Коми видчанкывъяс

1сибырак

зимӧгор, брӧдяга, шӧйтысь, горттӧм-овмӧстӧм морт Катя. Тэ ещӧ сэні жерйӧдлы пиньтӧ, сибырак... Гриша. Ачыд нӧ мый? Эндӧм ныв? (Нёбдінса Виттор)

2сиволон

шойданник, видз. уселон СЫСОЕВ. Ме усйыся. Кытчӧ тэ воан-а, лёк сиволон... (пышйӧ Капусталӧн ырыштчӧмысь.) (Ю. Васютов)

3сизь

тӧлктӧм, йӧй морт ЁГОР А тэ эн укӧрайт! Газетас паськыд плешка сизьяс пукалӧны, налӧн юрвежӧрыс важӧн нин пыркалӧма! (А. Шебырев)

4син вежан

мустӧм, дӧзмӧдана морт Татчӧ и йӧзыслӧн кывйыс воссис: — Мун, син вежан! — Вир тшыкӧдысь! Усян мед из вылӧ да пасьмунан! (Г. Юшков)

5син вежысь

мустӧм, дӧзмӧдана морт / постылый (КРК) И кор тшапа восьлалысь советниклӧн син вежысь кузь кос мыгӧрыс бердіс ӧдзӧс сайӧ, Латкин вӧлисти личыдджыка лолыштіс, шурк кыскис зепсьыс носӧвӧйсӧ, скӧрысь да гораа сульсис (Г. Федоров)

6син сотысь

быдл. дышӧдӧм, дӧнзьӧдысь, дӧзмӧдысь морт (ССКЗД, КСК)

7синмӧ пыран гут

быдл. дӧнзьӧдысь, дӧзмӧдчысь морт Нинӧм, сӧмын синмӧ пыран гутысь моз ӧдйӧджык мынтӧдчыны зілянныд, кор сэтшӧм вопроснас шыасьлі (Б. Шахов)

8синмӧ пырысь

быдл. дӧнзьӧдысь, дӧзмӧдысь морт (ССКЗД, КСК) Некодкӧд зык-венӧ оз пыр, некодӧс оз скӧрмӧд, абу йӧз синмӧ пырысь, олӧ лӧня (Пожӧгса Лена)

9син пӧла сюзь

мисьтӧм чужӧма морт, полӧга СОКОЛОВ. Кыдзи сійӧ шуис? «Пучей торгӧ сісь пуын да тожӧ чайтӧ, туй вӧчӧ?» Но, син пӧла сюзь! Видзӧдлам! Коді кодӧс... (Ю. Васютов)

10синтӧм гут

1) быдл. кӧвъясьысь, дӧнзьӧдысь, дӧзмӧдысь морт, яндысьтӧм (ССКЗД) Синтӧм гут кодь (яндысьтӧм), век синмӧ пырӧ (КК) 2) гӧгӧрвотӧм морт, вежӧртӧм — А мый нӧ, ас гаж вылӧ эновтісны миянӧс — Синтӧм гут, он аддзы, став няньсӧ Эжва вожӧ да кытчӧкӧ нуӧны? Веськодь налы Печерасаыд! (Г. Юшков) ПЕДӦР МИШ Выліас пукалысьясыс нӧ кӧнӧсь вӧліны? Найӧ синтӧм гутъяс али мый? Нинӧм эз аддзыны? (А. Ульянов)

11синтӧм кутю

вежӧртӧм, гӧгӧрвотӧм морт (КК) Ми, пес пилитысьяс, синтӧм кутюяс кодьӧсь (В. Юхнин) А прӧститі сы вӧсна, мый тэ вӧлін синтӧм кутюӧн, тэнӧ век новлӧдлісны домповод вылын, но тэнад таын ыджыд мыжыс абу (Н. Щукин)

12синтӧм петук

вежӧртӧм, гӧгӧрвотӧм морт ВОРОН. Синтӧм петук тэ, Петухов! (А. Ларев)

13синтӧм рожа

вежӧртӧм, гӧгӧрвотӧм морт Лысӧй кодйысьыштіс ульӧв муас да веськаліс мупытшса туй вылӧ: — Сӧтанаяс... Синтӧм рожаяс... Мед ті виньданныд! Ойдӧй, вӧйӧй... (А. Полугрудов)

14сира прать

сирасьысь-лясысь морт, сиргаг — Тэ эськӧ, Пашӧ, сира прать! Кӧвъясян — тэысь он мын (А. Одинцов)

15сиргаг

лясысь, дӧзмӧдчысь, сирасьысь морт — Правильнӧ, пыр и тӧдчӧ, мый кагатӧ абу вайлӧмыд, топыд на тэнад и нёньыд абу ӧшӧдчӧма. Со кутшӧм юмов нёньыд. — Вот сир гагйыд (Н. Щукин) Бара эськӧ пыксьыны мӧдліс Ёгор, но... Он на син Миштӧ, сиргагӧн кӧ тшапкысяс! (А. Шебырев)

16сирӧд мыр

абу нин том, пӧрысьмӧм морт ЛИДЯ. Пӧдругаяс?! Кутшӧм тэныд, сирӧд мырлы, дела менам пӧдругаясӧдз, кутшӧм тэныд дела... (Н. Обрезкова)

17сирӧд чаг

вывті ӧдйӧ ыззьысь, скӧрмысь морт, псик — Сирӧд чагыс, кыдзи вед дзажнитчис! Ме вед эг лёкысь шу. Кутшӧм вед прынцӧсса воӧма вӧрӧ! [Жанна] (И. Торопов)

18сир турун

лясысь, сирасьысь морт, сиргаг ЛЮБА (дзугыля). Бобӧнянь сэтчӧ лоис сир туруныд! Киад и сибдӧ тай картупельтӧ мудйигӧн! (Г. Юшков)