Коми видчанкывъяс

1квайт чуня

быдл. гуысь, вӧр, гусясьысь морт (КК) Ӧгрӧпена эськӧ мича, Сӧмын мамыс еретнича, Шогмана ныв Якунь Дуня, Сӧмын рӧдвужыс квайт чуня (П. Клочков)

2кваст

уна ошйысьысь морт / хвастун (КРК) Ёна жӧ ква-ква-ква-квастӧсь (В. Бабин)

3квастайтчысь

ёна ошйысьысь морт / хвастун (КРК)

4кваст мешӧк

эй. Помӧсдін ёна ошйысьысь морт (юӧртіс И. Г. Чисталева)

5квастпоз

ёна ошйысьысь морт / хвастун (КРК) Ӧльӧш. Кваст поз! (Лэптӧ пельпом вылас эшкын сорнас сур лагунсӧ, нуӧ.) Дарья (локтӧ керка сайысь.) Дугдӧй, сюраяс!.. Лыястӧ чегъяла (Н. Белых) А ме тӧді ӧти бур места Истра ю дорын, сэтчӧ и паськӧдчим. Юим. Сёйим. Женя, квастпозыд, тэрыба варччис мӧдлапӧлас (И. Крестьянинов)

6квастун

ёна ошйысьысь морт / хвастун (КРК) Ми вед абу жӧ бӧбӧсь, пыр и гӧгӧрвоим — бестӧлкӧвӧй квастун (В. Безносиков)

7квастун бадзӧ

эй. ёна ошйысьысь морт (юӧртіс И. Г. Чисталева)