кокни мывкыда, кокни оласа, думсӧ ӧдйӧ вежысь морт (КК)
этша на тӧдысь морт, абу на вежӧра
— Жа-аль, — нюжӧдіс Митиер. ...Думыштчӧма велӧдны ыджыдджык воксӧ! Тӧв йыв бобув! (С. Раевский)
кокни мывкыда, кокни оласа, думсӧ ӧдйӧ вежлалысь морт (КК)
— Тэ тӧв йыв жбырган, Ёгор Кӧсьта. Кодарлань тӧв пӧльыштас, сэтчань и бергӧдчан... И олӧмыд сэтшӧм... (Б. Шахов)
дзирня (КК)
Тӧв мельнича моз ызгӧ (уна больгӧ, а тӧлк ни вежӧс) (Фольклор)
лёка пасьтасьысь морт, роталь, ротьӧ
Тӧв панялысьыс ветлӧ (КК)
нем вӧчысь морт, туни, немкерысь
Батьӧй велӧдчӧ Ленинградын Высшӧй партийнӧй школаын. Сійӧ авъя, абу тӧв чужъялысь (Н. Куратова)
Йӧз серам кӧть абу, а сиктын тӧв чужъялысьяс чужисны (В. Безносиков)
винагаг, пьянник
Дарья (матыстчӧ). Мый нӧ, тэ менӧ он нин тӧд, тӧкаритан голя?.. Пеж бугыльясыд нин кылалӧмаӧсь? (Нёбдінса Виттор)
быдл. йӧй, бӧб, вежӧртӧм морт
Ок, ёна жӧ тӧлктӧм мукӧд дырйи овлӧ мортыд (А. Лыюров)
йӧй, бӧб, вежӧртӧм морт, пемӧс, лэбач
Зонка босьтіс ыджыдкодь кос ув да шенасьӧмӧн вӧтліс пыстаясӧс. — Кысь! Мунӧ татысь, тӧлктӧм юръяс! (Е. Козлова)
ем. йӧюк, бӧбиник морт (ССКЗД, КСК)
туйтӧм, омӧльтан морт
Юрсӧ чургӧдас сыръя прӧшви улӧдыс да паськыд пельяссӧ торгӧдас: «Тайӧ тай, тӧрича пызьыд, менам бабаӧй шынйысьӧ!.. Коді нӧ удтӧма?.. Ок и, аддзас кӧ, петкӧдлас пӧсь пывсян!» [Сӧпъялӧн верӧсыс шуӧ] (В. Безносиков)
1) туйтӧм, ковтӧм морт
— А коді колхозсӧ кисьтіс? Ы? Ме али мый?.. Ы? Радӧвӧй йӧз и кисьтісны! Дыш тӧрӧканъяс рӧзвалитісны! (В. Безносиков)
2) омӧльтана морт
— А тэ кытысь татчӧ усин, уска тӧрӧкан (Ю. Васютов)
эй. Помӧсдін няйтпоз, дурка олысь морт (юӧртіс А.С. Игнатова)
эй. Помӧсдін вач бӧб, вежӧртӧм морт, мӧмӧт (юӧртіс В.П. Зюзева)
дзик тӧдчытӧм морт
Симон. Ог тӧд. Гашкӧ, юксьӧм кузя да... Но кыдзи ме верми ӧбидитны менсьым Нинукӧс. А? Ме жӧ сы дінын черань... Тӧщӧ пу! (В. Леканов)
О сайте
Инструкция