Коми видчанкывъяс

1сё блин

омӧльтантор, видчанкыв — Эсійӧ траншеясьыс али мый? [ваыс] — Но, ад гумйыд тэнад. Со нин кӧні. — Сё блин (Г. Юшков)

1) некытчӧ туйтӧм морт 2) видчанкыв Сё икӧта пызь! (В. Лыткин)

1) трасича морт, омӧльтантор 2) видчанкыв Ок и гажтӧмтчи ме, Сё ерӧмаканьӧй, Мый тэ ӧні вӧчан, Менам муса аньӧй (В. Тимин)

4сё лебедьӧ

видчанкыв — Сё лебедьӧ! Мед кӧть пакӧсьт эз жӧ ло, — думӧ усьӧ кӧзяин. — Гашкӧ нӧ, уличаӧ петіс? Кӧть мый, колӧ корсьны! (А. Вурдов)

5сё лешак

мустӧм, дӧзмӧдана морт — Но сё лешакӧй!.. — чеччышліс места вылас Пашко. — Тэ тай весьӧпӧртін менӧ! (В. Юхнин) Мамыс, сё лешакыс, век на абу пырӧма, ноксьӧ—ветлӧдлӧ, тыдалӧ, горт гӧгӧрыс (А. Ульянов)

6сё мать

мустӧм, дӧзмӧдана морт — Ак, сё матьяс, колхозникъяс, чӧсмасянныд? Час, ме тіянӧс ставнытӧ начкала! — кыза кеслӧм гӧлӧс кыліс куст сайын (Н. Мальцев)

7сё мокой

зэв мустӧм, дӧзмӧдчана морт, кк. сё чӧрт Наталь бабным пырас да, любӧпырысь эськӧ, а век жӧ броткыштас: сё мокой, бара нин швачӧдчӧмаӧсь кык чой... (Н. Павлова)

8сё мор

1) лёк морт 2) видчанкыв Кирӧ дед. А тэ — сё мор! Кӧн нин сӧмын абу вӧлӧмыд. Деньга бӧрся вӧтлысьӧмыд! (Н. Белых)

9сё морӧ

1) быдл. чӧрт, мустӧм 2) дӧзмӧдана морт Сё морӧ дай олӧм. Тӧрыт на зэв збоя котраліс вӧрӧдыс, а талун со мый вӧчсьӧ (А. Ульянов) А кӧр туша дорын нуръясьӧны нин! Сёморӧ! Пуртӧн вундыштӧмӧн и вир сорӧн няклялӧны. Быр-р-р! Ме тӧда, кӧр видзысьяс оз вермыны уль сёянтӧгыс, айбарчтӧгыс. Но шоныд кадӧ! (Н. Никулин)

10сё морӧн лыйӧм

чӧрт, мустӧм морт Мудеритӧ, сё морӧн лыйӧм (КК) Илья лэптіс юрсӧ, видзӧдліс пызан вылӧ. — Сё морӧн лыйӧмъяс! Да ӧд ме куйла улыс дӧрӧм-гач кежысь. Нывъяс пырснитісны-серӧктісны (В. Юхнин)

11сё петук

мустӧм, дӧзмӧдана морт А рытнас нин Васька Петыр пузьӧмпырысь шуаліс пӧчлы: — Со ӧд, сё петукыд, кутшӧм (А. Попов)

12сё сӧтана

чӧрт, ёна мустӧм морт ВЕРА. Видзӧдла, коді асывнас тэныд звӧнитчӧ! Удж пӧдругаыд, буракӧ! Гажыс бырӧма! Сё сӧтаналӧн! (А. Куропаткина)

13сё сӧтана мать

ёна мустӧм морт Мустӧмӧй дай Катьӧӧй, Сё сӧтана матьӧӧй! (Г. Юшков)

14сё сюра

чӧрт, мустӧм, дӧзмӧдана морт — Руслан Акӧйӧвич! Кыпӧдчы, кыпӧдчы! Сё сюраӧ, повзьӧдін миянӧс! (А. Вурдов)

15сё сюра лешак

чӧрт, мустӧм, дӧзмӧдана морт, пемӧс — Сё сюра лешакыд, со тай коді мурзӧма, миянӧс повзьӧдлӧ. Лыйим кӧ? (Е. Афанасьев)

16сё сюра сӧтана

чӧрт, мустӧм, дӧзмӧдана морт — Ак тэ, сё сюра сӧтана!.. — гӧлӧсас кыліс ыджыд майшасьӧм (гӧрд тошкалӧн кывъясыс) (Б. Шахов)

17сё трасича

мустӧм, дӧзмӧдана морт — Да-а-арья-а-а! — друг вӧрсӧ поткӧдіс кыз мужичӧй гӧлӧс. — Ок, сё трасича! Бара на сибдіс кытчӧкӧ... (В. Юхнин)

18сёймонь

дрӧчка морт, няр баля / глиняная кукла, большая неженка абу сёймонь, он нильзьы (КРК) Сёй моньыд абу на табак нёнь рочын лӧсялӧ Федот да не тот (КК) «Чӧрту! — аслыс кывмӧн шуис Петька, коклябӧръяснас тувкис вӧвлы бокас да лэччис гальки вылӧ. — Абу сёй монь... ог нильзьы (Я. Рочев)

19сёй пеля

сьӧкыд пеля Ӧнӧдз на эг тӧдлы — сёй пеля вӧлӧмыд (КК) Нывкаыд сэтчӧ сэтшӧм серам лэптас: «Батьӧ, батьӧ, батьӧ! Тэ тай сёй пеля! Тэ — ош? Вай ворсыштам! Тэ быттьӧ ош, а ме — Машенька...» (Н. Куратова)

20сёмокасьт

1) мустӧм, дӧзмӧдана морт 2) видчанкыв (ССКЗД, КСК) — Метӧ? — ышмыліс Илья. — Ставыс тіян сайын. — Аттӧ сё мокасьтӧй, вежай пыддиыс эз ло мӧд зонмыс! (В. Юхнин) Важ йӧз казявлӧмаӧсь — кутшӧмкӧ юӧр водзын пӧ кывлӧ пеляд тріньгӧмыс. Сё мокасьт тай. Юӧрыд ӧд лёк и бур овлӧ... (А. Ульянов)

21сёрни чукӧртысь

быдл. сёрни разӧдысь, суклясьысь морт