багаж
багаж (поезд, пароход, самолёт дене колтышашлык, тыгак корнылан налме кӱлеш арвер)
Куштылго багаж лёгкий багаж
багаж дене колташ отправить багажом.
Ижевск гыч багажым кондымо амал дене Зорин ятыр винтовкым, пистолетым конден. Н. Лекайн Под предлогом доставки багажа Зорин привёз из Ижевска много винтовок и пистолетов.
багажник
багажник (велосипедеш, мотоциклеш, автомашинаш арвер пышташ йӧнештарыме вер)
Велосипед багажник багажник велосипеда
автомашина багажник багажник автомашины
багажникыш пышташ положить в багажник.
Теве багажникыште (тошто фуфайкеш пӱтырал пыштенам) баян кия. М. Рыбаков Вот в багажнике лежит баян (я завернул его в старую фуфайку).
багажный
багажный (багаж колтымо дене кылдалтше)
Багажный вагон багажный вагон
багажный квитанций багажная квитанция.
Состав тӱҥалтыште багажный вагон уло. В начале состава есть багажный вагон.
Багажный кассышке черет кугу. Очередь в багажную кассу большая.
баганай
диал. верзила (кужу капан еҥ)
Баганайым вашлияш встретить верзилу.
Урем дене ик баганай ошкылеш. По улице шагает один верзила.
Смотри также: суймен
багульник
бот. багульник (купышто да чодыраште кушшо эреак ужар лышташан аяран вондер)
Багульникым шындаш посадить багульник.
Тул кугу пожарыш савырнен. Йӱлен багульник, йӱлен чашкер, пич чодыра. «Мар. ком.» Огонь превратился в большой пожар. Горел багульник, горела чаща, горел дремучий лес.
Сравни с: кукман
база
1. база; основание, основа чего-нибудь (негыз, эҥертыш)
Корма база кормовая база
социальный база социальная база.
Эл коммунизмын материально-технический базыжым ыштыме чыла направленийыште палынак ончык тошкалын. Страна существенно продвинулась вперёд на всех направлениях созидания материально-технической базы коммунизма.
Сравни с: негыз
2. база; опорный пункт вооружённых сил (вооружённый вийын опорный пунктшо)
Военный база военная база.
Теве тиде чодыралаште Кугу Отечественный сар жапыште партизан-влакын базышт лийын. М. Рыбаков Во время Великой Отечественной войны в этих лесах была база партизан.
3. база; учреждение, предприятие и т.п. по снабжению или обслуживанию кого-чего-нибудь (кӱлеш ӱзгарым пуышо але калыкым обслуживатлыше учреждений)
Турист база туристская база
ече база лыжная база.
А Шереҥге ер воктене турист базым ышташ келша. Й. Осмин А у озера Шеренге удобно построить туристскую базу.
4. база; склад, место хранения товаров, материалов и т.п. (тӱрлӧ сатум аралыме вер, склад)
Базыште сатум налаш получить товары на базе
книга база книжная база.
А олаште ик кечыгут вокзал гыч, база-влак гыч кевытлашке сатум шупшыктышым. Г. Ефруш А в городе я целый день возил в магазины товары из вокзала, из баз.
5. в поз.опр. базовый, базы (база дене кылдалтше, базыште улшо)
База директор директор базы
база орол сторож базы.
(Яшметов) варарак гына тогдайыш: база пашаеҥ мӧҥгышкыжӧ звонитла, ала ватыжым, ала иктаж-кӧм весым шудалеш. П. Корнилов Только потом догадался Яшметов: работник базы звонит домой, ругает то ли свою жену, то ли кого-нибудь другого.
базис
базис (общественный производственный отношений-влакын пырля ушнен, надстройкын негызше лиймышт)
Социалистический базис социалистический базис.
Ондак базис, вара иже надстройка. Н. Арбан Сначала базис, только потом надстройка.
базовый
базовый (база дене кылдалтше)
Базовый озанлык базовое хозяйство.
