дрӧчка морт, няр баля / глиняная кукла, большая неженка
абу сёймонь, он нильзьы (КРК)
Сёй моньыд абу на табак нёнь рочын лӧсялӧ Федот да не тот (КК)
«Чӧрту! — аслыс кывмӧн шуис Петька, коклябӧръяснас тувкис вӧвлы бокас да лэччис гальки вылӧ. — Абу сёй монь... ог нильзьы (Я. Рочев)
сьӧкыд пеля
Ӧнӧдз на эг тӧдлы — сёй пеля вӧлӧмыд (КК)
Нывкаыд сэтчӧ сэтшӧм серам лэптас: «Батьӧ, батьӧ, батьӧ! Тэ тай сёй пеля! Тэ — ош? Вай ворсыштам! Тэ быттьӧ ош, а ме — Машенька...» (Н. Куратова)
1) мустӧм, дӧзмӧдана морт
2) видчанкыв (ССКЗД, КСК)
— Метӧ? — ышмыліс Илья. — Ставыс тіян сайын. — Аттӧ сё мокасьтӧй, вежай пыддиыс эз ло мӧд зонмыс! (В. Юхнин)
Важ йӧз казявлӧмаӧсь — кутшӧмкӧ юӧр водзын пӧ кывлӧ пеляд тріньгӧмыс. Сё мокасьт тай. Юӧрыд ӧд лёк и бур овлӧ... (А. Ульянов)
быдл. сёрни разӧдысь, суклясьысь морт
зимӧгор, брӧдяга, шӧйтысь, горттӧм-овмӧстӧм морт
Катя. Тэ ещӧ сэні жерйӧдлы пиньтӧ, сибырак... Гриша. Ачыд нӧ мый? Эндӧм ныв? (Нёбдінса Виттор)
шойданник, видз. уселон
СЫСОЕВ. Ме усйыся. Кытчӧ тэ воан-а, лёк сиволон... (пышйӧ Капусталӧн ырыштчӧмысь.) (Ю. Васютов)
тӧлктӧм, йӧй морт
ЁГОР А тэ эн укӧрайт! Газетас паськыд плешка сизьяс пукалӧны, налӧн юрвежӧрыс важӧн нин пыркалӧма! (А. Шебырев)
мустӧм, дӧзмӧдана морт
Татчӧ и йӧзыслӧн кывйыс воссис: — Мун, син вежан! — Вир тшыкӧдысь! Усян мед из вылӧ да пасьмунан! (Г. Юшков)
мустӧм, дӧзмӧдана морт / постылый (КРК)
И кор тшапа восьлалысь советниклӧн син вежысь кузь кос мыгӧрыс бердіс ӧдзӧс сайӧ, Латкин вӧлисти личыдджыка лолыштіс, шурк кыскис зепсьыс носӧвӧйсӧ, скӧрысь да гораа сульсис (Г. Федоров)
быдл. дышӧдӧм, дӧнзьӧдысь, дӧзмӧдысь морт (ССКЗД, КСК)
быдл. дӧнзьӧдысь, дӧзмӧдчысь морт
Нинӧм, сӧмын синмӧ пыран гутысь моз ӧдйӧджык мынтӧдчыны зілянныд, кор сэтшӧм вопроснас шыасьлі (Б. Шахов)
быдл. дӧнзьӧдысь, дӧзмӧдысь морт (ССКЗД, КСК)
Некодкӧд зык-венӧ оз пыр, некодӧс оз скӧрмӧд, абу йӧз синмӧ пырысь, олӧ лӧня (Пожӧгса Лена)
мисьтӧм чужӧма морт, полӧга
СОКОЛОВ. Кыдзи сійӧ шуис? «Пучей торгӧ сісь пуын да тожӧ чайтӧ, туй вӧчӧ?» Но, син пӧла сюзь! Видзӧдлам! Коді кодӧс... (Ю. Васютов)
1) быдл. кӧвъясьысь, дӧнзьӧдысь, дӧзмӧдысь морт, яндысьтӧм (ССКЗД)
Синтӧм гут кодь (яндысьтӧм), век синмӧ пырӧ (КК)
2) гӧгӧрвотӧм морт, вежӧртӧм
— А мый нӧ, ас гаж вылӧ эновтісны миянӧс — Синтӧм гут, он аддзы, став няньсӧ Эжва вожӧ да кытчӧкӧ нуӧны? Веськодь налы Печерасаыд! (Г. Юшков)
