Коми видчанкывъяс

1абай

1) ӧшлӧпан / верзила 2) диал. варгӧс морт / лукавец, хитрец (КРК)

2абача

кыз, ён морт / толстый, здоровенный абача рушку ненасытная утроба (КРК) ...тэрмӧдлӧ гуӧ пырӧм мортсӧ абача кодь ён мужичӧй (Н. Щукин)

3абу дзик шома

абу тыр сюсь / винтиков не хватает в голове (КРК)

4абу прамӧй морт

омӧль, абу лючки морт ИВАН. Дыш тэкӧд рӧдняасьны! Тэ — наян! МИКАЙЛӦ (сералӧ жӧ). Ачыд тэ наян! Шулер. Абу прамӧй морт (А. Шебырев)

5абу тыр вежӧра

абу тыр сюсь / не в полном уме, не в своем уме (КРК)

6абу тыр сюсь

йӧй морт Кирӧ дед. Тайӧ абу тыр сюсь [Иванлы шуӧмтор] (Н. Белых)

7абу шома

абу тыр сюсь, йӧй Абу дзик шома Оз тырмышт мортыслӧн (КК)

8авгун

низгун, бӧрдысь / рёва, плакса (КРК) Лэччӧда вот тайӧ авгунъяссӧ карӧ да папӧыслы тювга, мед быдтӧ!» — некымынысь нин грӧзитчыліс Катька, но мамыс сійӧс ӧлӧдліс повзьӧмпырысь (В. Безносиков)

9агламан

уд. сӧвмытӧм, непутевӧй морт (юӧртіс Н.С. Калинин Удора р.)

10ад ôм

сй. вывті горш морт (ССКЗД, КСК)

11адас сюйысь

лёк, грека морт [коми морт] Зілис бергӧдчыны аслас юрӧн, аслас вежӧрӧн, эз на вӧв адас сюйысьӧн (Г. Юшков)

12адголя

эй. Помӧсдін вывті горшасьысь, пӧтлытӧм морт (юӧртіс В.П. Зюзева)

13адгорш

1) вывті горшасьысь, пӧтлытӧм / ненасытное горло, прорва (КРК) 2) лёк морт — Да мый нӧ тайӧ, адгоршъяс! — пырысь-пыр жӧ лӧвтыштіс Анук. — Да кыдз нӧ мийӧ асьным пондам овнысӧ? (И. Торопов)

14ай ур

гортын овлытӧм морт, гортысь лытайтысь ай ур кодь (гортын оз овлы) (КК)

15акать / акатей

сш. морӧсас пасторъяс пысавны радейтысь, быдсяма мичмӧдантор новлысь

16акпаш

кокни руа, катша / легкомысленный, безрассудный, несерьёзный, опрометчивый (КРК), видз. Ыкпаш Костя мӧвпыштіс: а мый, ӧтлаын кӧ ветлыны да ордымсӧ паськӧдны бокитіджык? Мед и гусяторсӧ лоӧ явитӧма, другъясыс абу акпашӧсь (Н. Мальцев)

17алала

1) вунӧдчысь, шӧпей, рака / разиня, ротозей, зевака алала моз сулавны 2) низгун, бӧрдысь баля / ревун, плакса (КРК)

18алала вом

паськыд вома, уна больгысь морт, алала кодь (КК)

19алапастӧм

диал. мисьтӧм чужӧм / некрасивый, безобразный (КРК)

20али вузалысь

1) еврейясӧс омӧльтана ним Пыр вӧлі и казялас еврейтӧ да строй водзӧ петкӧдас. Ӧти асылӧ стройысь петкӧдіс морт комынӧс. Но, шуӧ, али вузалысьяс, сідзкӧ, тэ ворсін, тэ сьылін, а тэ артасин? (Н. Щукин) 2) мортӧс вузалысь, предатель ...Меным та бӧрын Габовыс лои весиг зывӧк, мый сійӧ али вузалысь и ещӧ больгысь. Мый кӧть ме и корреспондент, сэсся тайӧс колӧ мен висьтавлыны?

