пыл
облако, облака; туча, тучи.
Каваште вӱдтолкын гай лудо-лавыра пыл теҥызла, мучашдымын иктешланен. М. Шкетан. На небе серо-грязные, как волны, тучи бесконечно скапливались, подобно океану.
(Пыл) Тугай пушкыдо — чылт мамык гай. Н. Лекайн. Облако такое мягкое — прямо как вата.
Йӱдлан ала-кушеч, пурак ора гай оварланен, пыл погынен толеш. М. Шкетан. К ночи откуда-то, клубясь, как пыль, наползает туча.
Каваште шикш гай вичкыж пыл шуйнылын тарайлана. М. Шкетан. В небе краснеет длинное тонкое облако, похожее на дым.
Кас кече вел гыч чодыра ӱмбачын вулно ора дене велыме гай лопка, кӱжгӧ пыл кӱза. М. Шкетан. С западной стороны из-за леса поднимается широкая, высокая, словно отлитая оловянная груда, туча.
Коклан копна гай пыл кынел толеш. Н. Лекайн. Иногда наплывает туча, похожая на копну.
Кӱшнӧ лайга пыл, порсын ярым гай шуйналтын, кава пундашым ош марле дене леведмыла ончыкта. Н. Лекайн. Вверху тонкое облако, растянувшись словно шёлковая прядь, будто покрывает небо белой марлей.
Кӱшнӧ меж ластыклам иктыш ургымо гай пыл ора-влак чумыргат. А. Тимофеев. Вверху скапливаются тучи, точно сшиваются в один кусок шерстяные лоскутки.
Лекшаш кече дене пыл шӧрын-влак тарай гай чевергеныт. М. Шкетан. Края облаков озарены, как кумач, восходящим солнцем.
Ош вичкыж пыл-влак ший вӱд гыч йӱштыл лекше гай йылгыжыт. М. Шкетан. Белые тонкие облака блестят, будто искупавшиеся в серебристой воде.
Чодыра ӱмбач шем сывын гай пыл кӱза. Н. Лекайн. Из-за леса, точно чёрное покрывало, наплывает туча.
Вуй мучаште вулно гай шем пыл шыжа йӱрым шоктеш. Е. Янгильдин. Тяжёлая, как свинец, чёрная туча над головой сеет мелкий дождь.
Ик шӧр гыч вес шӧрыш комбо пыстыл гай пыл ярымалтеш. «У вий». С одного края до другого (края) тянутся облака, похожие на гусиные перья.
Кавам вулно гай неле пыл шоҥалын. «Ончыко». Тяжёлые, как свинец, тучи обволокли небо.
Каваште шикш гай вичкыж пыл, шуйналын, тарайлана. М. Шкетан. На небе багровеет, протягиваясь, тонкое, как дым, облако.
Лум ора гай пыл лоҥгаште тылзе мунчалта шкетак. Н. Ялкайн. Средь облаков, подобных снегу, одиноко катится луна.
Лӱп-лӱп лийын, сывын гай пыл эре лишемеш. К. Исаков. Всё темнея, поднимается туча, похожая на свадебный кафтан.
Шем пылын вулно гай капше чевер кечымат шылтен шуктен, вужга ош пыл-влакымат ялтак шалатен пытарен. А. Эрыкан. Тяжёлые, как свинец, чёрные тучи успели заслонить и яркое солнце, полностью разогнали и пышные белые облака.
Кава тӱрын шӧртньӧ ӱжараште шкет куку гай сур пыл йӱштылеш. С. Григорьева. На краю неба в золотой заре, словно одинокая кукушка, купается серое облако.
(Шӱдыр-влак) Ала шем портыш гане вошт койдымо пыл ден леведалтын малаш возыныт? Я. Ялкайн. (Звёзды) Быть может, накрывшись непрозрачной, как войлок, чёрной тучей, улеглись спать.
(Пыл) Ынде шоҥго кочан вуйжыла коеш. Чынак, ош ӱп, ош пондаш. В. Абукаев-Эмгак. (Облако) Теперь стало походить на голову старика. И правда, белая голова, белая борода.
(Пыл-влак) Пӧрт воктене кушшо тополь укшла койыт, шудо каван гаяк чучыт. В. Абукаев-Эмгак. (Облака) Походят на ветку тополя, что растёт у дома, а ещё напоминают стога сена.
(Шыже) Коштеш суртдымо, мыскылтыш лӱдын. Мушкыш лапчыкла тудын ӱмбак ночко пылым кава пунчалеш. В. Колумб. (Осень) Ходит бездомная, запуганная. На неё выжимает небо мокрую тучу, как тряпку.
Кӱшнӧ вужга оҥан пыл-влак ойгыдымо йӱксыла йӱд кавам пӱчкын ийыт. А. Эрыкан. В вышине, разрезая ночное небо, плывут, как беззаботные лебеди, пушистые облака.
Под шолмыла ончыл пылже пӱтырналт, толкыналт толеш. Н. Лекайн. Передняя туча идёт, крутясь, волнами, как будто кипит котёл.
