хохол
Бӧж йывъясыс [юрсикайяслӧн] еджыдвижӧсь, гӧгрӧс морӧсныс сук-руд гӧна −−−. Но медся нин ёна нимкодьмӧдӧ бурысьныс! Ок ӧд, сэтшӧм сувтса-пашкыр туг. И. Торопов, Ме верма, батьӧ!
судак
— Ми локтігчӧж медсясӧ чериӧн жӧ вердчим. Кыснанӧ зэв бура шедӧ сирыд да ёкышыд. Весиг пунт даса судак самасьліс. Камаысь, тыдалӧ, локтӧ татшӧм гырысь чериыс. В. Кунгин, Кӧтъем кывтыд.
кп. судак, удм. кӧсчорыг
сука
Ӧстальнӧйыс, пон кызь, менӧ кытшӧ босьтісны, виччысьӧны эньыслысь сигнал, кор позьӧ менӧ нетшкынысӧ заводитны. Аддза, сукаыс бӧжнас легӧдӧ, морӧсам видзӧдӧ чеччыштны. Е. Афанасьев, Мӧдей Паш ордын.
нырок красноголовый
И кутшӧм пӧткаыс сӧмын сэні абу! И гордаяс, и вӧзьяс, и косысьяс, и жыдачьяс, и суначьяс. Сёр арнас, лэбӧм водзвылас, весиг сьӧд уткаяс сэтчӧ пуксьылӧны. В. Балибасов, Вӧліны вӧралан местаяс.
удм. зымылӥсь луд ӵӧж
язь
Вӧлӧмкӧ, сын катӧ. Гожӧмнас, шоныд ванас, гежӧда казявлан сыныслысь олӧмсӧ, кӧть и гож чериӧн лыддьыссьӧ, а арнас быттьӧкӧ мӧд пӧв кульмӧ, ыджыд чукӧрӧн ветлӧ. Г. Юшков, Чугра.
кп. сын, удм. сон
косяк язей
−−− йӧткыштчис [Бияр] пыжнас, петіс ты вылас, но ылӧдз эз кывт. Повзьӧмсьыс сын кельӧбыс воштысьліс жӧ джуджыдас мыйкӧ дыра кежлӧ и бара кыпӧдчис нырӧн ю вом дорланьыс. Г. Юшков, Бива.
нерест язя
кп. сын кульӧм
подъязок
Сійӧ [Шура] воча серӧктыштіс, видзӧдліс шатинъяс вылӧ, сэсся и уськӧдчис кыр горулӧ. И лэптіс весьт кузя сынпиӧс. И. Торопов, Тіянлы водзӧ овны.
кп. сынпиян
молодь язя
Базар шӧрас сулаліс паськыд да кузьмӧс сайник кодь, −−− и вот сэті кытшовтігӧн Васька казяліс ыджыд тазйысь мича сынпиян, регыд на кыйӧмӧс −−−. Г. Юшков, Рӧдвуж пас.
иж. важенка до двух лет, двухгодовалая важенка
трясогузка белая
«Чик-чилик... чик-чилик!..» — сырчик воӧма. Пукалӧ йи вылын, муркӧдӧ тушанас — чегъялӧ йи. Ва воссьӧ. Тима Вень, Во гӧгӧр кытшовтӧм.
кп. сырчик, удм. валсырчик, чечег
яйцо трясогузки
Сырчик кольк кодь таб катласис, ньӧжйӧникӧн вешйис век шӧрлань, а сэсся крута дзумгысис-вӧйис. Женя кыскыштіс шатинсӧ, а вугырыс оз лок. В. Ширяев, Князь ныв.
птенец трясогузки
Зэв мича вӧлі рытыс. Быттьӧ выльӧн на дзимбыралӧмаӧсь, дзирдалӧ сӧмын шондіыс. Сырчикпиян ӧти потшӧсысь мӧдӧ лэбалӧны да долыда тивзӧны. Г. Юшков, Вилядь сиктса ань.
