Коми видчанкывъяс

1ябедник

удтысьысь, йӧз йылысь висьтасьысь / ябедник (КРК) — Вот тэныд, ябедниклы, вот тэныд, паршивӧйлы! (П. Доронин)

2яд

лёк морт, пагӧдысь МАРЬЯ Но тэ... Яд! ПЕТЫР (аслыс) Но и баба... И кыдз Ёгорыс такӧд олӧ? (А. Шебырев)

3яй вор

кыз, яя ань (КК) Яй вор (шутл.) ↔ яй ноп ↔ шуасны яя, сьӧкыд вӧраса нывбаба йылысь (КФ)

4яй ноп

кыз, яя ань (КК)

5яндзимтӧм

яндзим тӧдтӧм, дзик наян морт Ак, ті, йӧйяс, яндзимтӧмъяс! (Ю. Васютов)

6яндо

изьв. сямтӧм-кужтӧм на кӧр видзысь, уджӧ пырӧдчысь пастук — Уль яйсӧ кӧ кӧр видзысь эз сёй, век нин кыссӧ нюжӧдіс. Эк, Люба, Люба! Яндоыд, яндо жӧ и эм! Сэні став витаминыс. А вир кӧ юан — ӧш кодь лоан (Н. Никулин)

7яндысьтӧм

быдл. яндзим тӧдтӧм, наян, яндзим воштӧм морт (ССКЗД, КСК) Яндысьтӧмӧй милӧйӧй, Яндысьтӧмӧй милӧйӧй да, Мый нӧ тані тэ вӧчан? (Фольклор)

8яндысьтӧм бугыль

быдл. яндзим тӧдтӧм, дзик наян (ССКЗД, КСК) МАРЬЯ. Дзебассьыс аддзин али мый? Яндысьтӧм бугыль! Абу тай эськӧ вӧрзьӧдлӧмыд да (сулясӧ) (А. Попов)

9яндысьтӧм син

дзик яндзимтӧм, яндзим тӧдтӧм, вач наян морт (ССКЗД, КСК) — Ок и яндысьтӧм синъяс! — лӧня, но век жӧ скӧрпырысь шуис капитанным миянлань бергӧдчывтӧг (И. Торопов)

10яндысьтӧм рожа

дзик яндзимтӧм, яндзим тӧдтӧм, вач наян — Кӧч вый да каля гос! — дзикӧдз пузис Зинаида Филаретовна. — Сизим мӧс ӧд дундӧмаӧсь тэнад милӧсть кузя, си-зи-им мӧ-ӧ-с!.. Ойя жӧ да ойя!.. А тэ сур дуньган, скӧт гурттӧ эновтӧмыд, яндысьтӧм рожа!.. (В. Безносиков)

11яндысьтӧм чужӧм

дзик яндзимтӧм, яндзим тӧдтӧм, вач наян Дарья. Аддзӧма тай кытчӧ пырныыд; матынджык мед вӧлі пеж позъяс, яндысьтӧм чужӧм (Нёбдінса Виттор)

12яндысьысь кукань

нямӧд, вӧй морт А нинӧмла сэтшӧм яндысьысь куканьнас и лоны мужик мортлы, кӧсъян кӧ бабаяс бӧрся вӧтлысьны... Ме мырдысьӧн ли мый вӧтлі сійӧс гортас срокысь водзджыксӧ? (И. Торопов)

13янӧдан

йӧз водзын асьсӧ уськӧдысь морт / позорящий, постыдный, унизительный (КРК) — «Янӧдан, янӧдан», — нерис ёртсӧ Ваньӧ (А. Коми)

14янӧдысь

асьсӧ йӧз водзын уськӧдысь, юр янӧд морт / позорящий (КРК) Тшыглунысь да кӧдзыдысь Лёк керкаӧ мунін, Став мортвужсӧ янӧдысь, Лёк олӧмӧ суин (И. Куратов)

15яран

эй. Ыджыдвидз няйтпоз, порсь кодь морт

16ярскӧб

чорыд, вежавидзтӧм, этш тӧдтӧм морт А Ёгорӧс Лымва корӧ. Юыс гажтӧмтчӧ. Ас дінас корӧ. Медводз — бурджыкъяссӧ, шаньджыкъяссӧ, небыдджыкъяссӧ... Полӧ ярскӧбъясысь, жлечьясысь, мыр чужъялысьясысь, вӧр-васӧ урӧстысьясысь (А. Шебырев)