Пыл нугыдемеш, шемемеш, пич йӱдла коеш. Н. Лекайн. Туча густеет, чернеет, напоминает тёмную ночь.
Пыл-шамычшат ятыр кӱшыч тулла йӱлен каят. Н. Мухин. И облака плывут в вышине, сверкая, словно огни.
Теве кызытат шӧршудо пеледышын мамык тӱрка упшла койшо пыл лапчык сирень укш лоҥга гыч тывелке нушкеш. В. Абукаев-Эмгак. Вот и сейчас кусочек облака, похожий на пушистую лохматую шапку одуванчика, из-за ветвей сирени ползёт сюда.
Теве тӱтырала койшо вишкыде пыл ярым пеш ӱлыч ийын эрта. А. Мурзашев. Вот очень низко проплывает похожий на туман клочок жидкого облака.
Чодыра валне, ошалге-лудо тӱсан пыл меҥгыла кӱза. А. Айзенворт. Над лесом поднимается столбом светло-серая туча.
Шыже кече, шемын койын шогышо пырдыж гай чодыра шеҥгечын вуйжым нӧлталын, тӱлыжгӧ шинчаж дене ончалешат, тӱсым йомдарыше шем мланде ӱмбак шӧртньӧ йолважым ӧкым шаралта, вара тӱтырала толшо пыл йымаке пурен йомеш. Н. Лекайн. Осеннее солнце, подняв голову из-за чернеющего, как стена, леса, смотрит хмуро, нехотя сыплет свои золотые лучи на потерявшую свою красоту чёрную землю, затем теряется в набежавшем облаке, как в тумане.
Эртат пыл-влак, ош межла шуйдаралтын, ала-кӧ пуйто шӱртым шӱдыра. М. Казаков. Плывут облака, протягиваясь, как белая шерсть, будто кто-то нить прядёт.
(Пыл-влак) Нуно кугемыт, каван орала ӱмбала-ӱмбала кушкыт. Н. Лекайн. (Облака) Они увеличиваются, как стога, растут друг на друге.
Кандалге каваште куштылго ош пыл-влак, мамык пунла койын, пеш лыйган чоҥештылыт. А. Эрыкан. В синеватом небе, словно пушинки, летают плавно лёгкие, белые облака.
Тылзе шӧртньӧ тӱкӧ дене кукшо шудо чыкела кудыр пылым ӧрген лекте. В. Колумб. Вышел месяц, золотыми рогами забодав курчавое облако, словно кучу сухого сена.
Мелна руашла пыл оваргыш эркын, тӱргочын теме юж салма-кава. Коҥгаште пуйто тул йӱла пудештын — волгенче кӱдырчым рӱзен тава. В. Регеж-Горохов. Как тесто для блинов, поднялась туча, переполнилось небо-сковорода. В печи будто огонь горит с треском — молния, сотрясая громом, пляшет.
Парусла койын, пыл-шамыч ийыт. Ю. Галютин. Похожие на паруса, плывут облака.
А мый шонем ыле, пуйто пыл кӱ ора гай пеҥгыде да неле. М. Шкетан. А я думал, будто облако твёрдое и тяжёлое, как глыба камня.
Пелганде каваште лапчык пыл-влак койыт. Кенета ончалмаште туге чучеш, пуйто мамык пун кашак тушан пижын шинчыныт. В. Абукаев-Эмгак. На голубом небе видны обрывки облаков. Если внезапно посмотреть, то кажется, будто пушистый пух туда прилип.
Пич каваште шкет ийше ош пылым шовыч семын вачӱмбакем сакышым. А. Иванова. На плечо себе я повесила как платок одинокое облако, плывущее по небу.
Тылзе ынде нӧлтынак нӧлтеш, тудым шойыштышо вичкыж-вичкыж пыл Ленан вуйысо канде шовыч семын волгалтеш. Ю. Галютин. Месяц поднимается всё выше и выше, затмевающее его тонкое-претонкое облако светится, как голубой платок на голове Лены.
Ынде имне гайрак койшо пыл эрта. В. Любимов. Теперь проходит облако, похожее на лошадь.
Кажне лапчык пылже мом-гынат ушештара: пийымат, кӱкшакамат, шоҥго куван вуйжымат. М. Илибаева. Каждое облачко что-то напоминает: и собаку, и холмик, и голову старухи.
Мамыклалт оваргыше ош пылат весела сынан, пӧжга шоҥ орам ушештара. А. Юзыкайн. И раздуваемые в пух белые облака веселы, напоминают скопление рыхлой пены.
Ай, тиде изи пыл лапчыкше чылт татар кокайын кыстывийжыла коеш. М. Илибаева. Ай, это маленькое облако прямо как кыстывий тётушки-татарки.
(Пыл) Тугай пушкыдо — чылт мамык гай. Н. Лекайн. (Облако) Такое мягкое — прямо как вата.
О сайте
Инструкция