Семинар деч посна деловой вашлиймаш клубын занятийже, базовый школлаште эртарыме открытый урок пайдале лийшаш улыт. «Мар. ком.» Кроме семинара эффективными должны быть занятия клуба деловых встреч, открытые уроки, проводимые в базовых школах.
бай
ист. бай (поян)
Тудо (Ямет) шкеже тошто бай гай: иктым ондален, ынде председательын ӱдыржым ондалынеже. П. Корнилов Сам Ямет как старинный бай: одну обманул, теперь хочет соблазнить дочь председателя.
байбак
1. байбак (степьысе изи янлык)
2. перен. байбак; неповоротливый человек (муньырий, кӧтырем айдеме)
Но тый пӧръеҥ отыл, просто байбак улат. Н. Арбан Ты не мужчина, а просто байбак.
Сравни с: муньырий
байдарка
байдарка (аҥысыр спортивный пуш)
Байдарка дене ӱчашымаш гонки на байдарках.
байза
диал. свояк (посана)
Курскай мариемлан байза лиеш. Муж старшей сестры приходится моему мужу свояком.
Смотри также: посана
байке
1. байка (пушкыдо, пунан проста материал)
Одеялым байке гыч ыштыме. Одеяло сшито из байки.
2. в поз.опр. байковый (байке гыч ыштыме)
Байке одеял байковое одеяло.
Вера ош шокшо тувырым, кандалге байке йолашым чиен. А. Эрыкан Вера надела белую тёплую рубашку и синеватые байковые штаны.
байковый
байковый (байке гыч ыштыме)
Байковый одеял байковое одеяло.
Ик ӱстел, кок пӱкен, байковый сур одеял дене леведме пу кровать. О. Тыныш Один стол, два стула, деревянная кровать, заправленная серым байковым одеялом.
байланаш
-ем
диал. навязываться, навязаться, приставать (пижедылаш)
Але марте тудо (Иван) ик ӱдыр денат байланен коштын огыл. А. Эрыкан До сих пор Иван ни к одной девушке не навязывался.
Смотри также: пижедылаш
бак
бак (кугу ате)
Бензин бак бензиновый бак
вӱд бак бак для воды.
Кажне электростанцийыште парым йӱкшыкташ кучылтмо вӱдым кугу ёмкостян баклаште аралат. «Мар. ком.» Для охлаждения горячего пара в каждой электростанции воду хранят в больших баках.
бака
диал. зоол. лягушка
Бакам кучаш ловить лягушку.
Бака вӱдыштӧ ила, а муний – кӱ шеҥгелне. Лягушка живёт в воде, а жаба среди камней.
Смотри также: ужава
бакаклаш
-ем
кричать (о зайцах)
Мераҥ бакакла заяц кричит.
бакалей
1. бакалея (сакыр, чай да моло кочмо-йӱмӧ сату, тыгай сатум ужалыше кевыт)
Бакалейыште калык шуко погынен. В бакалее собралось много народу.
2. в поз.опр. бакалейный (бакалей дене кылдалтше)
Бакалей сату бакалейные товары
бакалей кевыт бакалейный магазин.
Кредит ушемын складыштыже кресаньыклан кӱлеш тарман – плуг, кӱртньӧ тырма, машин уке гынат, кевытыште бакалей сату пеш шуко уло. М. Шкетан В складе кредитного товарищества не имелось ни плугов, ни железных борон, ни машин, ни других нужных для крестьянина орудий, но зато бакалейных товаров в лавке полным-полно.
бакалейный
бакалейный (бакалей дене кылдалтше)
Бакалейный отдел бакалейный отдел.
Тудо (Осып) бакалейный кевытым куча. А. Березин Осып владеет бакалейным магазином.
бакен
спец.
1. бакен (вӱдыштӧ суднылан корным ончыктышо пале кугу буй)
Йошкар бакен красный бакен.