кп. сырчикпиян, удм. чечегпи
гнездо трясогузки
Генялы та бӧрын эз вуграссьы. Сійӧ пыр думайтіс сырчик поз йылысь. Вот эськӧ петкӧдлыны зонъяслы, мед завидьтӧны. — Геняяслӧн кум дорын сырчик поз. Да нӧшта и колькъяс. Е. Козлов, Сырчик поз.
кп. сырчик поз, удм. чечег кар
вандыш
−−− зонпоснияс чиркйӧн да сирӧн ворсасны, Вась кырӧмысь йӧршъясӧс да гуринаясӧс вуграласны, лыа вылысь туис тыр сьӧд ар кӧвтасны чышъянӧн. П. Шахов, Лӧз патефон.
траурница
удм. сьӧд бубыли
горностай
Кыян сьӧдбӧжтӧ да кульны кутан, да ывлаӧ кӧть пышйы, сэтшӧм сылӧн лёк дукыс, ныртӧ чашкӧдӧ. Понйыд эськӧ оз нин сёй сійӧс, да исӧдӧмсьыс на понтӧ несйӧдлӧ. Г. Юшков, Рӧдвуж пас.
кп. сьӧдбӧж, удм. сьӧдбыж, юрмег
шкурка горностая
Ачыс трубича джаджйысь босьтӧм зээ пуяс малалӧ, на вылӧ зэвтлӧмаӧсь тулан и кӧч, сан и сьӧдбӧж куяс, уна зверь ку бергӧдлӧмаӧсь тайӧ вӧр керкаас сартаса би водзын. В. Торопов, Мудер зверь.
кп. сьӧдбӧж кучик, удм. сьӧдбыж ку
детёныш горностая
кп. сьӧдбӧжпиян, удм. сьӧдбыжпи
большая ложно-конская пиявка
глухарь самец
Котӧртіс сы дінӧ Ваньӧ, кватитіс голяӧдыс, лэптіс. Ок, мый ыджда да мый сьӧкта!.. Сьӧд дозмӧр. Чукчи... И. Торопов, Тян.
кп. сьӧд дозмӧр
вандыш
Ваас, дзик берег дорас, Кольлӧн шыбитлӧма чери сювъяс, да ӧні сэтчӧ чукӧртчӧма зэв уна сьӧд ёс, муыс оз тыдав. Е. Афанасьев, Войнабӧрся повесть.
нв. щелкун
Водзын паськыд ва гӧп тыдовтчис. «Вӧйтны менӧ кӧсйӧны тайӧ кык сьӧд жужальыс, — гӧгӧрвоис Кыз Ку. — Вӧйтны! Менӧ! Кодӧс весиг Ыджыд Перымын тӧдӧны! Этійӧ лёзь юрсиа гӧгулъясыс кӧсйӧны менӧ вӧйтны!» В. Тимин, Эжва Перымса зонка.
скворец обыкновенный
Асьныс [скворечьяс] сьӧдӧсь, мичаӧсь, шӧвк морӧсаӧсь, виж ныраӧсь. Войвывса сиктъясын сылӧн эм коми ним — сьӧдкай. И. Коданёв, Рига дорын, море бердын.
кп. сьӧдкай, удм. сьӧд юбер
скворчонок
кп. сьӧдкайпиян
скворечник
кп. сьӧдкай поз
уд. ящерица живородящая (чёрной окраски)
Кыдзи тӧдса, миян войвылын олӧны сӧмын руд да сьӧд кузейяс, ылі лунвылын эмӧсь и турунвиж рӧма. Л. Палкин, Окота эськӧ тӧдны.
желна, или чёрный дятел
Вотчан ли сьӧла кыян могӧн кӧ петіс сійӧ [Васька] гортсьыс, то кежис нин эськӧ кытчӧкӧ, со тай, шуйга ки вылас и вӧрыс, сьӧд кырлӧн тюрзӧмыс сэтысь кылӧ −−−. Г. Юшков, Рӧдвуж пас.
