Коми видчанкывъяс

51гусьӧн пурысь

оз восьсӧн, гусьӧн лёквӧчысь морт ЗАРЕМА. А гусьӧн пурысьясыс да бур йӧзсӧ грабитысьясыс и лӧгалӧны. Ӧти, озырмӧма да, госсялӧма да, кырсачьяслы деньгасӧ шевкйӧ, а ми коддемыс корысялам (В. Безносиков)

52гусьӧн пурысь

пон оз восьсӧн, гусьӧн лёквӧчысь морт Кутшӧм вӧлӧма Сайкина: гусьӧн пурысь пон! Кузяла ассьыс кӧсйӧмсӧ дзебис, кымын во эз петкӧдлы, а стрӧка корсис да сконйыштіс Ияӧс: вот пӧ тэныд! (И. Ногиев)

53гусясьысь

шыш, гуысь / вор (КРК) Шуласны тай: гусясьысьӧс кӧ абу кутӧма места вылас, сійӧ абу на гусясьысь (В. Юхнин)

54гусясьысь кань

гуысь, вор, шышкалысь морт ПЕТЬӦ. Он соссьы, аслам синмӧн аддзылі. Со! ... Гусясьысь кань тэ! Зульӧдны тэнӧ колӧ! (Е. Рочев)

55гут

дзик тӧдчытӧм, посни морт Найӧ век правӧсь. Мукӧд йӧзыс налы — номъяс ли гутъяс (В. Лодыгин)

56гуысь петӧм ош

1) скӧр, лӧгалысь морт (КК) 2) лёка пасьтасьӧм, укшальмӧм морт Локтӧма медводдзаысьсӧ нопнас да ёна и повзьӧма батьсьыс: сьӧдасьӧма пӧ, тошкасьӧма, синмыс да нырыс сӧмын кольӧма чужӧм вылас, гуысь петӧм ошкысь на мисьтӧмджык (Г. Юшков)

57гындей

мустӧм морт — А кутшӧм сьӧм вылӧ олан-вылан, пызан сайын рушку тыртан, сэсся кузь лун йиркӧ видзӧдан? Он куйӧда сьӧм вылӧ? А коді кык челядьсӧ кок йылӧ лэптіс? Тэ, гындей? О-о-о-о! Весась, мед дукыд эз вӧв! Кытчӧ гажыд мун! Мед синмӧн эг аддзы! [гӧтырлӧн кывъясыс верӧсыслы] (А. Шебырев)

58гын нӧш

бӧлбан, абу сюсь морт (КК) — Гын нӧш тэ, Сергей (И. Коданев)

59гын сапӧг

бӧлбан, абу сюсь морт ПЕТЫР ВАСЬ. Ваксьы-серав сэні, ваксьы... Гын сапӧг тэ, Микайлӧ, ме ӧд став коми газет-журнал дорас сувті, а эг ӧти газет дорйы (А. Ульянов)

60гыньшасьысь

чӧсмасьны кӧсйысь, сёйны азым морт Дыр нин мырсьӧны. Но шуны кӧ стӧча, оз ставӧн ӧткодя. Ӧтияс ышмӧмны — этш тӧдтӧг зільӧны. Мӧдъяс лабутнӧя, вынъяссӧ арталӧмӧн, ас выйӧныс. Эмӧсь и сэтӧр куст радейтысьяс, гыньшасьысьяс (Н. Мальцев)

61гынъюр

мӧмӧт, нӧш, бӧб, тупъюр / тупица, дубина (КРК) Мый нӧ? Ветлам али мый? Натальыд тай корӧ... Витя пиыд эськӧ оз кор да... Тшапмӧма, гын юрыд... Учёнӧй лоӧма... (С. Раевский) Митипер эз лэдз помавны гӧтырыслысь сёрнисӧ, зэв мисьтӧма серӧктіс: — Гынъюр!.. Век на активисалан: коммунизм да сӧвесть йылысь мойдан? (В. Безносиков)

62гыр

мисьтӧм чужӧма велӧдчытӧм морт (КРК) Моски вывсьыд Пашасӧ канаваас кыски да саӧсь лымъяс понді люкӧдны, шӧвк чышъянсӧ ӧбнӧвитны: «На тэныд, лӧсавтӧм гырлы, сельди бӧчкалы, дыш гурдейлы!.. Чайтан, Капитошаыс тэнад руч ку воротник вылӧ ыштас?.. Со тэныд, яда змейлы!» — и кывйӧс нюжӧдлі... (В. Безносиков)

63гырысь пож

изьв. ошйысьысь, баквал, ыкпаш (ССКЗД, КСК)

64гырысь синма

пож 1) ошйысьысь, баквал (КК) 2) вывті лышкыд да прӧст морт Шом пож кодь (гырысь синма пож) — тадз шуасны вывті лышкыд да прӧст морт йылысь (КФ)

65гырысь чери

ыджыдӧ пуксьысь, асьсӧ вылӧ пуктысь, рочӧн кӧ важная птица гырысь чериӧ пуксьыны (КК) — Эз и гудӧкасьыштны. Со ӧд кутшӧмӧсь, ропкисны петысьяс вылӧ нывъяс. Гырысь чериясӧ пуксьӧны (В. Юхнин)