уд. (Глотова) писькӧс морт, пель вундысь (ССКЗД, КСК)
1) видчысь, мустӧм, дӧзмӧдчысь морт, унаысь аньяс йылысь
2) вунӧдчысь-ылалысь морт, шӧпей
3) ковтӧг горзысь морт
— Ракаяс!.. Карзӧны и карзӧны!.. Да ме вот! — плетьнас вурыштіс мусӧ. — Ставсӧ эновта!.. Уджалӧй!.. (В. Безносиков)
больӧдчысь, гусяторъяс видзны кужтӧм морт, паськыд вома (КК)
Дарья (Ӧльӧшлы). А тэ, рака вом, мун босьт гудӧк да гажӧд йӧзсӧ! (Н. Белых)
больӧдчысь, гусяторъяс видзны кужтӧм морт, паськыд вома
Рака вома: пась вома рака, пым ва ни кӧдзыд ва вомас оз ӧшйы (КФ)
видчысь-карзысь мустӧм, дӧзмӧдчысь морт
— Ракапиян! — тоткыштіс Антошенко. — Карзанныд сэні, сэтшӧиа нин тшыгъялӧмыдӧсь! [буритчысьяс] (Г. Юшков)
видчысь, мустӧм, дӧзмӧдчысь морт
— Лешакыслӧн пӧлыс! Гурйӧмӧн ӧд гурйис, рака позйыд! (Василей Проньӧ Мишлы) (Н. Чугаев)
лет. (Гуръёвчи) бубуля, зумыш, сёрниттӧм морт (ССКЗД, КСК)
вӧй, вӧлятӧм морт, нямӧд
Николай. Мед омӧльджыка шуасьӧ. Морокин. Ачыд тай абу жӧ рам кукань (Н. Белых)
сй. зулина, ыри-зули / неряха (КСК)
сирасьысь, лясысь морт
— Ок и репей тэ, Степан. Бурӧн тэысь он мын, — гажаа чӧвтыштіс сійӧ. — Ми пырим делӧӧн, а сійӧ кӧсйӧ гӧститӧдчыны (В. Юхнин)
нерсянкыв ротъялысь айтӧм нывка
Грездса челядь пондісны мустӧмтны наян нывкатӧ, стрӧка сюрас да, бара и нерыштасны — корысь наберушка! Риті-роті чурка! (Н. Куратова)
вӧй, яндысьысь морт / застенчивый, стеснительный (КРК)
Сэтшӧм сійӧ вӧлі вежавидзысь, родысь, а мед дзебны родӧмсӧ, ӧтарӧ босьтӧ киас коколюка да гудралӧ ваймысь пачсӧ (Г. Торопова)
мисьтӧм чужӧм / морда, рожа (КРК)
— Но, но, но!.. Водзиртӧ эн мыччӧдлы!.. «Рожа, рожа!» А коді мыжа? (В. Безносиков)
скр. урӧс, зулина, лёка пасьтасьӧм морт (ССКЗД, КСК)
сй. урӧс, зулина, лёка пасьтасьӧм морт (ССКЗД, КСК)
некытчӧ туйтӧм морт
... ассьыс долис этшсӧ воштӧм эньлов. — Давай, давай, пӧрччысь, он кӧ ӧд асьтӧ какӧсьта, — и челядь моз кутіс резсьыны ӧзындорса дэбалыштӧм ванас. — На тэныд, на тэныд! Гын сапӧг, чегӧм пелыс, розя пыж, чашйӧм ботан! Кыдз ещӧ и шуны, мед дӧзмин? (В. Бабин)
омӧль паметя морт, вунӧдчысь (КК)
— Адӧй, адӧй, колӧ жӧ сідзи лёкыслы вӧвсьыны, — жаляддза горӧдыштіс Парасья баб. Ок, Егорей, грек тӧдтӧм морт тэ, бара кыйин, ылӧдлін менӧ, розя юраӧс! (С. Терентьев)
лёка пасьтасьысь, киссьӧм паськӧма морт
