Коми видчанкывъяс

1туис юр

эй. Помӧсдін вач бӧб, вежӧртӧм морт, мӧмӧт (юӧртіс В.П. Зюзева)

2туйтӧм

некытчӧ ковтӧм морт, коштуйттӧм Митьӧ Питьӧ. Народыс тані никудышнӧй. Лёк народ ставыс. Но, гашкӧ, и ме туйтӧм. А телефон пырыд менам век татшӧм гӧлӧсыс. Нервничайта потому что. Всего (Пуктӧ трубка.) (Г. Юшков)

3туйтӧм морт

некытчӧ ковтӧм морт, коштуйттӧм «Омӧлик мортӧн менӧ лыддьӧ, — думайтіс Паев, — туйтӧм мортӧн. А мыйӧн ме омӧльджык Гришсьыс? Мыйӧн?...» (Г. Горчаков)

4туйтӧм пон

некытчӧ ковтӧм морт, коштуйттӧм-туйтӧм морт — Чужъя туйтӧм понлы! Син водзын ройӧ увтан! [Гурдейлӧн кывъяс Павеллы] (Г. Юшков)

5тунгуз / тунгус

1) зумыш, сёрниттӧм морт / угрюмый, нелюдимый человек (КРК) 2) сш. весь олысь, дась нянь сёйысь, тунеядеч, видз. туньӧ — Тунгус? — ме вылӧ варыш кодь синъяссӧ сувтӧдіс паськыд гӧрд чужӧма, кузь уска жандарм. — Тунгус, — шуа ме сылы (Я. Рочев)

6тунеядеч

весь олысь, дась нянь сёйысь, туни, лытун Пав. Мих. (нылыслы.) Мун пыр да вежсьы. Ок, Дарья, Дарья!.. Эг чайтлы, мый тэ коркӧ татшӧм лёк олӧмӧдз воӧдчан!.. Сур пуысьӧн лоӧмыд!.. Тунеядечӧн!.. (Н. Белых)

7тунеядка

уджавтӧм, весь олысь, лытун ань Лукерья. Тайӧн и прӧмышляйта, Авдеюшко. Авдей. Лодырь тэ и тунеядка (Н. Дьяконов)

8туньӧ / сш. туни

весь олысь, дась нянь сёйысь, тунеядеч Пав. Мих. (нылыслы.) Мун пыр да вежсьы. Ок, Дарья, Дарья!.. Эг чайтлы, мый тэ коркӧ татшӧм лёк олӧмӧдз воӧдчан!.. Сур пуысьӧн лоӧмыд!.. Тунеядечӧн!.. Дарья. Ачыд туньӧ!.. Гашкӧ, ме тэысь этшаджык мырсьывлі?.. (Н. Белых)

9тупича

йӧй, бӧб, абу сюсь Курочкин (Любалы). Тупича. (Авдейлы.) Филармониясянь (Н. Дьяконов) — Тэ этія... Опонь... Тэ прӧстит менӧ... — мыжа гӧлӧсӧн шыӧдчис Гриш Миш. Мӧмӧтӧн ӧні ачымӧс кыла. Тупичаӧн (А. Шебырев)

10тупӧй

йӧй, бӧб, абу сюсь — Кутшӧм тэ тупӧй, кампеттӧ судзӧдны он сяммы! — скӧрмис медбӧрын велӧдысьыс велӧдчысь вылас да копыртчӧмӧн мыччис кампетсӧ (Н. Куратова)

11тупъюр

сш. эй. Помӧсдін бӧб, йӧй, мӧмӧт Дзик прӧста тайӧ суклялӧма пӧрысь выжывыд, тупъюрыд (Йӧлӧга)

12тупъюр варыш

бӧб, йӧй, мӧмӧт ИВАН (балябӧжсӧ гыжъялӧ). Да-а-а... Но тэ и тупъюр варыш, Микайлӧ. Кын юр. Кыдз трактор правосӧ тэд сетлісны? (А. Шебырев)

13тури голя

вывті вӧсньыд сьыліа морт (КК) Тури голя ↔ кузь да вӧсни сьылі (КФ)

14туска синма

пемдӧм синма, лючки аддзытӧм морт — Но вот. Ме ӧд Капит сертиыд кык арӧсӧн пӧрысьджык — 1925 воын чужсьылӧма. Ошйысьны быттьӧ абу лӧсьыд, но пельташӧн ни кокташӧн эг вӧвлы. Туска синмаӧн да порот паръяӧн эз жӧ нимтывны [Глафирa Мендеровналӧн кывъяс] (В. Безносиков)

15туша ни рожа

мисьтӧм, косьнӧд морт (КК) Туша ни рожа, партбилет ни образование, а сэтчӧ жӧ сюйсян? (Г. Юшков)