некытчӧ туйтӧм, омӧльтана морт
— Кишлакысь татшӧм сюри! — кирган гӧлӧсъясӧн вочаалісны салдатъяс. — Кутшӧм эм. Тшын пиысь, кӧнкӧ петіс! Абу жаль! Бурджык лоис, пӧдіс кӧ, падла! Колӧкӧ, тайӧ гадыс Серёгаӧс и виис? (А. Шебырев)
ичӧт тушаа морт (КК)
Падлач кока туис ↔ ичӧтик мортӧс шуасны (КФ)
больгысь, паськыд вома морт (КК)
Падъян вома (видчигъясӧн) ↔ паськыд вом (КФ)
удзӧдӧм морт, коньӧр
Тайӧ олӧм — абу сакар, Ош моз вугралӧмӧн ола. Но ӧд абу пайтӧм Макар Йӧзыслы на, видзӧд, кола (А. Уляшев)
дась нянь сёйысь, подув вежӧртасыс дӧва дорӧ, йӧз овмӧсӧ пырысь, дась вылас пырысь
— Но мый, Нина!? — лёкысь горӧдіс Данил. — Ме дінӧ локтін? Бӧръяысь? Ха-ха! Давай!... Нинӧм тэд овнысӧ! Мен овнысӧ, мен! Челядьӧс босьта, мамыдлысь мырддя. Юны дугда, удж корся. Палюртӧ керкаысь шыбита (А. Шебырев)
— Но и паляур, сідзкӧ. Шог ни яндзим! — шешмунлі Виринея. — Эн и гӧгӧрво, коньӧр. — Мыйла эг гӧгӧрво? Паляурыд поз аслыс оз вӧчлы, воттӧ оз мынтывлы: ме пӧ абу лэбалысь ни абу котралысь. Миян ӧд паляурӧн жӧ нимтӧны дӧва ордад пырысьтӧ. А ме важӧн нин ур, гӧрд ур! Пӧрысьӧ-нэмӧ кӧ ог едждӧдлы, — кималас вӧчис Самарин сім сьӧд тошсӧ (Г. Юшков)
асныра, асруа морт, меж кодь
Мый сибдінныд ме дінӧ паназыръяс моз! (Н. Фролов)
дась нянь сёйысь, дась вылын олысь / паразит (КРК)
Мед поэма Петкӧдлас ханжаӧс Лёка паськыд паськӧмаӧс, Паразитӧс, коді йӧзысь гырысь (И. Куратов)
пӧрысьмӧм морт
— Фёклаӧй-свёклаӧй тэ менам, юмов паренчаӧй, — пондіс сывъявны сьыліӧдыс Гаврей (Ю. Васютов)
дышпоз, лытун
Парпонь чукӧр, семья оз лӧсьӧдны, а кодлӧн эм — жугӧдӧны. Мыйся олӧм? (А. Шебырев)
— Ды-ыш, мудзи. — Тэ мый, парпоньӧ пӧрин? Ветлам, салдат локтӧма (сёрнитӧны нывъяс) (А. Мишин)
ёна мугӧм чужӧма морт (КК)
Паскула кашник ↔ мугов чужӧма (КФ)
больгысь, розя вома, гусяторъяс видзны кужтӧм морт (ССКЗД, КК)
Дивуйтчӧ пась вома йӧз: «Пемӧсыс мӧй ыджыд чина, Весигтӧ кежӧ машина?» (Ю. Васютов)
уд. больгысь, розя вома, гусяторъяс видзны кужтӧм морт
эй. Нэмдін шлявӧ, гуляйтысь ань (юӧртіс С. М. Мамонтова)
сш. Чуклӧм наян морт паськыд вом быдл. больгысь, розя вома
— Ак тэ, паськыд вом, — кутіс видчыны Марья тьӧт. — Кодкӧ кӧ бокӧвӧй пырис, а тэ сылы брольӧдін? (кывъяс Ӧнюшлы) (А. Мишин)
больгысь, розя вома, гусяторъяс видзны кужтӧм морт / болтливый человек, болтун (КРК)
— Мый тэ лӧвтан, «бӧрдысь Пома?» «Бӧрдысь Пома», паськыд вома? (В. Лыткин)
больгысь, розя вома, гусяторъяс видзны кужтӧм морт
