терминов: 65
страница 1 из 2
омӧль кывъя, сӧвмытӧм сёрниа морт Абу гагъя кывйыс ошйысьнысӧ (КК)
мустӧм, зывӧк петкӧдлана морт / гад (КРК) Ёрччӧмӧн-матькӧмӧн чужъялісны сійӧс ӧтлаын юысьяс... «Ныртӧ лэпталан?! Дасьсӧ миянлысь юан, да кинад на воан? Гад! Гад!» — горзісны мужикъяс (А. Шебырев)
мустӧм, зывӧк петкӧдлана морт — Гадина! — пиньсӧ йирыштӧмӧн шуис сійӧ [Матев] (И. Торопов)
асьсӧ вылӧ пуктысь морт, кк. кыпӧдӧм бӧжа — Нетшкӧма, гар бӧжаыд, мед джоджыс оз ёгсяв... Но и петкӧдлам ми сылы рытнас! (сёрни пелькӧдчысь йылысь, коді нетшкӧма быдмӧглысь дзоридзьяссӧ) (Е. Афанасьев)
мустӧм, лёк морт «Гартола сюра сӧтана!.. Менам тай нӧ протезӧс шыбитсьӧма! Ассьым мельничаӧс!» — Понпушов ырскӧбтіс ывлаӧ... (В. Безносиков)
вач гӧль, лёк паськӧма морт (КК) Ачым на коркӧ потшӧс костысь перйылі гачтӧм потейӧс, сибдӧмыд вӧлі да (Г. Юшков)
скр. ньӧжмыд, дыш морт гегӧ кодь (ССКЗД, КСК)
скр. кокни мывкыда, помкатӧг сералысь морт (ССКЗД, КСК)
скр. кокни мывкыда, помкатӧг сералысь морт (ССКЗД, КСК)
вӧй, полысь, родысь морт (КК) Но сылӧн Галяыс абу гидысь петавтӧм ыж (А. Лыюров)
уд. омӧльтана морт Гажтӧм Прӧв Микӧл бергӧдчис нукыслань да зыкнитіс: — Выйим жӧ тэ, гилутьӧ! Дугды быльзьыны! Швинтикасян кодӧскӧ! (А. Вурдов)
воысь, крукасьысь морт / придира, придирчивый человек (КРК) сирасьысь-лясысь тайӧ дзик гирскун кодь (ССКЗД)
сй зырымбедь Сэк нин суседъясыс шмонитлісны: со ӧд, гобӧлёкъяс на пӧ и эмӧсь, а быттьӧ сира пратьӧн ӧта-мӧд дорас гӧрддзасьӧмаӧсь (Н. Чугаев)
винагаг, алкоголик Дуся. Но, голикъяс! Некутшӧм вина, сӧмын турецкӧй тшай (Ю. Васютов)
век мыйӧнкӧ ноксьысь морт — Эн бара дзерӧд менӧ, Анна, берегись! Бурджык лоӧ, ыстан кӧ вакульсӧ талань. Но мун, мун, — небзьыштіс Семён, — да висьтав сылы, гомозейлы, мед Кубрак вӧвсӧ лэдзалас вӧля вылӧ (Н. Чугаев)
ыждач морт, вылын юра Налӧн нырныс пыр вылын, вывті гоньӧгӧсь, велалӧмаӧсь, мый налӧн эм позянлун бӧрйыны уна зон пӧвстсьыд медся буръяссӧ (И. Ногиев)
гут эй. Помӧсдін дзебасьны ветлыны ёна радейтысь морт (юӧртіс В.П. Зюзева)
1) азым, зэв колысь морт / жадный, алчный 2) кырсалысь морт / блудливый человек (КРК) Сямманныд и бур йӧзӧс ошкыны, кырссянныд-лӧсаланныд дышъясӧс да горшъясӧс, корсюрӧ и тешитчана-гажӧдана гижӧдъяс овлӧны (В. Безносиков)
азым морт / жадный, жадина, хапуга (КРК) — Енмыс ӧд аддзӧ, быд ногыс велӧдӧ горшасьысьястӧ (И. Торопов)
сш. Чуклӧм пӧтлытӧм морт, адгорш
пӧтлытӧм морт, адгорш Ме асывбыд гижи, юр пытшкын гиляліс, сьӧлӧм вылын вӧлі шудлун манера. Ме эськӧ нимкодьпырысь ӧні варовитышті улиткаыдкӧд... Бӧрас казялі, мый садйысь уна мича кор вӧлі сёйӧма кутшӧмкӧ горшпоз (А. Валтон, комиӧдӧма А. Попов)
быдл. вывті горш морт Кыдз тай лӧсышті кулакӧн гӧрба нырас! «Тэнад, мися, гош понлӧн, сісь сювъяӧсь жӧ» [Опонасейлӧн] (В. Безносиков)
быдл. кыз, яя, тшӧгӧм морт (ССКЗД, КСК) Мӧсей Варукыд пӧ госа баба (В. Безносиков)
быдл. некытчӧ туйтӧм морт Эм миян кад быд гӧвнӧкӧд няньчитчыны (ККЯ)
сш. дзирня, пыр ылалӧм морт (юӧртіс Э.М. Некрасова, Визин)