кп. сьӧд кыр, удм. сьӧд кыр
ворон
Сьӧд кырныш курксігтыр, бордъяснас сынӧдсӧ шыӧн вундігтыр, лэбис нюр помсянь, бергӧдліс юрсӧ ӧтарӧ-мӧдарӧ. В. Торопов, Медбӧръяысь вӧралӧм.
уд. глухарь
Видзӧдлі бурджыка: и збыль абу тар. Тӧдчымӧн ыджыдджык. Сэсся и бӧжыс абу ай тарлӧн моз крука. Пӧткаыс быттьӧ и чукчилань ветлӧ, кӧть и абу сьӧд лов кодь (тадзи вӧралысьяс тшӧкыда чукчисӧ нимтӧны) ыджыд. Л. Палкин, Окота эськӧ тӧдны.
бурые лягушки
Сӧмын на лажыньтчис [Митя] бипурлань, чужӧмланьыс чеччыштіс ичӧтик сьӧд лягуша, майскӧй жукысь на ичӧтджык. Видзӧдліс сюсьджыка да ас гӧгӧрсьыс аддзис нӧшта некымын татшӧм жӧ ловъя лолӧс. Л. Палкин, Шуштӧм вой.
чёрный мерин
Паныд чибӧа вӧв да сьӧд мерин нырнаныс корсйӧдлігтыр лэччисны шор дорӧ юны. Ньӧръяліс найӧс том зон. Н. Куратова, Вӧр гормӧг.
чёрная икра
Ӧтчыд, челядь дырйи вӧрса ты дорын дзескалі сёянӧн да нямлялі-орйӧдлі ёсь пиньяснам би вылын жаритӧм ӧш кучик. Но вӧвлі кад, кор мавтлі нянь вылӧ гӧрд пӧксӧ и сьӧдсӧ, пӧттӧдз сёйлі и сьӧла яйсӧ. П. Артеев, Мыйла?
кп. сьӧд пӧк
грач
Но эз этшаджык шензьӧд миянӧс кар шӧрас гырысь пуяс вылын рака позъясыс. Кымӧрӧдзыс быдмӧм быд тополь вылын, гашкӧ, сё поз — сьӧд ракаяслӧн. П. Шахов. Лӧз патефон.
кп. сьӧдрака, удм. сьӧд куака
грачонок
— А тіян бабыд абу кӧлдун, шуан? А мыйла нӧ эськӧ сьӧд книгасӧ лыддьӧ, висьталӧны ӧд! Колян во сьӧд ракаписӧ видзинныд гортад? Видзинныд! Некод оз видз, а ті видзанныд. Н. Куратова, Бобӧнянь кӧр.
кп. сьӧдракапиян
грачиное гнездо
кп. сьӧдрака поз
черно-бурая лисица
Илья аддзӧ нин зверьӧс ставнас — ручлӧн юр, ручлӧн бӧж... Сійӧ ӧдйӧ шыбитіс мыш вывсьыс капкан кӧртассӧ, перйис чер козъянсьыс чер да уськӧдчис. Здук мысти сійӧ киясын вӧлі зэв пушыд гӧна сьӧд руч. В. Юхнин, Алӧй лента.
кп. сьӧд руч, удм. сьӧд-курень ӟичы
мех черно-бурой лисицы
Новгородса купечьяс радейтісны дона низь куяс да сьӧд руч куяс. Тайӧ добранас найӧ вузасисны саридз сайысь волан тӧргӧвӧйяскӧд. Г. Фёдоров, Сиктса асыв.
кп. сьӧд руч кучик
желна, или чёрный дятел
Дугдісны койтны шонді петан кадӧ таръяс. Весиг кыр — сьӧд сизь — дугдіс таргыны асывъясӧ кос пу йылын. А. Одинцов, Ытва дырйи.
удм. сьӧд сизь
О сайте
Инструкция