Коми видчанкывъяс

кык бана шаньга / двуличный человек, лицемер (КРК) Весиг мортыд — гуга-бана, — Коді кутшӧм, он пыр тӧд (В. Уляшов)

кык бана морт, кык ног сёрнитысь (КК) — Зонъясыд — гуга-бана шаньгаяс: сёрнитӧны ӧти ног, а вӧчӧны мӧд ног (В. Безносиков)

3гудган

эг. вывті ошйысьысь, сӧрысь морт (ССКЗД, КСК)

4гудрасьысь

быдл. сёрни разӧдысь, сӧрысь морт

5гудыр вом

бызгун, паськыд вом / болтун, пустослов (КРК)

6гудыр вома

суклясьысь, гудрасьысь морт, кыв новлысь (КК) Гудыр вома ↔ пеж вома (КФ)

7гудыр кольтан

эй. Вӧльдін бызгун, паськыд вом (юӧртіс Е.М. Игнатова)

8гуляйтысь

сетласьысь ань, айлов, горшасьысь / гулящая женщина (КРК) Уна челядьнас век ошйысьӧ, а сиктын быд пон нин гуляйтысь мужиксӧ увтӧдӧ (В. Леканов)

9гундыр

1) уна юра ыджыд кый / дракон, змей, гидра (КРК) 2) лёк повзьӧдчантор А повзянтор и вӧлі — эстшӧм гундыр шывъялӧ юр весьтаныс! Вына бордъяссӧ, гашкӧ, сыв пасьта шевкнитӧма да быттьӧ оз и вӧрзьӧдлышты наӧн. Татшӧм гундырыд кӧ вылісянь став ӧдвывсьыс швачкас морӧснас — любӧй мортӧс чергӧдас кок вывсьыс, непӧштӧ уткаӧс либӧ кӧчӧс...[кутш йылысь] (И. Торопов)

10гурдей

ӧшлӧпан, грӧбӧзина / дылда (КРК) — Кутшӧм ме тэныд «Манька»! Кӧза али мый?! Алкоголик! Гурдей!... Нылыдлӧн платтьӧыс киссьӧма, а быд лун тӧкаритан!..; Менам кӧзяйкаӧй быд лун рокӧн пӧттшуйтӧ: сёй пӧ, кузь гурдей, мед тушаыд ещӧ нюжалас! А ме синмӧн нин проса-гречатӧ ог аддзы (В. Безносиков)

11гурина

тӧдчытӧм, ичӧт морт Данько. Дырджык меным служитас! Ме ӧд берегдорса охранаын вӧлі. Иван. Гурина, сідзкӧ? Ляпкыдінъяс радейтан? Сэтшӧм окота тэнӧ сувйыны! (В. Леканов)

12гусь

шыш, гуысь, гусясьысь / вор (КРК)

13гусь вӧр

быдл. гусясьысь (ССКЗД, КСК)

14гуськуль

шыш, гуысь / вор (КРК) Сійӧ пӧ вед, сӧветскӧй власьтыд, медсюсь гуськульыс, шуӧ вӧлі (Педӧровна) (Н. Куратова)

15гусьӧн пурысь

оз восьсӧн, гусьӧн лёквӧчысь морт ЗАРЕМА. А гусьӧн пурысьясыс да бур йӧзсӧ грабитысьясыс и лӧгалӧны. Ӧти, озырмӧма да, госсялӧма да, кырсачьяслы деньгасӧ шевкйӧ, а ми коддемыс корысялам (В. Безносиков)

16гусьӧн пурысь

пон оз восьсӧн, гусьӧн лёквӧчысь морт Кутшӧм вӧлӧма Сайкина: гусьӧн пурысь пон! Кузяла ассьыс кӧсйӧмсӧ дзебис, кымын во эз петкӧдлы, а стрӧка корсис да сконйыштіс Ияӧс: вот пӧ тэныд! (И. Ногиев)

17гусясьысь

шыш, гуысь / вор (КРК) Шуласны тай: гусясьысьӧс кӧ абу кутӧма места вылас, сійӧ абу на гусясьысь (В. Юхнин)

18гусясьысь кань

гуысь, вор, шышкалысь морт ПЕТЬӦ. Он соссьы, аслам синмӧн аддзылі. Со! ... Гусясьысь кань тэ! Зульӧдны тэнӧ колӧ! (Е. Рочев)

19гут

дзик тӧдчытӧм, посни морт Найӧ век правӧсь. Мукӧд йӧзыс налы — номъяс ли гутъяс (В. Лодыгин)

20гуысь петӧм ош

1) скӧр, лӧгалысь морт (КК) 2) лёка пасьтасьӧм, укшальмӧм морт Локтӧма медводдзаысьсӧ нопнас да ёна и повзьӧма батьсьыс: сьӧдасьӧма пӧ, тошкасьӧма, синмыс да нырыс сӧмын кольӧма чужӧм вылас, гуысь петӧм ошкысь на мисьтӧмджык (Г. Юшков)