омӧля быдмӧм, ичӧт мыгӧра морт (ССКЗД, КСК)
— Пӧльӧ да пӧчӧ менӧ ичӧт дырйи нимтлісны «потӧм пегышӧн» — нывка, сідзкӧ (Н. Куратова)
ичӧта быдмӧм морт, пемӧс / маленький, низкорослый (о человеке, животном) (КРК)
Бурся урлы педжга ур, Педжга урлы ловпу чань, Ловпу чаньлы пипу чань, Пипу чаньлы чувки пӧв, Чувки пӧвлы кепысь пӧв (Фольклор)
1) некытчӧ туйтӧм, няйт морт / поганый, нечистый
2) ёна мустӧм морт / скверный, отвратительный (КРК)
— Лыйны колӧ пежӧс! Эз на бур водзын сійӧ лок. Морт юрла на кодкӧ сійӧс ыстіс, мутиыс-ӧ код (Г. Юшков)
Бауӧн кыссис Данил. Коркӧ сэсся путьмис жӧ сувтны тіралысь кок вылас. «Пежъяс... Ставныд пежъяс! Гортӧ, гортӧ...» (А. Шебырев)
ёна мустӧм морт
— Тырмас, бобӧ, тырмас, — горш вылӧ пуксьысь ёкмыльяс ньылалігтыр сійӧс бурӧдіс Марина. — Лӧжнӧй славаыд морт вылӧ оз кӧвъясь. Ен отсалас, и пеж бугыльлысь голясӧ тэ пыдди орӧдасны мукӧдъяс (Я. Рочев)
сӧрысь, лёка сёрнитысь морт
— Пеж вом! — горӧдіс мамыс. Грекӧвӧйтысь, мый тэ шуин? (В. Юхнин)
быдл. ёрччысь, лёкторъяс паськӧдысь, ковтӧмторсӧ висьталысь морт (ССКЗД, КСК)
— Юрик нимыд, шуам, олас, но рӧдыс налӧн... Вывті дыгыдӧсь да нӧшта и пеж вомаӧсь, — кӧритыштіс кага батьлысь семьясӧ мамыс (В. Куратов)
мустӧм, пеж морт / погань, гадина (КРК)
Аннушка. Папа, ви тайӧ пеж гагсӧ! Ви ӧні жӧ! Менам син водзын ви! Сійӧ сотіс миянлысь колхоз, виис бабукӧс!.. (Н. Дьяконов)
мустӧм, пеж морт
Катя. Антикрист! Югыд бугыль! Пеж горш. Тьпу! (Пӧдлалӧ ӧшиньсӧ.) (Нёбдінса Виттор)
— Мунӧ лэччӧй гидӧ, пеж горшъяс! Игнала да сэн и узьӧй! Йӧл кринча панялысьяс! — Ми вед эгӧй...— бӧрдны кутісны кык чой (Н. Мальцев)
мустӧм, пеж морт
— Тырмас тайӧ чукӧрӧ. — Пилаыс мед оз чег. — Аттӧ пеж кучик: черлӧн пинь чеччыштӧма (В. Юхнин)
быдл. лёк кывъя, сӧткысь-видчысь морт
мустӧм, зывӧк морт, пемӧс / поганая душа (КРК)
Калина скӧра видзӧдліс тайӧ шӧвк бордъя гулю вылас, кӧсйис мыйкӧ шуны, но нинӧм эз шу, а сӧмын кильчӧ вылын нин чорыда ёрччыштіс: — Пеж лов!.. [ань йылысь, коді эз лэдз Калинаӧс керкаас] (Я. Рочев)
— Шыть, пеж лов! — горӧдіс коклябӧр дорас гартчысь гӧрдов пон вылӧ Толя (Н. Никулин)
мустӧм, пеж морт
Клава удитіс на сьӧлӧмсяньыс, вом тырӧн сьӧлыштны Танялӧн лёкысла мисьтӧммӧм да вежыньтчӧм чужӧмӧ. — На тэныд, пеж локань! (И. Ногиев)
зэв мустӧм морт
ПАРАСЬ. Сідзик сылы и колӧ, бур йӧзсӧ ӧтдортӧ, пеж морт (И. Габов)
мустӧм, пеж морт
А сійӧ, пеж рожа, сідзи спокойнӧя юалӧ менсьым: «Тэ тай нӧ, Канев, тані жӧ...» (П. Артеев)
мустӧ зыртысь полысь морт
Павла Адамовна (Мышкалы). Лыйсьыны кутан, пеж трус?! (Н. Дьяконов)
зывӧктӧдана морт (КК)
