Марийско-русский фразеологический словарь

ӰЧЫМ

ӰЧЫМ ШУКТАШ (савыраш, пӧртылташ, тӱлаш, налаш, ышташ)
разг., экспрес. (букв. месть доводить, довести (возвращать, возвратить; вернуть; платить, заплатить; взять; делать, сделать).
≅ СВОДИТЬ, СВЕСТИ СЧЁТЫ с кем-л.
Мстить, отомстить кому-л. за нанесённые обиды, оскорбления, унижения и т.п.
    Але ме, айдеме тукым, Пӱртӱснам − шочмо Мландынам − кошартена але Пӱртӱс айдеме тукымлан осал пашаже-влаклан торжан ӱчым шукта. М. Илибаева. Тиде ушдымо тӱняште. Или мы, род людской, погубим нашу Природу – родную Землю или же Природа грубо отомстит человечеству за злодеяния.
    Стапан, изиш ӧрын ончен шогат, Ямблатлан мушкындыжым pӱзa: «Чыте але, ӱчым савырем!» С. Чавайн. Ямблат кӱвар. Стапан, недолго глядя с удивлением, грозит Ямблату кулаком: «Ещё погоди, отомщу!»
    (Пайкан:) − Шеклане, Абдулла, кугеммешкем гына, ачам верч але лу пачаш ӱчым пӧртылтем. А. Савельев. Илыш сусырта гын... (Пайкан:) – Остерегайся, Абдулла, скоро вырасту, за отца ещё в десять раз отомщу.
    Пагул вате пӧртыштӧ шинчен ыш чыте, тулвондым налын, пошкудыжлан ӱчым тӱлаш уремыш шурген-шурген лекте. Ф. Майоров. М. Шкетан. Жена Пагула не усидела дома, прихватив кочергу, с руганью выбежала на улицу, чтобы отомстить соседке.
    (Осяндр:) − Ну, мый тидлан ӱчым налам. Шыже гына шужо, пум кондаш садак машинам йодат. А. Волков. Каче-влак. (Осяндр:) – Ну, я за это отомщу. Вот наступит осень, всё равно попросишь машину для доставки дров.
    (Миля:) – Ала, Тонялан сырен, ӱчым ышташ шонен, мыйым марлан налнет? В. Иванов. Тул йӱла. (Миля:) – Может, хочешь жениться на мне, обидевшись на Тоню, желая ей отомстить?

ӰЧЫМ ЫШТЫМЫЛА (ыштыме семын)
разг., экспрес. (букв. месть делая будто).
Как (будто, словно) специально, нарочно; как в отместку.
    Луй, Сакарлан ӱчым ыштымыла, нигушкат ок шич, эре ончык кая. С. Чавайн. Элнет. Куница, словно в отместку Сакару, никуда не садится, двигается всё вперёд.
    (Осып Эчан – Сидыр Кавырлялан:) – Пашатше вара кузерак ушна? – Але вуйым ом ший. Ушненак толеш. Южо кӧранышылан ӱчым ыштыме семын. П. Речкин. Сымыстарыше воштончыш. (Осып Эчан – Сидыр Кавырле:) – Как успехи на работе? – Пока не жалуюсь. Спорится. Как в отместку некоторым завистникам.