гай, семын, виса, дене икте
Эти синонимы выражают реальное сходство предметов, явлений. Они соответствуют русским союзам как, будто, словно, как будто. Наиболее употребительным является слово гай. Слово виса в качестве синонима этого ряда встречается только в отдельных контекстах.
Вӱргене окса гай йолген, чапле шыже толат адак угыч мемнам пойдараш. Сверкая, как медная монета, приходишь снова, прекрасная осень, одарить нас богатством.
– Теве мыйын Пӧтыр эргым ала-кушто тыйын гаетак орланен коштеш дыр, – манешат, Кори кугызан кумылжо тодылалтеш. – Вот и мой сын Пётр скитается, наверное, как и ты, мучается где-нибудь, – говорит Кори, и настроение у него падает.
Аваже ачаж семын тудым сӧрасыме сортала посна лодакеш пыштен ашнен огыл гынат, – Пӧтырын ушыжо аважым утларак жаплен. Хотя мать, не как отец, не лелеяла его, Пётр в мыслях больше уважал свою мать.
Ожнысо семын тудо [Пагул] южгунам муралта, мурыжо гына вестӱрлӧ, йӱкшат лыжгата огыл, кугешныше гай шокта. Он [Пагул], как и прежде, иногда подпевает, только песня иная, и голос не нежный, звучит будто горделивый голос.
– Мыйын ӱдырем уке, Оксиет мемнан денак илаш тӱҥалеш, тудым шке ӱдырем виса ашнем, манын, ужмыж еда Якуш Марпа кувалан ойлен. – У меня нет дочери, Окси твоя будет жить у нас, буду воспитывать её как свою дочь, – говорил Якуш Марфе при каждой встрече.
Айдеме илыш йогын вӱд дене икте. Жизнь человека словно быстротечная река.
Музыкыштат первый ошкыл – йочан чапа-чапа кошташ тӱҥалмыже дене иктак. И в музыке первый шаг – словно первые шаги ребёнка.
Тушан [Гмарьын шочмо ялешыже] аваже, шӱжарже ден шольыжо, эше куэ парча гай кудыр вуян, шиялтыш гай шыма йӱкан кум ий йӧратыме украинке таҥже кодыныт. Там [в родной деревне Гмаря] остались его мать, сестра и брат, да ещё кудрявая, как берёза, с нежным, как свирель, голосом, любимая в течение трёх лет подружка-украинка.
– Мый тудын пашам ышташ мо? Мыйын шочшем-кушшем уке вет. Ыштыже, когаргыже, тудо шочшан, – тыге осал пий гай Ведаси еҥгажлан кержалте. – Вместо неё я должна трудиться? У меня нет детей. Пусть работает, пусть беспокоится, она мать, – набросилась Ведаси, словно злая собака, на невестку.
«Начи! Молан тыге пеледыш гай рвезе ӱмыретым кӱрлаш тӧчет?.. Ушет пудыранен мо? Кузе мый тидым ончылгочак тогдаен омыл!» – Начим аланышке луктын пыштышыжла, шкенжым шке шылтала Кости. «Начи! Зачем стремишься прервать юную, как цветок, жизнь?.. Не помутилось ли сознание твое? Как я об этом не догадывался раньше!» – вынося на поляну Начи, ругает себя Костя.
– Уке, мый паша деч ом лӱд, мыйын гай рвезе еҥлан кужу корнат тора огыл. Чийже теве кушто. – Нет, я работы не боюсь, молодому человеку, как я, и длинная дорога не долга. Причина вот в чем.
Ала ош комбо гай ошын чийыше марий ӱдыр-влак шинчаланшудым погат – мӱндырчын палашат ок лий. Шукынжо ӱдыр-влак докан. Может, похожие на белых гусей марийки, одетые в белое, собирают щавель – издали нельзя различить. Большинство, вероятно, девушки.
Тошто илыш кашкен шичше пура гай [Пӧтырын] шӱмжылан кульымын. Старая жизнь, как испортившийся квас, стала невмоготу ему [Петру].
Волет-волет тайыл почеш, шинча ончылнет ала-могай кугу эҥер волгалт шинча шонет, но арама коклаште шукш гай кадыргыл йогышо изи йогын вӱдым ужатат, семынет чаманен шоналтет.… Спускаешься по склону, перед глазами как будто открывается большая светлая река, но увидев маленькую речушку, вьющуюся среди ив, с сожалением подумаешь…
Тудын [Оринан] вургем молын гай арди-вурди огыл, арун, шогыльын чиен коштеш. У неё [у Орины] одежда не как у других (
букв.: не так себе), одевается опрятно, красиво. Шукыж годымак тиде кокла гыч алди-гулди койышат шижде тарвана, ораде ушланат корно почылтеш. Во многих случаях нередко обнаруживают себя глупые выходки, появляются дурные мысли.
[Суворов] южын гай шалтай-балтай рвезе огыл. [Суворов] не как некоторые, не вертлявый мальчик.
Мийышым суртышкыжо, ончем – пеш йытыра. Мыйын пӧлем дечат ару. Аважым ончальым – кече гай яндар. Пришёл к ним домой, гляжу – очень чисто. Опрятнее, чем моя комната. На мать её посмотрел – чистая, как солнце.
Кава вуй ӱмбалне тугай таче канде – арыслан гай нӧлталтме шуэш. Над головой сегодня такое небо чистое – хочется взлететь, словно беркут.
Акпатыр ты муро йӱкеш пӱркыт гай куштылемын. Акпатыр при звуках этой песни стал лёгким, как беркут.
Ошма йымалне нефть, газ уло, а ӱмбалныже, шер теммешке вӱдым йӱктет гын, йомакысе гай сад одарланен шогалеш. Под песками есть нефть, газ, а наверху, если напоить водой, как в сказке, встанет, раскинется сад.
Анан Пагул погынымаш гыч шарныдыме гай тӱлыжген лектынат, вуйжым кумык сакен, корем йымак эркын ошкеден волен. Анан Пагул вышел с собрания словно без сознания, потеряв рассудок, опустив голову, медленно спустился на дно оврага.
Ныл ий годым Орина каче-влак ваштареш тулойыпан канде пеледыш гай шинчажым кумалтен, вуйжым важык ыштен, нуным шырандарен мурен. Четыре года Орина, подмигивая парням голубыми искорками глаз, склонив голову набок (
букв.: косо), пела, завлекая их.
Агытан мурымым колын, школыш каяш ямдылалтше Васюк (тудо визымше классыште тунемеш) пӧрт гыч тыманмеш пуля гай писын лекте да шӱрден кычкырале. Услышав пение петуха, Васюк, собравшийся в школу (он учится в пятом классе), быстро, как пуля, выбежал из избы и грозно крикнул.
О сайте
Инструкция