Тималӧн тайӧс кылӧм бӧрын вирыс сӧнъяс пытшкас быдсӧн пузис. Мый-мый, но сӧмын эз татшӧмтор виччысь сійӧ Зоясянь! «Вот паськыд вома ракаыд! Но и сӧрӧ!...» (И. Ногиев)
эй. Висер вывті горш морт (юӧртіс А.М. Попова)
дзик абутӧм морт, гӧль (КК)
Пась ни кӧм, тшыгысла кынӧмас гӧгйыс путкылясьӧ (С. Пылаева)
1) шойданник / оборванец (КРК)
Митя бӧр пырис керкаас, видзӧдліс пасьтӧм на вокыс вылӧ да горӧдіс: — Пасьтӧм рака — кар да кар! (С. Раевский)
2) козинтӧм гӧтырпу (КК)
Петрунь ошйысьысь морт, квастпоз
кыза пасьтасьӧм морт (КК)
сш. Кебра сиктсёрниын йӧюк (юӧртіс Э.М. Некрасова, Визин)
некытчӧ туйтӧм морт
— Но и патрак жӧ тэ, андел Коля, со ӧд мый мен шуалӧ. Тэ мый, дзик нин йӧй али мый? (Н. Щукин)
паськыд чужӧма морт (КК)
Пач пӧдан чужӧм ↔ паськыд чужӧм (КФ)
дыш, паччӧрын куйлыны радейтысь морт, дыш ань / любитель лежать на печи (КРК)
— Артельнӧй добраыд сійӧ паччӧрича ныв кодь (П. Доронин)
омӧльтана ныв, ань
Таня. Окота тіянлы весьшӧрӧ пиньнытӧ кеслыны!.. Дарья. Тӧда ме тіянӧс, пашкыр бӧжаясӧс!.. (Н. Белых)
омӧля быдмӧм, ичӧт мыгӧра морт (ССКЗД, КСК)
— Пӧльӧ да пӧчӧ менӧ ичӧт дырйи нимтлісны «потӧм пегышӧн» — нывка, сідзкӧ (Н. Куратова)
ичӧта быдмӧм морт, пемӧс / маленький, низкорослый (о человеке, животном) (КРК)
Бурся урлы педжга ур, Педжга урлы ловпу чань, Ловпу чаньлы пипу чань, Пипу чаньлы чувки пӧв, Чувки пӧвлы кепысь пӧв (Фольклор)
1) некытчӧ туйтӧм, няйт морт / поганый, нечистый
2) ёна мустӧм морт / скверный, отвратительный (КРК)
— Лыйны колӧ пежӧс! Эз на бур водзын сійӧ лок. Морт юрла на кодкӧ сійӧс ыстіс, мутиыс-ӧ код (Г. Юшков)
Бауӧн кыссис Данил. Коркӧ сэсся путьмис жӧ сувтны тіралысь кок вылас. «Пежъяс... Ставныд пежъяс! Гортӧ, гортӧ...» (А. Шебырев)
ёна мустӧм морт
— Тырмас, бобӧ, тырмас, — горш вылӧ пуксьысь ёкмыльяс ньылалігтыр сійӧс бурӧдіс Марина. — Лӧжнӧй славаыд морт вылӧ оз кӧвъясь. Ен отсалас, и пеж бугыльлысь голясӧ тэ пыдди орӧдасны мукӧдъяс (Я. Рочев)
сӧрысь, лёка сёрнитысь морт
— Пеж вом! — горӧдіс мамыс. Грекӧвӧйтысь, мый тэ шуин? (В. Юхнин)
быдл. ёрччысь, лёкторъяс паськӧдысь, ковтӧмторсӧ висьталысь морт (ССКЗД, КСК)
— Юрик нимыд, шуам, олас, но рӧдыс налӧн... Вывті дыгыдӧсь да нӧшта и пеж вомаӧсь, — кӧритыштіс кага батьлысь семьясӧ мамыс (В. Куратов)
мустӧм, пеж морт / погань, гадина (КРК)
Аннушка. Папа, ви тайӧ пеж гагсӧ! Ви ӧні жӧ! Менам син водзын ви! Сійӧ сотіс миянлысь колхоз, виис бабукӧс!.. (Н. Дьяконов)