ПЕДӦР МИШ Выліас пукалысьясыс нӧ кӧнӧсь вӧліны? Найӧ синтӧм гутъяс али мый? Нинӧм эз аддзыны? (А. Ульянов)
вежӧртӧм, гӧгӧрвотӧм морт (КК)
Ми, пес пилитысьяс, синтӧм кутюяс кодьӧсь (В. Юхнин)
А прӧститі сы вӧсна, мый тэ вӧлін синтӧм кутюӧн, тэнӧ век новлӧдлісны домповод вылын, но тэнад таын ыджыд мыжыс абу (Н. Щукин)
вежӧртӧм, гӧгӧрвотӧм морт
ВОРОН. Синтӧм петук тэ, Петухов! (А. Ларев)
вежӧртӧм, гӧгӧрвотӧм морт
Лысӧй кодйысьыштіс ульӧв муас да веськаліс мупытшса туй вылӧ: — Сӧтанаяс... Синтӧм рожаяс... Мед ті виньданныд! Ойдӧй, вӧйӧй... (А. Полугрудов)
сирасьысь-лясысь морт, сиргаг
— Тэ эськӧ, Пашӧ, сира прать! Кӧвъясян — тэысь он мын (А. Одинцов)
лясысь, дӧзмӧдчысь, сирасьысь морт
— Правильнӧ, пыр и тӧдчӧ, мый кагатӧ абу вайлӧмыд, топыд на тэнад и нёньыд абу ӧшӧдчӧма. Со кутшӧм юмов нёньыд. — Вот сир гагйыд (Н. Щукин)
Бара эськӧ пыксьыны мӧдліс Ёгор, но... Он на син Миштӧ, сиргагӧн кӧ тшапкысяс! (А. Шебырев)
абу нин том, пӧрысьмӧм морт
ЛИДЯ. Пӧдругаяс?! Кутшӧм тэныд, сирӧд мырлы, дела менам пӧдругаясӧдз, кутшӧм тэныд дела... (Н. Обрезкова)
вывті ӧдйӧ ыззьысь, скӧрмысь морт, псик
— Сирӧд чагыс, кыдзи вед дзажнитчис! Ме вед эг лёкысь шу. Кутшӧм вед прынцӧсса воӧма вӧрӧ! [Жанна] (И. Торопов)
лясысь, сирасьысь морт, сиргаг
ЛЮБА (дзугыля). Бобӧнянь сэтчӧ лоис сир туруныд! Киад и сибдӧ тай картупельтӧ мудйигӧн! (Г. Юшков)
ёна мугӧм чужӧма морт (КК)
Сім кашник ↔ шуасны сьӧд юрсиа, мугов чужӧма мортӧс (КФ)
некытчӧ туйтӧм морт
Сирӧд вужйӧн ӧд Тулановъясӧс шуӧны, а оз кутшӧмкӧ сэн сісь картупельӧн ли ва ветьӧкӧн. Зумыдӧсь мыгӧрнаныс и овмӧсаныс найӧ (В. Лодыгин)
сш. лл. печ. шушкыль сёрниа, пыскыль кывъя морт (ССКЗД, КСК)
омӧльтчӧм вежӧра морт, йӧй
«Ак, сісь юр, — видіс асьсӧ Иван. Оз кӧ заведитчы моторӧй — вӧясны...» (П. Шахов)
ПЕДӦР МИШ. Экма да экма, но и сісь юр! Но и вежӧр! Дзик вунӧма (ас йывсьыс) (А. Ульянов)
омӧльтчӧм вежӧра морт
МАРПА. ...Сэсся идзас чучелаӧ штыкӧн зурӧдӧны на тшӧктӧны. Этійӧ... Кыдзи нин камандаясыс вӧлӧмаӧсь? Тьпу, сісь юр вемлы! Со тай кыдзи вӧлӧма... (В. Безносиков)
вач йӧй, мӧмӧт
СЫСОЕВ. Тэ абу морт! Сісь капуста мач тэ! Ме тайӧс сідз ог коль (Ю. Васютов)
омӧльтчӧм вежӧра морт
... Ии-кӧ-лӧ-ме-нӧ жӧ эськӧ да!.. Сісь юр... Сісь юр... Ме пегыртчи-кымыняси да чепӧсйи кок вылӧ (кывъясыс ас йывсьыс аслыс) (Б. Шахов)
сш. Визин гуляйтысь ань, шлявӧ (юӧртіс И. Клековкина)
кокбӧрля нюлысь, леститчысь, чесьтӧ усьысь, лискасьысь морт
