Коми видчанкывъяс

1шева

быдл. пеж, лёк, зывӧктӧдана морт (кызвынсӧ аньяс йылысь) — Мун сэтысь, сьӧд шева! — кинас ӧвтыштіс Петыр мустӧм лэбачлань (А. Вурдов) Дарья. Ӧд дзугис, збыльысь ставсӧ дзугис шеваыд! Жӧниктӧ сийӧсалісны, менсьым сур лагунӧс путкыльтісны-жугӧдісны, ачымӧс немортӧдз вайӧдісны... (Н. Белых)

2шева бӧжа

лёк туналысь лэбач (кӧк йылысь) И другысь неылын, быттьӧ сьыланкывйыслы содтӧдӧн, кыліс кӧклӧн кӧкӧм. — Ӧ-ӧ! Асы тай, кывлысис шева бӧжаыд! — юрсӧ довкнитӧмӧн нюмпырысь шыӧдчис морт (А. Вурдов)

3шева доз

1) пеж, лёк, зывӧктӧдана морт 2) лёк сёрни разӧдысь ань 3) тшыкӧдчысь Шева поз ↔ шева доз ↔ шева чуман ↔ тшыкӧдчысь (КФ)

4шевапоз

быдл. пеж, лёк, зывӧктӧдана морт — На тэныд, дона тӧварка, — чилзіс вӧсньыд гӧлӧснас Лия, — на тэныд, мусук дорысь кӧдзӧдысьӧй! Эз кут матӧ сибӧдлыны, думайта: мало ли чего, гашкӧ, гӧтырыс сакис, гашкӧ, нёрпалӧ, нёрпалӧ, а, вӧлӧмкӧ, ми костӧ сюйсьӧмыд тэ, шевапозйӧй!.. (А. Лыюров) А Васька Аннатӧ, шева позтӧ, коді нэмсӧ орччӧн оліс да уна пакӧсьт Ульныровъяслы керис, Паш Вась орчча ва струбаысь перйыліс: вала петӧма да кокувса сісьмӧм керъясыс виччысьтӧг вальдӧмаӧсь (А. Ульянов)

5шева чуман

1) быдл. тун, тшыкӧдчысь, еретник (ССКЗД, КСК) — Тэ, шева чуман, он кӧ ӧні жӧ Анфисаӧс бурдӧд, татчӧ и лыя! Ноко пасьтась! (кывъясыс Сандралы) (А. Мишин) 2) лёк сёрни разӧдысь ань 3) пеж, лёк, зывӧктӧдана морт

6шель кычан

уд. зырымбедь, зэв на том морт Емен Ӧнь нюмдіс: — Но вот, медводдза «боевӧй крещение» прӧйдитінныд, шель «кычанъяс». Небось тай, кокныд шедіс чушкыльсьыд (А. Вурдов)

7шемела

уд. вильышпоз / ветлявый, шаловливый (КРК) — Нук-нучкаясӧй рочасьӧны, да найӧс, шемелаясӧс, ньӧти ог гӧгӧрво (А. Селиванова)

8шемела песысь

тӧв чужъялысь, нем керысь / бездельник (КРК) — Ак ті, чикышъяс, шемела песысьяс! (Н. Куратова)

9шердын вом

больгун, розя вома морт / болтлтивый, болтун (КРК) ФАИНА. Колскӧдчыны сӧмын и эм сямлуныд да, шердын вомлӧн!.. (В. Безносиков)