Коми видчанкывъяс

1поводнӧй

лёкӧдана морт Ӧгапья. Муніс.. Оз радейт гӧтырсӧ, ньӧти оз радейт. Да и гӧтырыс поводнӧй, весиг шойна вылӧ эз лок. Тьпу! (А. Власов)

2поводнӧй пӧтка

лёкӧдана морт Оз нин быдмывлы тайӧ поводнӧй пӧткаыс! (Вече) (Н. Игнатов)

3пода гусар

туйтӧм-сямтӧм морт Пока Ушаков чукӧртіс стеклӧ торъяс да петкӧдліс пыркнитны покрывалӧсӧ, Надя котӧртіс мӧд комнатаӧ да вайис штопор. — Наӧ, восьтӧй, кытчӧдз миян пода гусарным ставсӧ эз жуглы (И. Ногиев)

4подлӧй

абу веськыд морт, гусьӧн лёквӧчысь Пантиль. Юрик Романов, сідзкӧ, сигӧра нин мужик вӧлӧма? Горик. Сигӧра! Подлӧй! Ме сы дінын сырчик на пышкай! (В. Леканов)

5подмизуй

уд. (Глотов) ньӧжмыд морт, мизуя, кыввортӧм, абу сюсь морт (ССКЗД, КСК)

6пожныр

уд. зырымбедь, ичӧт на морт Петыр матыстчис вокыс дорӧ да ас дорас жмитлӧмӧн малыштіс Илляӧс юрӧдыс: — Ак тэ, пожныр! Талун мамыдлы да чойыдлы куртны отсасьӧм пыдди лун джын купайтчин, а, гашкӧ, и нидзувтӧ на эн корсь? (А. Вурдов)

7пож юр

омӧль паметя морт, ӧтарӧ вунӧдчысь (КК) — Справ-в-ка? — Ок тэ, пож юр! Висьталі жӧ, мися, справка медпунктысь эм (Е. Рочев)

8позтӧм кӧк

зимӧгор, горттӧм морт Митрыч. Нинӧм абусӧ эн сӧр. Позтӧм кӧк ме, Люба!.. Гажтӧм... Шогыс менӧ йирны кутіс! (В. Леканов)

9полӧкалӧ / полокалӧ / пӧлӧкалӧ / полокала

1) быдл. лёка, мисьтӧма пасьтасьӧм, видзӧдны шогмытӧм паськӧма морт 2) туйтӧм морт — А сэсся и сьӧд пӧлӧкалӧыд гӧтрасьӧма Ольӧ кодь лӧсьыд коми нылка вылӧ..., — Ой, мый инӧ ме полӧкалӧ моз танъяла, киссьӧм мальчанас! Чое, лӧсьӧд пызансӧ, а ме, инлыв, вежся... (И. Торопов) Авдей. Мый тэ тайӧ шуин, полокалӧ?! (Н. Дьяконов)

10полысь

полана, кӧч сьӧлӧма морт / боязливый, пугливый, трус (КРК) Полысь тэ, Миша, вывті полысь (С. Ермолин, Н. Дьяконов)

11полысь кӧч

быдл. полана морт, коч сьӧлӧма — Полысь кӧч! Чавканлы тэныд нӧ мый, вӧйны кӧ мӧдан, лэбзян да и, — шмонитӧ чойыс вылын Эдик (Е. Козлова)

12полысь ыж

кӧч сьӧлӧма морт — Сідзкӧ, полысь ыжъяс сэсся оз лоны? — Оз! (И. Торопов)

13польӧ

порсь, порсьпи, дурк морт / грязнуля, поросёнок (КРК) — Котӧрт эсійӧ чан дорас да аппаратсӧ пӧсь ванас мыськав, — тшӧктіс Лина. — Дай ачыд мыссьы!.. Польӧ!.. (В. Безносиков)

14польӧпи

1) порсь, порсьпи, дурк морт 2) омӧльтана морт МИРОН ӦГАШ. Со кӧні шондібанӧйясыс жируйтӧны. Йӧзыс клубӧ мунӧны, лекция кывзӧны, а ті, польӧпиян, иска пельӧс корсянныд (Е. Рочев)