«Пеж чужӧм, радлӧ Габовӧс вештӧмлы, гашкӧ, пуксьӧдны решитіс?» — мӧвпыштіс Фекла Яковлевна да пырысь-пыр кӧсйис лэччыны вӧрпунктӧ (А. Размыслов)
мустӧм, пеж йӧз
— Пеж чукӧр! — вомгорулас нурбыльтіс Порфирий да вешйис аслас пельӧсӧ (Я. Рочев)
мустӧм, пеж морт, пемӧс
— Ӧнисим! Табакыд эм на? Тшынасьыштам, зон. — Тпруу-у, пеж яй! Мый сэні педзан? — Адӧй, адӧй! Гезйыд тай оран выйын! Но сёмокасьт (В. Юхнин)
быдл. юр вундысь, пестысьысь, пиньӧ пырысь, пондысь (ССКЗД, КСК, КК) / наглый, шустрый, бойкий (КРК)
Раминик нывка вӧлі, а пель вундысь кодь лоӧма... (В. Леканов)
пельтӧм морт, омӧля кылысь / глухой человек, слабослышащий (КРК)
А Сӧпъяыд абу на пельташ: скокнитас-пырас вежӧсад да мужикыслы самасяс шабді чукӧр кодь юрсиас (В. Безносиков)
1) дзик кывтӧм морт
2) лёка кылысь морт
— Кывлін эн нин? — Эг. А мый сэтшӧмыс? — Да тэ тай пельтӧм!.. (В. Юхнин)
1) дзик кывтӧм морт
2) лёка кылысь морт
— Мый нӧ тэ, пельтӧм йӧра, пищальтӧ колин? Ме мый, Санча-Панса али мый, медым тэ бӧрся котравны? — кутіс видчыны гӧтырыс (кывъясыс Егорийлы) (А. Власов)
сьӧкыд пеля, пельтӧм морт (КК)
Шуасис пӧ быдсяма ногыс: и пеж чужӧм, и пельтӧм мутӧй, кор верӧсыс сьӧкыда мӧдіс кывны (В. Тимин)
сьӧкыд пеля, пельтӧм морт
Ок тэ, пельтӧм сыс (КК)
сьӧкыд пеля, пельтӧм морт (КК)
— А этійӧ пельтӧм сысӧйыс нинӧм оз кыв (А. Попов)
велӧдчытӧм, олӧмысь кольӧм йӧз
МАРИЯ (бӧрдӧ). Ой-й! Да невоспитаннӧйӧсь ми... Пемыд войтыр! (Т. Савельева)
велӧдчытӧм, олӧмысь кольӧм морт
Кирӧ Володь. Пемыд морт тэ, Анна. Шуис кӧ, ваясны (А. Попов)
ёсь кывъя морт
Полина (нетшыштӧ Шаховлысь пельсӧ). Переч кыв! Керка тыр челядь кӧдзин да мог тэныд наӧдз абу (Кыкнанныс сералӧны) (В. Леканов)
ен тӧдтӧм морт, грека морт
— Пернатӧм сьыліяс! Вот кодъяс найӧ коммунистъясыд! — мисьтӧма мурӧстіс Модест (В. Напалков)
бӧб, нӧш, йӧй
Унтер. Колӧ чайтны, мый вежӧраӧсь. Поручик (скӧра). Дерт! Эстшӧм дубинаӧс, пес чуркаӧс, кер помӧс... Эстшӧм... эстшӧм... нӧшкӧс кӧ нин ылӧдлісны, дерт, вежӧраӧсь! (Н. Дьяконов)
пестысьысь, пиньӧ пырысь морт
...нывбаба шуис сылы: — Буретш вӧлі тэ йылысь висьтала, кыдзи восьтін йӧзлы туйсӧ. Да ӧд шензьынытӧ он вермы! Микол Ӧльӧкан эськӧ петуксьыс петук — сійӧс и видзӧд, медым кокыштны кодӧскӧ, а усйысис кӧтасьӧм бӧжа чипан моз... (В. Юхнин)
зырымбедь
— Этайӧ печикыс? — шпыньмуніс пред. — Батьыслысь лызь туйсӧ талялӧ: ӧти кӧинсӧ сійӧ чергӧдіс! А тэ сэні — «печик». Скӧнь скӧрмӧдін! (Н. Никулин)
вӧсньыдик да кузь морт
Рочева. Мый налы Митрофанычсяньыс колӧ? Этайӧ «пешаыс» лунтыр на син водзын вуджрасьӧ... (Гаранин йылысь) (В. Леканов)
О сайте
Инструкция