Коми видчанкывъяс

1кабала бордъя

кокни оласа, кокни мывкыда, мӧвпавтӧм морт (КК) Кокни сяма морт йылысь шуӧны кач ва кодь и кабала бордъя, кебӧдтӧм тыв (коді омӧля вӧйӧ ваӧ кебӧдтӧгыс) (Е. Игушев)

2кад лойысь

эй. Помӧсдін дышпоз, дыш морт (юӧртіс К. И. Карманова)

3казак

медалӧм уджалысь, батрак, кесйӧдлана морт Витялы дышӧдіс ва ведраясӧн ӧтарӧ-мӧдарӧ котравны да эновтчис уджсьыс, шуис, колӧкӧ пӧ, ачыд ведраястӧ кыскав либӧ мӧд йӧйӧс корсь, а ме пӧ тэныд абу казак (А. Селиванова)

4калдыр

эй. Нэмдін винагаг, юысь-токаритысь морт (юӧртіс М. С. Мамонтова)

5калера

1) пеж морт, зывӧк морт, зараза, мустӧм морт 2) видчанкыв Мукӧддырйи прӧзвищеыс кӧласьӧ мыйкӧ шуӧм-керӧмкӧд йитӧдын: Студен Иван (радейтӧ вӧлӧм сьывны «студен-муден...»), Калера Сань (тшӧкыда сёрниас сюйӧ «калера» кыв) (Р. Коснырева)

6калина-малина

омӧльтана ань Панев. Митрыч, тэнад окоталун абу бурлакавны? Этайӧ калина-малинаыс пувъяин корсьӧ (Рочева йылысь) (В. Леканов)

7каличтӧм вом

паськыд вом, уна больгысь морт — Каличтӧм вом! — кулакнас грӧзитіс сылы Геня. — Мыйла пӧръясян? — Ог жӧ пӧръясь!..— зэв збыльысь шуис Прошка (Я. Рочев)

8каллян ныр

чангыля ныра морт Нюраыс менӧ терпитны оз вермы, коркӧ стряпукаӧн шулі да. Кывсӧ, тыдалӧ, эз гӧгӧрво, лёк кывйӧн чайтіс. Кутшӧм нӧ, шуӧ, ме тэныд стряпука лои, каллян ныр! (Е. Афанасьев)

9кальк вом / кальк вома

эй. паськыд вома, больгысь морт (ССКЗД, КСК) А кагаыслысь вичсӧ тӧдмавны эз вӧв сьӧкыд: сиктсӧветас секретарыс тоторкатша кодь кальк вома нывбаба вӧлі (В. Напалков)

10кальӧб

этш вошталан, тірзялан кага / нервный, вздрагивающий (о ребенке) (КРК) — Но, кальӧб кага кодь тай вӧлӧма нылыд, — кӧританаа шуис Пекла да юрнас трук-траккерис, Васькасӧ асланьыс кыскыштіс, кокъяс бердас топӧдіс (В. Безносиков)

11кальӧг

тіралысь, абу лӧнь, скӧрмысь / нервный, вздрагивающий (о ребенке) (КРК) А мӧдыс, дерт, татшӧм видзӧдластӧ казявтӧг эз ов, раминик пышкай моз кӧйгыртчис: «Охӧ-хӧ!.. Кальӧг жӧ ме дядьӧ, ой, кальӧг (В. Безносиков)

12кальӧг вома

быдл. тіралӧм вомӧн больгысь, паськыд вома (ССКЗД, КСК) Ньыв пӧль тешкодя ӧвтыштіс кинас, мед ӧлӧдны Аркатикаӧс: — Эн дӧзмы, но тэнӧ он сувтӧд, дыр на больган! Кальӧг вома баба! (Г. Мартынова)

13кальӧг йӧз

паськыд вомаяс, больгысьяс Тайӧ «секретыс» кальӧг йӧзнад регыдӧн паськалас став Висер кузяыс (Е. Колегов)

14кальскун

диал. паськыд вома, больгун / болтун сикт пасьта тӧдса кальскун (КРК)

15калябеч

1) зырымбедь, ичӧт на 2) туйтӧм морт — Месӧ мӧда эськӧ да... со этайӧ на «калябечыс» вӧзйысьӧ, чери пӧ тіянлы кута вугравны (Е. Афанасьев) Яков Яковлевич. Кор нылыдкӧд мусукасисны, сэки ачыд на вӧлі ошкан... Калябеч, скӧрмӧдіс менӧ!.. (Пантильлӧн зять йылысь) (В. Леканов)