дзирня гозъя, гӧгӧра чӧж кодь гозъя — Оп-п!.. Ооо! — сӧмын и артмис Тикӧнлӧн. Сэсся сійӧ надзӧникӧн чеччис жӧ усьӧминсьыс да пондіс ниртны дзобалӧм бексӧ: — Но, гӧгӧра гозъя, сюранныд!.. (Лиля да Владик) (В. Безносиков)
кын киа морт / неуклюжий человек, букв. с замерзшими руками (КРК) Гӧж киа ↔ век кисьыс мыйкӧ усьӧ (КФ)
кыввортӧм, лёка сёрнитысь морт (КК)
лёка сёрнитысь морт — Да, гӧна кывъяыдлӧн тай век сідзи артмӧ... — весиг гӧрдӧдыштіс Пилат Иван (И. Торопов) — Ог ӧд вӧлі кӧсйы, да ылӧдіс гӧна кывъя Лудікыд... (А. Одинцов)
скр. челядьӧс вильшасьӧмысь видан кыв (ССКЗД, КСК)
эй. Помӧсдін гӧрд юрсиа морт, ёна рыжӧй
гораа горзысь, авзысь НАСТЯ. А начальство юрнуӧдӧ, гӧрлӧпанъяс... (Ю. Васютов)
изьв. Петрунь няйтпоз, порсь, няйтын олысь морт
грекӧвӧйтчысь морт / греховодник (КРК) Сэки Микулай Ӧдя вильышъяслысь водзӧс босьтліс. — Тіянлы, грекӧвӧдникъяслы и тайӧ уна, — стрӧга шуас да колс пуктас стопкасӧ ныр уланыс (А. Мишин)
грека морт, мыжа — Настук, грекӧвӧйтысь, тадзи корсян патератӧ? Мамыд ӧщӧпекалас (А. Лыюров) Ассьыс челядь эз быдты — Йӧзлысь шонтывліс пӧч: «Грекӧ вӧйтысьясыдкӧд, — Шуліс, — нинӧм он вӧч...! (А. Ванеев)
вывті ыджыд тушаа морт, ӧшлӧпан Арся рӧмыдӧдзыс на петісны туйӧ. Сідз нин ыджыд тушаа Тикӧн мышсайса нопнас кажитчис грӧбӧзина кодьӧн (Н. Мальцев)
кык бана шаньга / двуличный человек, лицемер (КРК) Весиг мортыд — гуга-бана, — Коді кутшӧм, он пыр тӧд (В. Уляшов)
кык бана морт, кык ног сёрнитысь (КК) — Зонъясыд — гуга-бана шаньгаяс: сёрнитӧны ӧти ног, а вӧчӧны мӧд ног (В. Безносиков)
эг. вывті ошйысьысь, сӧрысь морт (ССКЗД, КСК)
быдл. сёрни разӧдысь, сӧрысь морт
бызгун, паськыд вом / болтун, пустослов (КРК)
суклясьысь, гудрасьысь морт, кыв новлысь (КК) Гудыр вома ↔ пеж вома (КФ)
эй. Вӧльдін бызгун, паськыд вом (юӧртіс Е.М. Игнатова)
сетласьысь ань, айлов, горшасьысь / гулящая женщина (КРК) Уна челядьнас век ошйысьӧ, а сиктын быд пон нин гуляйтысь мужиксӧ увтӧдӧ (В. Леканов)
1) уна юра ыджыд кый / дракон, змей, гидра (КРК) 2) лёк повзьӧдчантор А повзянтор и вӧлі — эстшӧм гундыр шывъялӧ юр весьтаныс! Вына бордъяссӧ, гашкӧ, сыв пасьта шевкнитӧма да быттьӧ оз и вӧрзьӧдлышты наӧн. Татшӧм гундырыд кӧ вылісянь став ӧдвывсьыс швачкас морӧснас — любӧй мортӧс чергӧдас кок вывсьыс, непӧштӧ уткаӧс либӧ кӧчӧс...[кутш йылысь] (И. Торопов)
ӧшлӧпан, грӧбӧзина / дылда (КРК) — Кутшӧм ме тэныд «Манька»! Кӧза али мый?! Алкоголик! Гурдей!... Нылыдлӧн платтьӧыс киссьӧма, а быд лун тӧкаритан!..; Менам кӧзяйкаӧй быд лун рокӧн пӧттшуйтӧ: сёй пӧ, кузь гурдей, мед тушаыд ещӧ нюжалас! А ме синмӧн нин проса-гречатӧ ог аддзы (В. Безносиков)
тӧдчытӧм, ичӧт морт Данько. Дырджык меным служитас! Ме ӧд берегдорса охранаын вӧлі. Иван. Гурина, сідзкӧ? Ляпкыдінъяс радейтан? Сэтшӧм окота тэнӧ сувйыны! (В. Леканов)
шыш, гуысь, гусясьысь / вор (КРК)
быдл. гусясьысь (ССКЗД, КСК)
шыш, гуысь / вор (КРК) Сійӧ пӧ вед, сӧветскӧй власьтыд, медсюсь гуськульыс, шуӧ вӧлі (Педӧровна) (Н. Куратова)