Юл воктене, мутат уке, оҥайрак: пароход, бакен-влак, тулеч молат. А. Волков На Волге, слов нет, интереснее: пароходы, бакены и прочее.
2. в поз.опр. бакенный, бакена (бакен дене кылдалтше)
Бакен понар-влак фонари бакенов.
Тыште да тушто бакен тул йолга, пароход-влаклан корным ончыкта. В. Исенеков То здесь, то там светятся огни бакенов, указывая путь пароходам.
бакенщик
бакенщик (бакен ончышо еҥ)
Бакенщиклан ышташ работать бакенщиком.
Кузьма Васильевич – бакенщик. Тудо Юл ӱмбалан кас еда тул маякым шында, тыге пычкемыш йӱдыштӧ пароход-влаклан кошташышт корным ончыкта. М.-Азмекей Кузьма Васильевич бакенщик. По вечерам он ставит огненные маяки на Волге, так он указывает путь пароходам тёмной ночью.
баклажан
бот. баклажан (кечывалвелне кушшо кияр гайрак шем кӱрен тӱсан пакча саска)
Баклажаным шинчалташ солить баклажаны
баклажаным погаш собирать баклажаны.
Мом гына тушто (опытный участкыште) огыт кушто: арбузет, дынет, баклажанет. В. Сапаев Чего только на опытном участке не выращивают: и арбузы, и дыни, и баклажаны.
бактерий
биол. бактерия (шинчалан койдымо тыгыде микроб)
Черым шарыше бактерий болезнетворные бактерии.
Теве айдеме шодышто туберкулёз бактерий-влак чыла шӱктат. А. Айзенворт Вот и в лёгких человека туберкулёзные бактерии всё гноят.
бактериолог
бактериолог (бактериологий шотышто специалист)
Бактериологлан тунемаш учиться на бактериолога
бактериолог-влакын конференцийышт конференция бактериологов.
бактериологий
бактериология (бактерий нерген наука)
Бактериологийым туныкташ преподавать бактериологию.
бактериологический
бактериологический
Бактериологический институт бактериологический институт
бактериологический оружий бактериологическое оружие.
«Бактериологический бомбыжо могай?» – Иван вате Вера Кирилловна деч йодде ок турко. М. Евсеева «Бактериологическая бомба-то какая?» – спрашивает Иваниха у Веры Кирилловны.
бал
бал (кугу куштымаш кас)
У ий балым эртараш провести Новогодний бал.
Либретто почеш балым ончыктыман гын, сценыште икмыняр персонажым веле ужына. «Мар. ком.» По либретто надо было показать бал, а мы видим на сцене только несколько персонажей.
бала
диал.
1. вина, подозрение
Балам ышташ заподозрить, валить вину.
Смотри также: йола
2. горе, несчастье, беда
Ялыште пӧрт йӱлыш, эх, бала лие вет. Случилась беда, в деревне сгорел дом.
Бала почеш бала. Беда за бедой.
Смотри также: ойго, азап
балаган
уст. балаган (ярмиҥга жаплан мыскарам ончыкташ ыштыме оралте)
Ярмиҥга площадьысе балаган балаган, находящийся на ярмарочной площади.
Ярмиҥга годым карусельым ыштеныт, балаганым шупшыныт, маскам куштыктеныт, кучедалыктеныт да тулеч молат. Во время ярмарки устраивали карусели, ставили балаган, заставляли плясать, бороться медведя и так далее.
балалайка
1. балалайка (кылан музыкальный инструмент)
Балалайкым шокташ играть на балалайке
кум кылан балалайка трёхструнная балалайка.
Изиш лиймек, балалайкым мурыктылын, Одоким лектеш. Н. Арбан Немного спустя, бренча на балалайке, выходит Одоким.
2. в поз.опр. балалаечный, балалайки (балалайка дене кылдалтше)
Балалайка кыл балалаечная струна
балалайка йӱк звуки балалайки.