21алкаш

алкоголик, винагаг, пъянник Радейтіс Аванс налӧн керка бокті ветлысь алкашъясӧс: зэв лӧсьыда водз кокъяснас кутчысяс кодлыкӧ мышкас да бӧр кокъяс вылас тшӧтш тапиктӧ (И. Ногиев)

22алкоголик

винагаг, пъянник — Алкоголик чукӧр, гӧлкйинныд ставсӧ! Абу тай яндзим! Татшӧмыскӧд он барай запаснад ов! Лэччӧй, кӧинъяс, пывсьӧй, жарыс эм на... (М. Третьяков)

23алкоголька

вина юысь ань Конӧ Педьӧ быд паныдасигӧн веськыда синмӧ крапӧдӧ: тэ пӧ комын арӧса алкоголька, дыр-ӧ ещӧ шляйтчан-гуляйтан? (В. Безносиков).

24алява

вач код, садьтӧм код морт — Да-а? — тӧдчанаа шензьыштіс сійӧ. — Видзӧдлам. «Алява». Тӧдтӧм... Мый сійӧ лоӧ?— Код йӧз йылысь тадзсӧ шулӧны. Алява пӧ код. Садьтӧм код либӧ (И. Торопов)

25алямазга

1) рунь, нюню, нямӧд / мазня, размазня (КРК) 2) зырымбедь Вынваын миян бур, чӧскыд чери, но сэтчӧс войтырыд, кор воласны, сералӧны, тайӧ пӧ алямазга (В. Тимин)

26алямзей

ичӧт тӧдчанлуна морт, зырымбедь САНКО. Но-но... Не распускайте руки, женщина! ТОМА. Ок, тэ, алямзей! (Т. Савельева)

27антикрист

ен тӧдтӧм морт, яндысьтӧм бугыль — Найӧлы, антикристъяслы, немтор абу! — чушнитчӧ та вылӧ пызан дорын ноксьысь мамыс да весигтӧ повзьӧмӧн видзӧдлӧ ен ув пельӧсса ӧбраз вылӧ. — А миянлы эм! (И. Торопов)

28антикрист чужӧм

ен тӧдтӧм морт, яндысьтӧм бугыль Катя (сьӧлыштӧ). Тьпу! Антикрист чужӧм... (Нёбдінса Виттор)

29антихрист

антикрист Марья. Мисьтӧм чужӧма пашистъяс вӧсна и пачтӧ вой шӧр войын ковмас ломтыны... Лёк антихристъяс вӧсна олӧм абу... Пыр и гымӧбтасны пушкаысь... (Н. Дьяконов)

30антус

мути, чӧрт / бес, чёрт, анафема (КРК) антус кодь (КК) — Пановтӧма антусыд! — би жарысь чатӧртчӧмӧн, скӧравтӧг вочавидзис вӧралысь. — Бара нин вӧлі пукалӧ сійӧ жӧ коз йылас да весалӧ нырсӧ [ош] (И. Торопов)

31антус пызь

мути, чӧрт, дявӧл, бес (КК) 1-й мути. Ме кута нырӧн кывзыны. Тэ — пельяснад! Гӧгӧрвоин. Эк, ук, ок, антус пызь! (Нёбдінса Виттор)

32антус рӧд

мути, чӧрт, дявӧл, бес Кирӧ дед. Антус рӧд! Ловъя юрӧн мынтӧмтор! Тэ кодӧс кӧсъян ньӧбны? Миянӧс? [Иванлы шуӧмтор] (Н. Белых)

33аньӧмакӧ

1) вывті лӧнь морт / тихоня 2) надз морт, ӧдва легысь / медлительный, мешкотный человек (КРК) Аньӧмакӧӧн ме эг вӧв, но и кокни руаӧн эг жӧ (П. Шахов)

34аньтӧм

баба горт овмӧс омӧля кутысь ань (КК)

35апа

диал. бубыля / буба (КРК)