— Прамӧйясыслы на орден да медаль эз сетлывны. Унджыкысьсӧ наградаясыд сітан нюлысьяслы сетлісны (Н. Щукин)
некытчӧ туйтӧм морт
...Чеччӧд, чеччӧд вина гаг другтӧ, да кыскамӧй пемӧссӧ. Зільджыка! Сіт додь! (кывъяс Педӧрлы) (А. Уляшев)
быдл. тӧдчытӧм, туйтӧм морт
— Тайӧ тай сіт дук!.. (Г. Горчаков)
сш. вывті ошйысьысь морт (юӧртіс И. Клековкина)
надз, топыд, жыд, жыдитчысь морт / скупердяй (КРК)
— Скупысла оз убӧлит лючки кӧмасьны ни пасьтасьны! Сіт косьтысь! — жеръялӧ паськыд вомнас та вылӧ Кӧсьта. — Эстшӧм муошыдлӧн нянь и быдтор, кӧнкӧ, быд пельӧсын дзебӧма! (И. Торопов)
сяквар, больгун / трепач (КРК)
быдл. зырымбедь
Быдтіс мам менӧ батьтӧг, Юрсӧ пуктіс, эз лок. Ме нин куритчи, матьки, Кӧть и ачым сіт ноп (Н. Щукин)
няйт, урӧс морт
Кутасны нимтыны ӧні сійӧс кутшӧмкӧ мисьтӧм йӧзкост нимӧн, Сітӧсь предӧн ли, мый ли (думайтӧ Ӧне) (И. Ногиев)
няйт, урӧс морт
— Сійӧ эськӧ ачыс Тереникаыс сітӧсь бӧжа мӧс кодь, — дорйыштіс нывсӧ батьыс (В. Куратов)
няйт, урӧс морт
Сійӧс, сітӧсь порӧкӧс, бурӧн он жӧ вен-а... (И. Торопов)
1) лёк, мустӧм морт, пемӧс
— А эсійӧ кодлы! Кӧрт стволыс! Медым сӧмын аддзылӧм выйӧдз матыстчыла — ставсӧ бӧжсяньыс юрӧдзыс камӧда, пожйӧ вӧча, скаредьӧс! (кӧинӧс) (А. Одинцов)
2) трасича
Локтіс Кираыд, пӧсь ва лэдзис, пӧрччысис пасьтӧгыс. Ок и мича жӧ вӧлӧма скаредьыд. Синмӧс ог вештыв розь весьтсьыс, любуйтча. А сійӧ сэтшӧм лӧсьыда пывсьӧ (Н. Щукин)
крут, другӧн лӧгасьысь морт / вспыльчивый, раздражительный, несдержанный (КРК)
Ӧдйӧ скӧрмысь мортыс тайӧ (Л. Втюрина)
лёкпоз / злюка (КРК)
Скӧрпоз! — нускыштіс нырнас, веськӧдчис да надзӧникӧн муніс (П. Липин)
быдл. скӧтина, пемӧс, абу морт, неморт
Савва (усьӧ пидзӧс вылас). Коль ловйӧн! Ӧні ме киын власть! Ог вунӧд, Егор!.. Егор. Пӧдан, скӧт (Н. Дьяконов)
быдл. абу морт, пемӧс, скӧт
Мышка. Вот сволочь! Ак, скӧтина! Мед и сісьмас ӧні тюрьма пельӧсын! Ковмас корсьны мукӧд ньӧбысьясӧс (Н. Дьяконов)
быдл. абу морт, пемӧс, скӧт
Ак тэ, Федька, скӧтина рожа! — пузис вирыс Катькалӧн (В. Безносиков)
быдл. жыд, надз, топыд морт, скуппоз (ССКЗД, КСК)
Деньгаыс, колӧкӧ, скупердяйяслӧн, лапӧда пестер тыр нин, а кӧпейка вӧсна йирӧ чеччыштасны (В. Безносиков)
йӧёват морт
Даша Мезенцеваӧс эз примитны институтӧ. Тайӧ вӧлі дивӧ... Весьшӧрӧ век буртор вылӧ вайӧдлывлісны, пыр ошкывлісны. Сиктын пӧрысь йӧзыс слабуткаӧн шуисны (А. Бушенева)
О сайте
Инструкция