Коми видчанкывъяс

1сӧбака

лёк, мустӧм морт — Сідзкӧ, кондукторыс сэтшӧм сӧбака, — чӧвтыштіс Илья (В. Юхнин) — Ок и руч! Ок и руч, но и сӧбака! Кык син костсьыд ныртӧ гуас, — кӧритӧ Карпӧс ӧтырышъя чигарка нёнялысь, вийӧр пельпомъяса, ичӧтик пастук Митрей (Н. Никулин)

2сӧбель

сш. лёк, мустӧм морт

3сӧва

уд. эг. кузь ныра, кытчӧ оз ков нырсӧ сюйысь морт (КСК)

4сӧвестьтӧм

яндысьтӧм син, яндзим тӧдтӧм морт Симон. Яндзимысь-яндзим! Сӧвестьтӧм йӧз ті! (В. Леканов)

5сӧка тшак

ӧмӧльтана морт, трасича Вот сӧка тшакыд! (КК)

6сӧнік вир

кӧдзыд вира морт, кын сьӧлӧма, сьӧлӧмтӧм ӦГРӦ (Иванлы). Кын сьӧлӧм! Сӧнік вир! Эз и мӧрччыв, кутшӧма сьылі да (Г. Юшков)

7сӧпеч

горш, жыд, азым морт (КСК) — Тэнад кӧ, сӧпечлӧн абу, менам эмышт. Со, питшӧгын войткӧд войт сёлькӧдчӧны, петан туй корсьӧны... (Н. Чугаев)

8сӧпляк

быдл. зырымбедь

9сӧрысь

быдл. абутӧмсӧ сёрнитысь морт, пеж вом Оз кӧ меысь пет Некутшӧм поэт, Мед оз пет и пӧнӧмар, Гӧрдлысь, сӧрысь, яр... (И. Куратов)

10сӧрысь-бызгысь

абутӧмсӧ сёрнитысь морт, пеж вом Анна тьӧт. Аттӧ, пеж вом, аттӧ сӧрысь-бызгысь. Часлы ме тэныд петкӧдла [Сажинлы кывъясыс] (Н. Белых)

11сӧс

изьв. пеж морт

12сӧс морт

ем. гуляйтысь ань / гулящая (КСК)

13сӧс рожа

мустӧм морт, лёкӧдантор Керкаам Яг-мортыс пакӧститчӧма, сӧс рожа. Некымын нальк, чипсанъяс, пуля-порок запас — ставсӧ ӧд нуӧма! (А. Парначев)

14сӧт

1) сотана, дявӧл, мор / сатана (КРК) Ӧти шуӧ: — Тавой вӧтӧн Мырси мисьтӧм юра сӧтӧн, Чужӧмыс дзик са... (Е. Колегов) 2) лёк морт Леолы син улас уси ӧшинь вылын сулалысь гудӧк: — Сӧтъясыд, ещӧ гудӧксӧ розьӧдласны (И. Пыстин) Ӧти шуӧ: — Тавӧн вӧтӧн Мырси мисьтӧм юра сӧтӧн, Чужӧмыс дзик са... (Е. Колегов)

15сӧтана / сотана

1) сӧтана, дявӧл, мор / чёрт, сатана, дьявол (КРК) 2) лёк морт, пемӧс Кыкнан кӧзяиныс уськӧдчисны мездысьны. Понъяс век скӧрмӧны и скӧрмӧны. Киргӧ нин Катшыс — пӧрысь пон кутчысьӧма сылы горшас. Вир петӧ Серколӧн... — Вомъяссӧ, вомъяссӧ колӧ паськӧдны...— Ок, сӧтана, менӧ тшӧтш курччис (В. Юхнин) — Кытчӧ телевизорсӧ нуин, адгорш? Чеччы, ноко, сӧтана (кывъяс Иван пиыслы) (А. Селиванова)

16сӧтана вӧр

гуысь, шыш, омӧльтана морт — А ми огӧ вермӧй тэныд сӧтана вӧрлы? [лыйны пишшальысь] Йӧз питшӧгӧ китӧ сюян! (Г. Юшков)

17сӧтана пызь

1) лёк мустӧм морт, пемӧс 2) видчанкыв — Ок, сӧтана пызьыд! карснитіс Пиок Витень, да лювйыс тошкас и везмуні. — Кычипи на, а кок шегъяд нин и варскӧбтӧ! Шӧть, урӧс ёкмыль! (Г. Юшков)

18сӧтанник

лёк мустӧм морт Кыла бабӧлысь гӧлӧссӧ: — Со ӧд, сё сӧтанаыс! Эстӧн нывкаяс пӧлъя дзепысь сэтшӧм гажаа ворсӧны. А тайӧ... Зонпосниысь вильыш! Мыйла нӧ бур йӧзыслы лыасӧ коян? Сӧтанник тэ! (Н. Куратова)

19сӧтанскӧй

ем. Эжолты пеж морт (юӧртіс Н.Е. Нефедова)

20сӧткысь

ёрччысь-матькысь морт — Ёна тай колантор — баквалыд да сӧткысьыд!.. [Калиса Ӧксен йылысь] (В. Безносиков)