Коми видчанкывъяс

1легзьысь

пӧрысьысла омӧльтчӧм морт / дряхлый человек (КРК) Тайӧ юкӧнас кывъяслӧн семантикаысь нин позьӧ гӧгӧрвоны, код дор сулалӧ гижысь: «повзьӧма», «изъялӧма», «таджгӧдӧма», «легзьысь кок», «ставӧн... эжсисны сім нюйтӧн» и «шывкъяліс-гӧграліс Кӧзяин да... сераліс» (Л. Гудырева)

2лесьтан

уд. няйтӧсь, лякӧссьӧм чужӧма (ССКЗД, КСК)

3леститчысь

чесьтӧ уськӧдчысь, лискасьысь морт / лстец, угодник (КРК) Ӧтиыс кос, а мӧдыс леститчысь, меліысла быд кывйын сылӧ, весиг асьсӧ пиукӧн да Юрочкаӧн гижӧма! (П. Шахов)

4лешак

1) вӧрса, кузь, чӧрт / леший, чёрт (КРК) 2) мустӧм морт, видчанкыв Кутлысигкості пуяс сайсянь петкӧдчис Сопрон Васькалӧн Гнедкоыс. Ачыс Васька чеччыштіс вӧр кыскалан доддьысь да мӧдӧдчис ая-пиа дінӧ. — Но, лешакӧй! — горӧдіс сійӧ. — Зимӧгорным али мый воӧма?.. Ӧксинь, тэ вӧвсӧ лэдзав. Ме кӧсъя лючкиджык видзӧдлыны морт вылас! (В. Юхнин) Серапим дядь эськӧ тяп-тяпкераліс вом доръяснас, но садьмис да петкӧдліс быттьӧ скӧр чужӧм: — Лешакъяслы нинӧм вӧчнытӧ! Мӧсъясныд нӧ кӧнӧсь? (Н. Мальцев)

5лешак вӧв

мустӧм вӧв Родион. Кытчӧ нӧ бара рӧдтан, лешак вӧв? Шура. Колӧ, колӧ! (А. Власов)

6лешак-зон

мустӧм айморт — Но, лешакӧ-зонмӧ, ёна падмӧмӧн шешъяліс Тима дядь. — Збыль тай дивӧторъяс пондісны керсьыны миян татӧні... (И. Торопов)

7лешаклӧн войтыр

мустӧм йӧз Дарья (локтӧ, вайӧ кӧш тыр сур). Но инӧсь локтӧй, дарйӧдышта! (Вошӧм гӧлӧсӧн.) Лешаклӧн войтыръяс... (Н. Белых)

8лешакмашина

1) мустӧм морт, пемӧс, лэбач 2) омӧльтанатор, видчанкыв Нӧшта лешакмашина моз му вылас коз да пожӧм кольяс гылӧдӧ, пучейнас, буракӧ, кынӧмпӧтыс оз жӧ помӧдз шед (сизь йылысь) (А. Шебырев) — Лешак машина! — ёрччыштіс Миколай да скӧрысь сьӧвзис лыа берегланьыс (В. Безносиков)

9лешак поз

1) мустӧм морт, омӧльтанатор 2) видчанкыв — Ланьтышт, лешак поз! — пинь пырыс сӧдзӧдіс Митипер да ещӧ чорыдджыка ёрччыштіс: — Кураннас швачнита — садьсялан! [кывъясыс Валялы] (В. Безносиков)

10лешак пӧв

мустӧм морт — Лешакыслӧн пӧлыс! Гурйӧмӧн ӧд гурйис, рака позйыд! (Василей Проньӧ Мишлы) (Н. Чугаев)

11лешак пызь

1) мустӧм морт, омӧльтанатор 2) видчанкыв — Линка, лешак пызь, ноко, волы татчань! Волы, волы!.. (В. Безносиков)

12лешак чужӧм

мустӧм чужӧма морт, пемӧс — Лешак чужӧм! — лёкысь ырыштчис пемӧс вылӧ Вась. — Нетшкысьны сэні кутіс! Лӧня сулав! (вӧв йылысь) (И. Ногиев)

13лешак чукӧр

мисьтӧм, лёк йӧз Гриша. (шыбитӧ пызан вылӧ). Налӧй, лешак чукӧр, мед горшаныд тасасяс!.. Мунам, зять!.. (Нёбдінса Виттор)

14лешачика

мустӧм, омӧльтана ань — Да, лешачика, мый нӧ ныр-вомтӧ керин?!,— Ак ті, лешачикаяс, став черисӧ тай ті миянлысь повзьӧдлід! Сы пыдди ӧні асьнытӧ кӧвтыштам! — лэчыда шыасис Степан Фёдорович... [нельмаяс дорӧ] (И. Торопов)