Коми видчанкывъяс

яндысьтӧм, наян морт — Вай чышкышта, а? Ок, сувтса син, пӧдӧм ныр! Увтнытӧ он куж (Г. Юшков)

яндысьтӧм, наян морт Сувтса синма, оз бара некодысь пов (КК)

3сука

1) гуляйтысь, мустӧм ань — Чӧрту! — чеччис Денис, быттьӧ пукалансӧ зі чушкис. — Быд кыр водзын бӧжнаныс легӧдчысь сукаясыд ми воклы оз ковны (Я. Рочев) 2) мустӧм лёк морт, айлов кӧть эньлов — А тэныд уна-ӧ мынтісны таысь, сука? Петралы дзик пеляс сӧдзӧдыштіс сулалысьяс пӧвстысь ӧти (В. Юхнин) 3) видчанкыв Марин пӧчлӧн пӧжсьӧма нин чайникас чайыс. — Сука юан? — юалӧ. — Сука, сука... ме, Марин Пӧч, — вак-вак серӧктӧ Пошта Надьӧ, кужис кӧповтны Марин Пӧчӧс да. — Кырӧсыс сиктаныд пож тыр, быть ӧд неуна сукаась, — бара на гир-гир сералӧ (Ю. Васютов)

4сукапи

мустӧм лёк морт, айлов — Правильнӧ, Михаил Мелентьевич! — Пызйы сійӧс, сукапиӧс!.. (Я. Рочев)

5суклясьысь

сёрни разӧдысь, гудрасьысь / сплетник, кляузник (КРК) — Ме — кӧин?.. Ме — гуга-бана шаньга?! Да ме тэнӧ, суклясьысьӧс, судӧ сета! Да ме тэнӧ, мӧс сіт ув гагӧс, тӧрича сорӧн иза! [Кузькоковлӧн кывъясыс] (В. Безносиков)

6сукыль-сакыль

сёрни разӧдысь, гудрасьысь — Кывзы йӧзсӧ! — чорыдджыка нин крапкис Иван. — Висьталасны бара... Сукыль-сакыльяс! Мыйся йӧз! Тшебыръяс... Чеччас Илляыс, некытчӧ оз воштысь (А. Шебырев)

7сулема

тшыкӧдчан лёк морт, пагӧдантор — Ок и Влас! Кардорсянь во джынйысь дырджык локтігад ми асьным эг тӧдӧй, кор воам гортӧ, а сійӧ, вӧлӧмкӧ, тӧдӧ...— Тӧдӧ, сулемаыд, ставсӧ тӧдӧ, — висьталіс шуда мам (Я. Рочев)

8сусан

няйтпоз / грязнуля тыла ректігӧн ми лолім сусанъяс кодьӧсь (КРК)

9сусан

сш., эй няйт чужӧма морт, няйтпоз (КСК)

10сустуй

диал. зэв омӧлик / хилый, тощий (от плохого питания или ухода) (КРК)

11сутяга

ёрдӧ сеталысь, судитчысь, зыкӧ пырысь / сутяга, сутяжник сутягалӧн да ябедниклӧн доныс ӧтмында (КРК) ...коркӧя лӧж слава лэдзлӧмысь да мам вылас тешитчӧм чурка Дуня мынтысьӧма Бырзьӧг Дарьялы. — Сідзи и колӧ сылы, сутягалы! — шуалісны бур сьӧлӧма нывбабаяс (Я. Рочев)