Коми видчанкывъяс

1кид

1) вӧй / застенчивый, нелюдимый 2) полысь морт / пугливый (КРК) Збыльысь, вӧлі кӧ кидӧн да йӧйӧн, Сэки пармаас эськӧ эз ов (В. Бабин)

2кидмӧм

вӧй, вӧймӧм морт, пемӧс / одичалый (КРК) Сьӧкыд вӧлі велӧдны полысь либӧ кидмӧм чаньясӧс (А. Афанасьев)

3кидӧс

кок вылас дыр сувттӧм кага Кидӧс кодь морт (КК)

4кизьӧр вема юр

йӧйюк, бӧб морт «Ак тэ, кутюпи! Кизьӧр вема юр! — пондіс пинясьны вомгорулас Опонь дядь. — Час, ме тэныд вола!» (В. Третьяков)

5кизьӧриник йӧз

тӧдчытӧм морт, йӧз Анна (кельдӧдӧ). Он кӧсйы? Ставныд ті кизьӧриник йӧз! (В. Леканов)

6кизьтӧм яран

скр. кизявтӧм паськӧмӧн, восьса морӧсӧн ветлысь морт (ССКЗД, КСК)

7кикимера / кикимора

1) вежнясьясь-дзирнясьясь челядь, зон либӧ ныв, ань (КРК) 2) асьсӧ петкӧдлысь морт видз. титимера — Папка, да тэ жӧ нинӧм он тӧд, — зілис дорйысьны Лиля. — Кикимераясӧс райисполкомыс оз чукӧрт, комсомолыс оз ысты!.. Менам пӧ сямлун эм!.. (В. Безносиков) Код тӧдас, мый налӧн, кикимераяслӧн, юраныс (нывъяслӧн) (Н. Чугаев)

8кики чукӧр

кикимера чукӧр, вежнясьясь-дзирнясьысьяс — Сӧмын эн ылалӧй Кольӧ мозыд, кики чукӧр... (Н. Чугаев)

9кикурӧд

1) кужтӧм морт 2) лёка пасьтасьӧм, дурк морт (КК) Кикурӧд, набалмаш йитлӧм, тӧдтӧм вӧраса, киясӧн шенасьӧмӧн йӧктӧм — мукӧд йӧзлысь манерасӧ мӧвпышттӧг босьтӧмаӧсь коми ансамбльлы (В. Латышева)

10кикурӧда йӧз

кужтӧм-сямтӧм йӧз Эз, найӧ эз вунӧдны урчитӧм кадсӧ, эз кикурӧда йӧзӧн вӧвны ни; налы вӧлі яндзим тэрмасьнысӧ — медводзӧн пӧ ещӧ локсяс (И. Торопов)

11кимӧститчысь

1) тун, кӧлдуйтчысь морт / колдун, ворожея 2) пакӧститчысь, тешкодь морт / безобразник, чудак (КРК) Ӧд сэні пӧшти став олысьыс тунъяс, тшыкӧдчысьяс, кимӧститчысьяс, тӧдысьяс (В. Тимин)

12киподтуйтӧм(а)

кужтӧм, сямтӧм морт / неумелый, неспособный (КРК) — Гудӧкасьысьтӧ ме бы коли гажыс вылӧ, а вот тікӧд, киподтуйтӧмаясыдкӧд, ог тӧд, мый и керны... (Н. Чугаев)

13киссьӧм кольта

полокалӧ, лёка пасьтасьӧм морт Киссьӧм кольта моз пасьтасьӧма (КК)

14киссьӧм тюни

некытчӧ туйтӧм морт мортыс абу киссьӧм тюни (КК)

15киссьӧм рӧзваль

пӧрысь, вермытӧм нин морт / развалина (КРК) Ме ӧд киссьӧм рӧзваль нин: тайӧ лун-вой муртса эг кув вӧркъяс вӧсна (В. Лыткин)

16китрӧван

варгӧс, лукав морт — Ак тэ, китрӧван! — серӧктіс ныв да вӧжжи помсӧ гаровтіс додь нырас (Н. Чугаев)

17китӧм-подтӧм

кужтӧм-сямтӧм морт / неумелый, неспособный к делу, незадачливый (КРК)

18китӧм пур / китэм пур

изьв. эй. (Керчомъя) вермытӧм морт (ССКЗД, КСК) «Китӧм пурйӧн» шулывлӧны татшӧм семьяяссӧ Изьваладорын (Я. Рочев)

19киысь-киӧ ветлысь

быдл. гуляйтысь ань, кырсук