баланс
спец. баланс (парыш ден роскотым таҥастарен иктешлымаш)
Идалыкаш баланс годовой баланс
калык озанлыкын балансше баланс народного хозяйства
балансым ышташ подвести баланс.
Комбинатлан балансым ситышын пуаш чыла йӧн уло. «Мар. ком.» Есть все возможности дать комбинату достаточный баланс.
балансироватлаш
-ем
1. спец. балансировать, сбалансировать (тӧремдаш)
Латикымше вичияшыште кормам белок да моло питательный вещества шотышто утларак сайын балансироватлаш палемдалтеш. В одиннадцатой пятилетке предусматривается улучшить сбалансированность кормов по белку и другим питательным веществам.
2. балансировать, сохранять равновесие посредством телодвижений (равновесийым кучаш)
балансовый
спец. балансовый (баланс дене кылдалтше)
Балансовый отчёт балансовый отчёт
балансовый комиссий балансовая комиссия
балансовый ий балансовый год.
Планироватлыме программно-целевой да балансовый йӧным утларак кумдан кучылтмаш калык озанлыкын баланс дене келшен толмыжым кугемдаш полшышаш улыт. Сбалансированности народного хозяйства должно служить более широкое применение программно-целевых и балансовых методов планирования.
балбес
прост. балбес (шотдымо, його айдеме)
Митрофан Серафимович Лёвалан балбес лӱмым пуэн. Ю. Артамонов Митрофан Серафимович прозвал Лёву балбесом.
балерина
балерина (балетыште куштышо артистка)
Уста балерина талантливая балерина
кумдан палыме балерина известная балерина.
Галина Уланова – кумдан палыме совет балерина. Галина Уланова – известная советская балерина.
балет
1. балет (театрыште куштен ончыктымо спектакль)
Классический балет классический балет
балетым шындаш поставить балет.
«Акпатыр» первый марий оперым, «Чодыра сем» балетым, у спектакльым ончаш ял калык машина дене олашке Маргостеатрыш кудалеш. В. Сапаев Сельские жители едут на машинах в город, в Маргостеатр, слушать первую марийскую оперу «Акпатыр», смотреть балет «Чодыра сем», новые спектакли.
2. в поз.опр. балетный, балета (балет дене кылдалтше)
Балет студий балетная студия
балет труппа балетная труппа.
(Гитлеровец-влак) опера ден балет театрым, художественный музейым, чыла манме гаяк школым да чыла институтым, вокзалым да кӱртньӧ корно кӱварым шалатеныт. Гитлеровцы разрушили театр оперы и балета, художественный музей, почти все школы и институты, вокзалы и железнодорожные мосты.
балетмейстер
балетмейстер (балетым шындыше еҥ)
Опытан балетмейстер опытный балетмейстер.
«Музыкальный историйым» балетмейстер А. Бердычев шынден. «Мар. ком.» «Музыкальную историю» поставил балетмейстер А. Бердычев.
балетный
балетный (балет дене кылдалтше)
Балетный спектакль балетный спектакль.
Балетный спектакльын негызшылан музыкым шотлат. «Мар. ком.» Основой балетного спектакля считают музыку.
балка
балка (кӱварым, туврашым да монь кучыкташ пыштыме кашта)
Кӱртньӧ балка железная балка
балкым пышташ положить балку.
Локтылалтше колонна-влак эркын-эркын вийненыт, стропила ден балка-влак шке верыштым налыныт. Постепенно изуродованные колонны выпрямлялись, стропила и балки занимали свои места.
балкар
1. балкарец (тюрк йылме ешыш пурышо еҥ)
2. в поз.опр. балкарский
Балкар йылме балкарский язык.
балкон
1. балкон (пӧрт пелен лектын шогышо авыртышан вер)
Балконыш лекташ выходить на балкон
балконышто шогаш стоять на балконе.
Андрей балконыш лектеш. К. Коршунов Андрей выходит на балкон.
2. театр. балкон (зрительный залын кӱшыл пачашлаже)
Спектакльым балкон гыч ончаш. Смотреть спектакль с балкона.
