тӹкӓлӓш -ӓм Г. однокр. 1. трогать, тронуть кого-что-либо; прикасаться, прикоснуться к кому-чему-либо Парня доно тӹкӓлӓш тронуть пальцем. Йӓмшӹк ӓтяжӹм тупшы гӹц тӹкӓлеш.Н. Игнатьев Ямщик трогает отца за спину. Шӹргӹ вашт каштыт, изи тумвлӓм ак тӹкӓлеп.А. Канюшков Ходят по лесу, маленькие дубы не трогают. Сравни с: тӱкалташ, тӱкаш, логалаш 2. трогать, тронуть что-либо; брать, взять в пользование Йӓлӹнӹм тӹкӓлӓш трогать чужое. Пуста киӓ гӹнят, казна мӱлӓндӹм кыралаш ак ли, тӹкӓлмӹлӓ агыл.В. Патраш Казённую землю, даже если пустует, нельзя пахать, не надо трогать. Корнышты шӓдӓнгӹ шергиндӹм ит тӹкӓл, ӓтям докы костенецӹм нӓнге.Йомак По дороге пшеничные лепёшки не трогай, неси гостинцы моему отцу. 3. трогать, тронуть; задевать, задеть; обижать, обидеть кого-либо; нападать, напасть на кого-либо Мам саслет? Мӹнь тӹньӹм ам тӹкӓл.Н. Игнатьев Что кричишь? Я тебя не трогаю. Пирӹвлӓӓт икӓнӓ-иктӹштӹм ак тӹкӓлеп.Калыкмут Даже волки не трогают друг друга. Сравни с: тӱкаш, логалаш 4. перен. трогать (тронуть), касаться (коснуться) кого-либо; нарушать (нарушить) покой Ти эдемӹмӓт ойхы тӹкӓлде кодыде.Н. Игнатьев Горе коснулось (букв. не оставило не тронув) и этого человека. Тӹ спор пишок кымдан шӓрлен кен дӓ Катя дон Миколайымат тӹкӓлӹн.Н. Ильяков Этот спор сильно разгорелся и тронул даже Катю с Миколаем. Составные глаголы: – тӹкал колташ – тӹкӓл шӹндӓш
О сайте
Инструкция