мустӧм, пеж морт
Катя. Антикрист! Югыд бугыль! Пеж горш. Тьпу! (Пӧдлалӧ ӧшиньсӧ.) (Нёбдінса Виттор)
— Мунӧ лэччӧй гидӧ, пеж горшъяс! Игнала да сэн и узьӧй! Йӧл кринча панялысьяс! — Ми вед эгӧй...— бӧрдны кутісны кык чой (Н. Мальцев)
мустӧм, пеж морт
— Тырмас тайӧ чукӧрӧ. — Пилаыс мед оз чег. — Аттӧ пеж кучик: черлӧн пинь чеччыштӧма (В. Юхнин)
быдл. лёк кывъя, сӧткысь-видчысь морт
мустӧм, зывӧк морт, пемӧс / поганая душа (КРК)
Калина скӧра видзӧдліс тайӧ шӧвк бордъя гулю вылас, кӧсйис мыйкӧ шуны, но нинӧм эз шу, а сӧмын кильчӧ вылын нин чорыда ёрччыштіс: — Пеж лов!.. [ань йылысь, коді эз лэдз Калинаӧс керкаас] (Я. Рочев)
— Шыть, пеж лов! — горӧдіс коклябӧр дорас гартчысь гӧрдов пон вылӧ Толя (Н. Никулин)
мустӧм, пеж морт
Клава удитіс на сьӧлӧмсяньыс, вом тырӧн сьӧлыштны Танялӧн лёкысла мисьтӧммӧм да вежыньтчӧм чужӧмӧ. — На тэныд, пеж локань! (И. Ногиев)
зэв мустӧм морт
ПАРАСЬ. Сідзик сылы и колӧ, бур йӧзсӧ ӧтдортӧ, пеж морт (И. Габов)
мустӧм, пеж морт
А сійӧ, пеж рожа, сідзи спокойнӧя юалӧ менсьым: «Тэ тай нӧ, Канев, тані жӧ...» (П. Артеев)
мустӧ зыртысь полысь морт
Павла Адамовна (Мышкалы). Лыйсьыны кутан, пеж трус?! (Н. Дьяконов)
зывӧктӧдана морт (КК)
«Пеж чужӧм, радлӧ Габовӧс вештӧмлы, гашкӧ, пуксьӧдны решитіс?» — мӧвпыштіс Фекла Яковлевна да пырысь-пыр кӧсйис лэччыны вӧрпунктӧ (А. Размыслов)
мустӧм, пеж йӧз
— Пеж чукӧр! — вомгорулас нурбыльтіс Порфирий да вешйис аслас пельӧсӧ (Я. Рочев)
мустӧм, пеж морт, пемӧс
— Ӧнисим! Табакыд эм на? Тшынасьыштам, зон. — Тпруу-у, пеж яй! Мый сэні педзан? — Адӧй, адӧй! Гезйыд тай оран выйын! Но сёмокасьт (В. Юхнин)
быдл. юр вундысь, пестысьысь, пиньӧ пырысь, пондысь (ССКЗД, КСК, КК) / наглый, шустрый, бойкий (КРК)
Раминик нывка вӧлі, а пель вундысь кодь лоӧма... (В. Леканов)
пельтӧм морт, омӧля кылысь / глухой человек, слабослышащий (КРК)
А Сӧпъяыд абу на пельташ: скокнитас-пырас вежӧсад да мужикыслы самасяс шабді чукӧр кодь юрсиас (В. Безносиков)
1) дзик кывтӧм морт
2) лёка кылысь морт
— Кывлін эн нин? — Эг. А мый сэтшӧмыс? — Да тэ тай пельтӧм!.. (В. Юхнин)
1) дзик кывтӧм морт
2) лёка кылысь морт
— Мый нӧ тэ, пельтӧм йӧра, пищальтӧ колин? Ме мый, Санча-Панса али мый, медым тэ бӧрся котравны? — кутіс видчыны гӧтырыс (кывъясыс Егорийлы) (А. Власов)
сьӧкыд пеля, пельтӧм морт (КК)
Шуасис пӧ быдсяма ногыс: и пеж чужӧм, и пельтӧм мутӧй, кор верӧсыс сьӧкыда мӧдіс кывны (В. Тимин)
О сайте
Инструкция