРК)
Тайӧ зэв мисьтӧм, вӧрса кодь, вӧрын кӧ аддзан — чегсян (КК)
— Сирасьліс тай... вӧрсаыс! — нетшыштчис Елиса Васькалӧн личӧдӧм шамырысь. — Мун, кытӧн узьлан! (Г. Юшков)
мисьтӧм, культуратӧм морт (юӧртіс Э. М. Некрасова, Визин)
полысь, вӧй морт
Ачыд тэ вӧй вӧлін, кутӧм кодь вӧрысь (И. Куратов)
1) мисьтӧм чужӧма, зэв мисьтӧм морт (КК)
2) культуратӧм, этш тӧдтӧм морт
— Вӧрысь петӧм ошкӧн шусян, а сэтшӧма полан нывбабаысь, — дӧжныштіс сэсся Валентина (И. Торопов)
сш. культуратӧм, этш тӧдтӧм морт (юӧртіс И. Клековкина)
мисьтӧм мыгӧра, дурк вӧраса, укшаль морт
Вӧчтӧм гыр кодь (КК)
паськыд чужӧма, мисьтӧм чужӧма морт
Вӧчтӧм зыр кодь (КК)
нинӧм казявтӧм, узян морт
Митрей дядь доровтчылӧмӧн гораа сьӧвзис кынмӧм бырӧд вылас: «Сідз и колӧ миянлы, вугрӧсь синъяслы» (А. Афанасьев)
ковтӧмтор, туйтӧмтор, шыбитантор
Кино вылӧ Максим Надякӧд пырисны бӧръяяс лыдын. — Сет лишнӧй билетсӧ контролёршаыслы, воас кӧ, мед лэдзасны, — ӧвтыштіс кинас Надя. — Вугтӧм чемодан: нуны оз позь и кольнысӧ жаль... (сёрниыс Миш йылысь) (В. Торопов)
кыввортӧм, лёка сёрнитысь морт (КК)
торксьӧм вежӧра пӧрысь морт, вошласьысь / потерявший память, выживший из ума старый человек (КРК)
И дзик нин кӧсйис врачавны, но гӧтырыс чув моз пескыльтчис да лёкысь векыштчис: — Вешйы сэсь, выжыв!.. Чутӧдысь ветлан! Кодлы пӧлагайтчӧ, сійӧ и чуткас! (В. Безносиков)
вежӧрӧн вошласьысь морт
Лыдди ме тайӧс и мӧвпала: эз прӧстӧ гӧтыр менӧ шу выжыласьысьӧн да йӧйталысьӧн (Н. Игнатов)
эй. Кулӧмдін, Помӧсдін ошйысьысь, ышнясьысь морт (ССКЗД, КСК)
скр. вылӧ пуксьысь, вылын ныра, тшап морт (ССКЗД, КСК)
Орччӧн олысь Юра Аттӧ вылын юра (В. Бабин)
вылӧ пуксьысь, вылын ныра, тшап морт
Коркӧ и нылыс быдмис, да вочасӧн мамыс кодьӧн мӧдіс лоны. Сэтшӧм жӧ чужӧм-мыгӧра, сэтшӧм жӧ шогмытӧм вытя. Жикинсянь нинӧм абу. Вылын юра катша (А. Шебырев)
1) ошйысьысь морт / хвастливый, хвастунишка (КРК)
2) вылӧ пуксьысь морт, вылын ныра, гӧрдеч
— Вышепашъяс! — дӧзмӧмӧн шуисны кык ныв, кодъяскӧд кык вок эз мунны танцуйтны (П. Шахов)
омӧль кывъя, сӧвмытӧм сёрниа морт
Абу гагъя кывйыс ошйысьнысӧ (КК)
мустӧм, зывӧк петкӧдлана морт / гад (КРК)
Ёрччӧмӧн-матькӧмӧн чужъялісны сійӧс ӧтлаын юысьяс... «Ныртӧ лэпталан?! Дасьсӧ миянлысь юан, да кинад на воан? Гад! Гад!» — горзісны мужикъяс (А. Шебырев)
мустӧм, зывӧк петкӧдлана морт
— Гадина! — пиньсӧ йирыштӧмӧн шуис сійӧ [Матев] (И. Торопов)
асьсӧ вылӧ пуктысь морт, кк. кыпӧдӧм бӧжа
— Нетшкӧма, гар бӧжаыд, мед джоджыс оз ёгсяв... Но и петкӧдлам ми сылы рытнас! (сёрни пелькӧдчысь йылысь, коді нетшкӧма быдмӧглысь дзоридзьяссӧ) (Е. Афанасьев)
мустӧм, лёк морт
«Гартола сюра сӧтана!.. Менам тай нӧ протезӧс шыбитсьӧма! Ассьым мельничаӧс!» — Понпушов ырскӧбтіс ывлаӧ... (В. Безносиков)
вач гӧль, лёк паськӧма морт (КК)
Ачым на коркӧ потшӧс костысь перйылі гачтӧм потейӧс, сибдӧмыд вӧлі да (Г. Юшков)
скр. ньӧжмыд, дыш морт
гегӧ кодь (ССКЗД, КСК)
скр. кокни мывкыда, помкатӧг сералысь морт (ССКЗД, КСК)
скр. кокни мывкыда, помкатӧг сералысь морт (ССКЗД, КСК)
вӧй, полысь, родысь морт (КК)
Но сылӧн Галяыс абу гидысь петавтӧм ыж (А. Лыюров)
уд. омӧльтана морт
Гажтӧм Прӧв Микӧл бергӧдчис нукыслань да зыкнитіс: — Выйим жӧ тэ, гилутьӧ! Дугды быльзьыны! Швинтикасян кодӧскӧ! (А. Вурдов)
воысь, крукасьысь морт / придира, придирчивый человек (КРК)
сирасьысь-лясысь тайӧ дзик гирскун кодь (ССКЗД)
сй зырымбедь
Сэк нин суседъясыс шмонитлісны: со ӧд, гобӧлёкъяс на пӧ и эмӧсь, а быттьӧ сира пратьӧн ӧта-мӧд дорас гӧрддзасьӧмаӧсь (Н. Чугаев)
О сайте
Инструкция