Ой, тэ он узь; нюжӧдчин Лабич вылад, куньмысьт син, Мед он аддзы тэ сьӧд жыртӧ, Да сьӧд питӧ — няйтӧсь ныртӧ, Да сьӧд роталь-гӧтыртӧ (И. Куратов)
шӧпей, ылалысь-вунӧдчысь морт, рака
Вежаньыс шеновтчӧ кинас: — Эн юась. Пышйи дай став! Сійӧ тырсьӧднытӧ кужӧ, кымын аборт ковмыліс вӧчны! А сьӧлӧмсянь, ойӧстымӧн, эз и сяммыв... Ро-то-зей... (Н. Куратова)
лл. (Абъячой) киссьӧм паськӧма морт (ССКЗД, КСК)
1) полошитчысь, шыш, рочӧн сёрнитысь, абу коми морт
2) рочьясӧс омӧльтана кыв
Роч шпанаясыд, кӧнкӧ, ная, став лук градйӧс рӧзӧритӧмаӧсь! (Б. Шахов)
полошитчысь морт
— Но и Мишка! — Вот тай кутшӧм рӧзбӧйник сійӧ вӧлӧма! (В. Юхнин)
пӧрысьмӧм морт
— Тадзтӧ, муса Пилимон! Пиньяс, сой вын, вежӧр — ставыс на ас местаын менам. А тэ гижан менам омӧльтчӧм йылысь. Кад нин пӧ вежны тайӧ киссьӧм рӧзвальсӧ (В. Третьяков)
асныра морт / своенравный (КРК)
руа, асныра, ыръян морт
Кутшӧм руа-саръя мортыс (КК)
сӧмын озырмӧдчыны зільысь морт
— Но и бур! А ме сволочӧн лоа та бӧрын, ог кӧ тэныд шедӧд квартиратӧ. Меным сяммысь буритчысьяс колӧны, а оз руб кыйысьяс. Приём (Г. Юшков)
мизуй, ньӧжмыд морт / рохля (КРК)
Но дзик аслам ордымӧд Нырчча-зіля гортӧ ме, Быттьӧ мышкын борда ме, Майбыр, абу руй (В. Бабин)
скр. ыръян, асныра, асруа морт (ССКЗД, КСК)
мизуй, ньӧжмыд морт / медлительный, вялый (КРК)
дыш, дышпоз
Ӧдсьыс ломалӧны банъяс. Некод руньӧӧн эз чуж: Ӧта-мӧдӧс панъям, панъям, Коньки вундӧ йисӧ — дзуж! (Е. Козлов)
дышпоз, дыш рунь / лентяй (КРК)
Ӧтчыд эськӧ Кузькоковсӧ контораӧ чукӧстӧма жӧ, но мӧдыс абу волӧма да дыш рутейӧс чирышттӧг и кольӧмаӧсь (В. Безносиков)
дышпоз, дыш рунь
Тэнӧ мӧй эта вылӧ корисны?! Воин кӧ, ворс, дыш рутень! (Н. Чугаев)
вывті мудер, лукав морт
— Ёсь пиня руч! Сӧдзӧдіс сійӧ [Ӧксен Калисалы] (В. Безносиков)
— Ок и руч! Ок и руч, но и сӧбака! Кык син костсьыд ныртӧ гуас, — кӧритӧ Карпӧс ӧтырышъя чигарка нёнялысь, вийӧр пельпомъяса, ичӧтик пастук Митрей (Н. Никулин)
пӧрысьмӧм морт, выжыв
ФАИНА. Колӧкӧ, тошка дӧвечӧс корсям?.. МАРПА. (чуймана) Тошка му-жи-кӧс? Руш кушманыслы! Дзикӧдз вед укшальмыны куті, муса пӧдругаясӧй, скӧнь кокыльтчи (В. Безносиков)
1) укшальмӧм, пӧрысьмӧм морт
2) жугыль, абу гажа морт
Рушмӧм зон! (Н. Попов)
пӧрысьмӧм, укшальмӧм эньлов
— А мый ті чайтанныд?.. Абу ӧд рушмӧм баба! Владикыс ӧд сӧкӧл зон! (В. Безносиков)
изьв. сьӧм таргайтысь, деньга лотысь (юӧртіс В. Рочев)
О сайте
Инструкция