3. в поз.опр. балконный, балкона (балкон дене кылдалтше)
Балкон омса балконная дверь
балкон кӱвар пол балкона.
Прапорщик балкон кӱварыш шуҥгалте. С. Чавайн Прапорщик упал на пол балкона.
балл
1. балл; цифровая отметка успехов (в школе, спорте) (тунеммаште, спортышто монь шинчымашым, мастарлыкым аклыме единица)
Таҥасымаште эн кӱкшӧ баллым налаш получить самый высокий балл на соревнованиях
шахмат дене гроссмейстер баллым налаш завоевать гроссмейстерский балл по шахматам.
Конкурсышто ик балл ыш сите, садлан тунемаш ышт нал. В. Юксерн На конкурсе не хватило одного балла, поэтому на учёбу не приняли.
2. спец. балл; единица оценки степени, силы какого-нибудь явления (иктаж-могай явленийын вийжым аклыме единица)
Мардеж куд баллыш шуэш. Сила ветра доходит до шести баллов.
баллада
лит. баллада (легенда шотан ойлымашым почеламут семын возымо сылнымутан произведений)
Оҥай баллада интересная баллада
балладым лудаш читать балладу
балладым возаш написать балладу.
Олык Ипайын «Чавайн» вуймутан балладыжым лудын лекде, очыни, иктат ок чыте. К. Коряков Очевидно, никто не удержится, чтобы не прочитать балладу Олыка Ипая «Чавайн».
баллон
спец.
1. баллон; сосуд специального назначения (для жидкостей, газов) (газлан, вӱдлан монь лӱмын кучылтмо ате)
Кислород баллон кислородный баллон
газ баллон газовый баллон.
(Мику) аквалангым чия, тупешыже кислород баллоным йӧнештара. А. Филиппов Мику надевает акваланг, на спину прилаживает кислородный баллон.
2. баллон, резиновая автошина, велошина, наполняемая воздухом (южым темыман автомашинан, велосипедын монь резинке шина)
Автомобиль баллон автомобильный баллон
баллон колтен баллон спустил.
Зажиганий йомын. Кушто, баллонышто кычал ончена мо? В. Иванов Зажигания нет. Где, в баллоне что ли поищем?
баллотироватлалташ
-ем
возвр. баллотироваться (сайлыме годым кандидат лияш)
Депутатыш кандидатлан баллотироватлалташ баллотироваться кандидатом в депутаты.
баллотироватлаш
-ем
баллотировать (сайлыме годым иктаж кӧн верч йӱкым пуаш)
Сравни с: йӱклаш
баллотироватлымаш
сущ. от баллотироватлаш баллотировка
Кандидат-влакым баллотироватлымаш баллотировка кандидатов.
бальзам
1. бальзам (смолам але моло растительный веществам эфир ӱеш шулыктарен ямдылыме тамле пушан нугыдо сок)
Шошым годым пешак сае пасуш лектын шып кошташ, вийым пуышо бальзам гае яндар юж ден шӱлалташ. С. Чавайн Очень приятно весенней порой бродить тихо по полям, вдыхать ароматный воздух как целительный бальзам.
2. в поз.опр. бальзамический, бальзамный (бальзам дене кылдалтше)
Бальзам вещества бальзамическое вещество.
Юж тугай сай, свежа, куатым пуышо. Оҥ тич бальзам южым налат. И. Стрельников Воздух такой чистый, свежий, придающий силы. Вдыхаешь полную грудь бальзамический воздух.
бальзамироватлаш
-ем
бальзамировать, набальзамировать, забальзамировать (колышын капшым кужу жап аралаш манын тушко посна веществам шыҥдарымаш)
Н.И. Пироговын капшым бальзамироватленыт да илем пеленсе часамлаш тоеныт. «Мар. ком.» Тело Н.И. Пирогова забальзамировали и похоронили в часовне возле усадьбы.
О сайте
Инструкция