16каля-маля

1) вывті посни челядь / мелюзга став каля-маляыс петӧма ывлаӧ 2) диал. больгун, паськыд вом / болтун, сплетница (КРК) Став каля-маляыс чукӧртчӧма гараж дорын да исласьӧ вильыд чой йывсянь (Ю. Яковлев)

17камузия

тешитчысь, теш керысь / комик, чудак, чудачка сійӧ прӧстӧ камузия (КРК)

18каналльӧ / каналля

мустӧм, лӧг морт, плут, ылӧдчысь / каналья (КРК) Каналляыд менам мусук Вой шӧр войын пышйӧм (И. Куратов) — Юнга, каналльӧ пи, тэ нӧ мый дізьвидзан-пукалан? (И. Торопов)

19капризуля

ыждалысь морт, дрӧчка Валентин Максимовичлӧн вын пӧ эм на, позис эськӧ нӧшта на восӧ кӧть олыштны, да Асяӧс ковмис гортӧ мӧдӧдны. Кыдз бара пӧ сэні менам капризуляӧй-а? (Н. Куратова)

20катша

больгысь-сӧрысь ныв, ань, ковтӧг сералысь морт майӧг выв катша кодь (КК) — Энлы, ме тэныд петкӧдла гаж! — Нинаӧс видіс мамыс. — Дӧрӧмтӧ лэпта да тасмаӧн куля...— Катша! — броткӧдчис батьыс. — Сӧрӧ, ачыс оз тӧд мый (Я. Рочев) Мӧдыс мыйкӧ варова пондыліс висьтавны, да Павел пӧль торкис на костысь сёрнисӧ. — Но катшаяс! Пырӧй керкаас да сэні варовитӧй. Чолӧм, Машенька! Зэв рад (Н. Куратова)

21катша бӧж

сёрни разӧдысь, уна больгысь морт, тшӧкыда ань — Ок тэ, катша бӧж! Мыйла тайӧс йӧзыслы висьтавлін? Ӧні ставыслы мӧда кажитчыны сьӧдӧн (В. Юхнин)

22качва

кокни руа ань, катша / легкомысленная, пустая (о женщинах), букв. вода от пихтовой коры (КРК) НАСТА. (Ӧгрӧкӧд пессигмоз). Иван! Эн кывзы тая коколюкасӧ. Талы эскыны! Ачыс дас вит арӧссянь Вадор грездса Педь Мишкӧд шляйтчис, пӧслӧвича моз оліс, сэсся йӧй юра Микайлӧтӧ крукыштіс. Тьпу! Качва! Тьпу! (А. Шебырев)

23кач сёйысь

гӧль, коньӧр морт — Эн лапайтчы, — тойыштіс Ваня вельмӧм зонмӧс. — Ог любит сувтса синма висерса кач сёйысьястӧ. Пырас корысь, юалан кытысь, а сійӧ Висер вожысь, тшыгъялам, нянь пыдди кач сёям (А. Лыюров)

24каяп

эг. кырсасьыьсь, сӧмуститчысь морт (ССКЗД, КСК)

25квайт чуня

быдл. гуысь, вӧр, гусясьысь морт (КК) Ӧгрӧпена эськӧ мича, Сӧмын мамыс еретнича, Шогмана ныв Якунь Дуня, Сӧмын рӧдвужыс квайт чуня (П. Клочков)

26кваст

уна ошйысьысь морт / хвастун (КРК) Ёна жӧ ква-ква-ква-квастӧсь (В. Бабин)

27квастайтчысь

ёна ошйысьысь морт / хвастун (КРК)

28кваст мешӧк

эй. Помӧсдін ёна ошйысьысь морт (юӧртіс И. Г. Чисталева)

29квастпоз

ёна ошйысьысь морт / хвастун (КРК) Ӧльӧш. Кваст поз! (Лэптӧ пельпом вылас эшкын сорнас сур лагунсӧ, нуӧ.) Дарья (локтӧ керка сайысь.) Дугдӧй, сюраяс!.. Лыястӧ чегъяла (Н. Белых) А ме тӧді ӧти бур места Истра ю дорын, сэтчӧ и паськӧдчим. Юим. Сёйим. Женя, квастпозыд, тэрыба варччис мӧдлапӧлас (И. Крестьянинов)

30квастун

ёна ошйысьысь морт / хвастун (КРК) Ми вед абу жӧ бӧбӧсь, пыр и гӧгӧрвоим — бестӧлкӧвӧй квастун (В. Безносиков)

31квастун бадзӧ

эй. ёна ошйысьысь морт (юӧртіс И. Г. Чисталева)