15полюк

сш. порсь, порсьпи, дурк морт

16пон

1) лёк морт 2) туйтӧм, омӧлик морт Кырнышев. Лэдз мешӧксӧ! Лэдз, проклятӧй пон! Тундраса кӧин! (И. Пыстин) И мичаник, и лӧсьыдик, оз ыджыдӧ пуксьы, зэв шань нывка лоӧма. Бур невеста, а вокъясыс — понъяс (В. Куратов) — Мӧй ті тані кесянныд, понъяс! Этша на тіянлы, мӧй мамосӧ поналінныд! Бурдӧдӧм пыдди! Карса врачьясӧн шусянныд-а! (И. Торопов)

17пон варыш

туйтӧм, омӧлик морт — Ёгорӧ — Пон лыйысь тэ, вот коді! — шуи, — Пон варыш на нӧшта! — Пон варыш! Пон варыш! — кутісны и нывкаяс горзыны (А. Одинцов)

18пон вома

понъясьысь, пеж вома, быд лӧсявтӧмторсӧ висьтавлысь морт Мый сюрӧ бызгӧ сёрнитӧ, пон вома зэв (КК)

19пон горш

понъясьысь, пеж вома морт Дарья. Дырджык сэні... (Ырыштчӧ быгыльтанӧн.) Шӧть гортӧ, пон горш... (Нёбдінса Виттор)

20пон нёнь

туйтӧм морт — Колӧкӧ, кодкӧ лысьтіс (кӧзасӧ) — Пон нёнь, — дӧзмис пӧч. — Корсь, он кӧ, пыр жӧ норася, тэ менӧ тӧдан (А. Мишарин)

21понпи

ичӧт на морт, зырымбедь Поручик (пон моз уськӧдчӧ Митя дінӧ). А! Понпи! Шедін? (Н. Дьяконов)

22понпуш

тыртӧм морт, ляб морт «Понпуш тэ, понпуш!» — син пӧвсӧ читкыртыштӧмӧн сы вылӧ видзӧдліс Петька ... [Данко вылӧ] (Я. Рочев)

23пон рӧд

туйтӧм, зывӧк пычкана морт — Налысь, пон рӧдлысь, он гӧгӧрво. Первойсӧ букыша видзӧдіс, а сэсся, буракӧ, ладмисны (Я. Рочев)

24пон тшак

туйтӧм, зывӧк пычкана морт — Таляла пон тшакӧс! [Бединӧс] — уськӧдчис Самарин ывлаӧ. — Он лысьт кинад! — ӧтпӧлӧсӧн вӧтчис Социалина (Г. Юшков)

25пон чужӧм

зывӧктана морт, пемӧс кодь Мися, мыйла мортсӧ лёкӧдан, да пон чужӧмыд кыв ни джын эз шу, бара ӧддзыліс Иля Иванович (В. Лодыгин)

26пороз

мустӧм морт, рӧдмӧдысь ӧш (айловъяс йылысь) — Ме тэныд, госа порозлы, петкӧдла! — кос кабырсӧ век на чабрӧдліс Каритон Ӧльӧ. — Вильыд налим!.. [Ӧксен йылысь] (В. Безносиков)

27порот паръя

мисьтӧм вома, урӧд чужӧма морт — Но вот. Ме ӧд Капит сертиыд кык арӧсӧн пӧрысьджык — 1925 воын чужсьылӧма. Ошйысьны быттьӧ абу лӧсьыд, но пельташӧн ни кокташӧн эг вӧвлы. Туска синмаӧн да порот паръяӧн эз жӧ нимтывны [Глафирa Мендеровналӧн кывъяс] (В. Безносиков)

28порот паръя козёл

мисьтӧм вома, урӧд морт «Ак пӧ тэ, порот паръя козёл! Ме тэнӧ виччыся пес пилитны, а тэ со кӧні тӧкаритан?! На тэныд, козёллы, н-на-а!..» (кывъясыс Степан Ларӧ гӧтырыслӧн) (В. Безносиков)

29порскун

уд. (Веньдін) ӧдйӧ пузьысь морт, ыждалысь, кратайтчысь (ССКЗД, КСК)

30порсь

быдл. няйтын олысь, дурка олысь морт / грязнуля, свинья (КРК) — Не тэныд тӧдны, порсьлы! (Н. Никитин, комиӧдӧма С. Раевский)

31порсьпи

няйтын олысь, дурка олысь морт / поросёнок (КРК) — Порсьпиян, ті ме бӧр локтӧ, Морт преникӧн сетала, Да эн сёрнитӧ нем, боктӧ Мӧдногӧн кӧ пӧвсала (И. Куратов)