36апастӧм

1) мисьтӧм чужӧм, урӧд морт / некрасивый, безобразный (КРК) 2) тӧлктӧм Тані апастӧм кывйыс кутӧ «тӧлктӧм» вежӧртас, и апастӧм ёна ёрччыны лоӧ «зэв ёна, мисьтӧм кывъясӧн, некытчӧ туйтӧма видчыны» (Е. Гуляев)

37арабач

мисьтӧма, лёка мыйкӧ вӧчысь, арабач кодь (КК)

38аркарович

омӧльтана ова морт МАТРЕН. Но. Воис аркаровичыс? КЛАВДИ. Мыйла аркарович? МАТРЕН. Этша менсьым чветсӧ нетшкис? (кывъяс Ӧндрей йылысь) (Н. Обрезкова)

39арся гут

пӧрысь, абу нин том морт Сійӧ видзӧдӧ ме вылӧ сэтшӧм шмонь да юалана синъясӧн, пӧдикӧ, эсійӧ буфетчица мозыс жӧ думайтӧ, кутшӧм арся гут пӧ бара миян гижысьяс керкаӧ веськалӧма-а? (Н. Куратова)

40арся рака

дыш да горш, колысь морт Арся ракалы моз пӧ эськӧ уна колӧ да (дыш морт йылысь) (КК)

41арся шляча

кортӧм дӧзмӧдчысь морт ГАЛИНА ПЕТРОВНА. Арся шлячаыд и эм. Локтіс сэні... Сёйнысӧ весиг эз кут пырны. Век татшӧм вӧлін (Вась Микулай, вӧвлӧм верӧс йылысь) (А. Попов)

42артист

тешитчысь морт, петкӧдчысь Морокин. Ме и ачым нэм чӧж радла сыкӧд. Ольга (Николайлы.) Со и гӧгӧрво найӧс. Николай. Артистъяс! (Н. Белых)

43асланьыс колысь

вывті горш морт (КК) Асланьыс колысь аньяс кургӧны, быттьӧ каньяс, сибыдӧсь найӧ, шаньӧсь, леститчысьӧсь да рамӧсь (Зарни Люся)

44асруа

сш., печ., скр. эй. асныра, ныра морт (КСК)

45асьтӧ вылӧ лэптысь

вышитчысь морт Сажин. Ёна жӧ тэ асьтӧ вылӧ лэптысь вӧлӧмыд... Кӧсъян медсюсьӧн лоны? Николай. Кӧсъя, мед бурджык вӧлі (Н. Белых)

46атаман

мортвиысь, неморт, рӧзбой — Тэ нӧ мый, атаман, дитяыскӧд вӧчин? Виин мыкталтӧдзыс? Ок, сӧтана тэ, сӧтана [Даръя йылысь] (Н. Мальцев)

47баба

вӧлятӧм айлов, нямӧд мужичӧй МИТРЕЙ. Сувт! Бабакӧд воюйтан! Тэ вай меным лый. Веськыда сьӧлӧмӧ! Давай! Али киыд тіралӧ? Сідзкӧ, збыль ачыд баба! Давай! (кывъясыс Гордейлы) (А. Шебырев)

48бабича

омӧльтана ань НИНА (дзикӧдз пузьӧ). Вош татысь, бабича! Колантор тэнад кыз ныра Петеыд! (кывъяс Катялы) (А. Шебырев)

49бабник

аньяс бӧрся вӧтлысьысь айлов, кодзтӧм уж Но и бабник жӧ тэ, вевъялӧмыд нин и вомас видзӧдлыны, и тӧдмасьны. Ме тӧда сійӧ аптекаршасӧ, Люция Георгиевнаӧн шуӧны (В. Напалков)

50багай

диал. 1) немӧй, сёрниттӧм морт / немой 2) нямӧд, паныд кыв сеттӧм морт / безответный (КРК) Но синтӧммис лолӧй багай чӧвлунсьыс... (Л. Ануфриева)