Коми видчанкывъяс

1убогей

уд. вермытӧм морт, калека (ССКЗД, КСК)

2уваль

ӧшлӧпан, ӧслӧп / увалень (КРК)

3увгысь

вывті гора морт / шумный, шумливый (КРК) Медбӧрын увгысьяс муналісны, мамыс петіс жӧ ывлаӧ: тӧдӧмысь, писӧ корсьны (Е. Потапов)

4удачатӧм

шуд кыйтӧм, морт, кодлы оз мойвилы Петьӧ кыйӧдіс-кыйӧдіс да кыдз тай сизьдыштіс Галялы, но эз веськав. Ызӧбтіс гажа серам: — Чукля ки! — Удачатӧм! (И. Ногиев)

5уж

гозъякост торкысь, кырсалысь айлов, верӧс Крӧвать увсьыс гургас-кыскас джодж шӧрӧдзыс: «Ак тэ, виж юра, госа меж!... Кыв вылад блажен муж, а вӧлӧмыд тай кодзтӧм уж» [гӧтырыс верӧссӧ] (В. Безносиков)

6уйла

мудеритчысь морт лукавец, хитрец (КРК)

7уйтыр

подлый, подлец (КРК)

8уктов / уктув

уд. (Веньдін, Глотова) слабиник, омӧлик морт (ССКЗД, КСК)

9укшаль

1) дурк вӧраса морт / неуклюжий, неловкий 2) омӧлик, омӧльтчӧм морт / худой, слабый, плохой (о здоровье) (КРК) Укшаль войтырлӧн лачаыс кусі, Вӧв ни мӧс тшыгъялӧмысь эз мын: Сэк быд видзантор кок йылысь уси — Эз нин коль весиг довъялан вын (А. Ванеев)

10укшаль чӧрт

дурк вӧраса морт — Ньӧжйӧник тэ сэні, укшаль чӧрт! — шӧпкӧдіс Валя, кор кыліс буфетысь гольӧдчӧмсӧ. — Лӧньджыка он вермы (кывъясыс Сергейлы) (С. Раевский)

11унпур

вывті дыр узьысь / соня (КРК) Сэки сӧмын мыччысис Мишаыс. — Узьсӧма, — аштӧмӧн шуис Миша. — Коді унпурыс? — эльтчигмоз юалі сылысь. Водзӧссӧ, коркӧ менӧ унпурӧн жӧ нимтыліс А. (А. Мишарин)

12упадь

омӧлик, ӧдва ловъя морт, мерлина — Мый тэ шуин? Ме — б...? Ок тэ, упадь омӧлик!.. — и дыр думайттӧг швачкис-кульыштіс ки пыдӧснас Мишлы пель бокас Наста (И. Торопов)

13ур тшак

коньӧр морт Иван. Кынӧмӧй сюмавны кутіс. Марина. Мун да мӧсъястӧ нёняв! Иван. Ме ӧд абу пӧдӧнча, би кинь юр! (Марина ноксьӧ пӧрт дорын, а Иван бергалӧ да сӧткӧ) Чушкан Иван — абу ур тшак, кодӧс ульӧн сёйны позьӧ (В. Леканов)

14уркай сёйысь

туйтӧм морт, омӧльтана морт Сайкавтӧм сьӧлӧма воис сэсся делянка вылӧ да нёджъёвтіс синнас Кальӧ Коляӧс, а сійӧ уджӧ нин босьтчӧма да паса пожӧмсӧ тшупӧ. — Кальӧ бӧж! Уркай сёйысь! Он кӧ дугды! — горӧдалігтырйи уськӧдчис Васька. — Эг ме тэд шулы? (Г. Юшков)

15урӧд

1) урӧд, мыгӧрын ортсы тырмытӧмторъя морт / урод 2) зульӧ, порсь, дурка олысь морт / неряшливый, нечистоплотный (КРК) 3) лёкӧдан морт Тадз и ковмас Ушаковкӧд овны. Оз вины урӧдӧс ни машина улӧ оз веськав! Дзикӧдз пикӧ воштіс, кӧть киллерӧс медав, да кысь сэтшӧмсӧ аддзан? (И. Ногиев)

16урӧдик

мисьтӧм морт / уродливый, безобразный, некрасивый (КРК) Коді урӧдик, сійӧ и герой (Г. Хатанзейский)

17урӧдина

1) урӧд, мисьтӧм морт 2) мустӧм морт, неморт — Петкӧдла ме тэныд мамахен!.. Урӧ-ди-на-а! — и раз-мӧдысь шлёпкис-сьӧвзис пиыслы чужӧмас (В. Безносиков)

18урӧдпоз

зульӧ, порсь, дурка олысь морт / грязнуля (КРК)

19урӧс

1) омӧлик, коньӧр кодь морт / недоразвитый, хилый, хиляк ВАСИЛЕЙ. Тайӧ урӧсъясыд абу ошкыд, со кутшӧм тэрыбӧсь (А. Попов) 2) няйт, мисьтӧм паськӧма морт / неопрятный, замухрышка 3) пеж морт / паршивый, паршивец, пакостный (КРК)

20урӧс пон

омӧлик, коньӧр кодь пон Анисья (бӧрсяньыс). Урӧс пон! (кывъясыс Жутьколы) (Г. Юшков)

21урӧстысь

тшыкӧдысь, немӧ вӧчысь А Ёгорӧс Лымва корӧ. Юыс гажтӧмтчӧ. Ас дінас корӧ. Медводз — бурджыкъяссӧ, шаньджыкъяссӧ, небыдджыкъяссӧ... Полӧ ярскӧбъясысь, жлечьясысь, мыр чужъялысьясысь, вӧр-васӧ урӧстысьясысь (А. Шебырев)

22уселон

шойданник, лёка пасьтасьӧм морт / оборванец, плохо одетый человек (КРК), видз. сиволон Лиза. А мед нин и вӧйтчин. Гортад со он лысьт овны. Быттьӧ уселон! (Валерьян йылысь) (Г. Юшков)