32кедзовтысь

дойдысь морт / обидчик (КРК) Мед кедзовтысьыс олігад оз ло, А коми йӧзлы нэмъяс кутан ковны (А. Мишарина)

33кекӧсьта морт

печ. йӧзкотырлы паныда оласнога морт (КСК)

34келалысь

зимӧгор, брӧдяга, горттӧм морт — Сӧрӧм тайӧ ставыс! — чорзьӧдіс зон. — Дугды эскыны быдсяма келалысьлы! (А. Горчаков)

35келькан

больгысь морт, больгун Сэтшӧм йӧзсӧ, кодъяс кывсӧ пинь саяс оз вермыны кутны, больгӧны лишнӧй, кельканъясӧн жӧ шуӧны (Е. Афанасьев)

36келькан вӧм

уд. больгысь морт, больгун (КСК)

37кепрӧс кока

пӧла кока морт, пемӧс / косолапый (КРК) — Петюкӧй, миянладорад законыд — парма, а прокурорыс — кепрӧс кока ош! (Е. Уляшев)

38кер пом

бӧб, нӧш, йӧй Унтер. Колӧ чайтны, мый вежӧраӧсь. Поручик (скӧра). Дерт! Эстшӧм дубинаӧс, пес чуркаӧс, кер помӧс... Эстшӧм... эстшӧм... нӧшкӧс кӧ нин ылӧдлісны, дерт, вежӧраӧсь! (Н. Дьяконов)

39кертӧм гыр

кыз да дурк вӧраса морт (КК) Кертӧм гыр кодь ↔ кыз да дурк (КФ)

40кид

1) вӧй / застенчивый, нелюдимый 2) полысь морт / пугливый (КРК) Збыльысь, вӧлі кӧ кидӧн да йӧйӧн, Сэки пармаас эськӧ эз ов (В. Бабин)

41кидмӧм

вӧй, вӧймӧм морт, пемӧс / одичалый (КРК) Сьӧкыд вӧлі велӧдны полысь либӧ кидмӧм чаньясӧс (А. Афанасьев)

42кидӧс

кок вылас дыр сувттӧм кага Кидӧс кодь морт (КК)

43кизьӧр вема юр

йӧйюк, бӧб морт «Ак тэ, кутюпи! Кизьӧр вема юр! — пондіс пинясьны вомгорулас Опонь дядь. — Час, ме тэныд вола!» (В. Третьяков)

44кизьӧриник йӧз

тӧдчытӧм морт, йӧз Анна (кельдӧдӧ). Он кӧсйы? Ставныд ті кизьӧриник йӧз! (В. Леканов)

45кизьтӧм яран

скр. кизявтӧм паськӧмӧн, восьса морӧсӧн ветлысь морт (ССКЗД, КСК)

46кикимера / кикимора

1) вежнясьясь-дзирнясьясь челядь, зон либӧ ныв, ань (КРК) 2) асьсӧ петкӧдлысь морт видз. титимера — Папка, да тэ жӧ нинӧм он тӧд, — зілис дорйысьны Лиля. — Кикимераясӧс райисполкомыс оз чукӧрт, комсомолыс оз ысты!.. Менам пӧ сямлун эм!.. (В. Безносиков) Код тӧдас, мый налӧн, кикимераяслӧн, юраныс (нывъяслӧн) (Н. Чугаев)

47кики чукӧр

кикимера чукӧр, вежнясьясь-дзирнясьысьяс — Сӧмын эн ылалӧй Кольӧ мозыд, кики чукӧр... (Н. Чугаев)

48кикурӧд

1) кужтӧм морт 2) лёка пасьтасьӧм, дурк морт (КК) Кикурӧд, набалмаш йитлӧм, тӧдтӧм вӧраса, киясӧн шенасьӧмӧн йӧктӧм — мукӧд йӧзлысь манерасӧ мӧвпышттӧг босьтӧмаӧсь коми ансамбльлы (В. Латышева)

49кикурӧда йӧз

кужтӧм-сямтӧм йӧз Эз, найӧ эз вунӧдны урчитӧм кадсӧ, эз кикурӧда йӧзӧн вӧвны ни; налы вӧлі яндзим тэрмасьнысӧ — медводзӧн пӧ ещӧ локсяс (И. Торопов)

50кимӧститчысь

1) тун, кӧлдуйтчысь морт / колдун, ворожея 2) пакӧститчысь, тешкодь морт / безобразник, чудак (КРК) Ӧд сэні пӧшти став олысьыс тунъяс, тшыкӧдчысьяс, кимӧститчысьяс, тӧдысьяс (В. Тимин)