Коми видчанкывъяс

айкурӧгӧс виданкыв — Ак тэ, лысӧм бӧжа стерво! — скӧрмис старшина да ӧдӧбтӧмӧн чужйис ярмӧм петуклы (В. Безносиков)

кокни мывкыда пӧрысь морт (КК) — Коді, мамӧ, лысӧм катшаыс? — мамыс кывъясӧ ӧшйис шӧркост пиыс (П. Доронин)

53лытай

плут, пӧръясьысь, ылӧдчысь морт — Тӧдмалін, лытай, эн на вунӧд! Тэ, Кубрак, бура видз кӧзяйкатӧ, ӧбидаӧ эн сет! (Н. Чугаев)

54лытун

1) ылӧдчысь, пӧръясьысь морт / обманщик, плут, мошенник 2) тӧв чужъялысь, уджысь пышъялысь морт / сачок, увиливающий от работы (КРК) ...Ланьтін со, кельдӧдін? А тэныд вед, лытун-мошенниклы, премияяс да наградаяс шняпӧдісны!.. (В. Безносиков)

55лытӧм кывъя

эй. Ыджыдвидз больгун, паськыд вома, бызгысь

56льӧм вотан туша

ӧшлӧпан, вывті кузь морт (КК) Коми фразеологияын паныд вежӧртас босьтӧны ’ыджыд’ и ’ичӧт’ понятиелы лӧсялан ФЕ-яс, шуам, льӧм вотан туша и ыж шег кодь: ’збой’ и ’полысь’ вежӧртасаяс, шуам, сувтса синма и кӧч сьӧлӧма и с.в. (А. Карманова)

57лэбач

уна ветлысь, горттӧм морт, кӧк Горик (быттьӧ ловзьӧ да да индӧ Романов вылӧ). Ті видзӧдлӧй сы вылӧ! А коді тайӧ мортыс?! Лэбач! Кӧк! (В. Леканов)

58лэбера

ылалӧм, вунӧдчысь морт — Таттяналӧн доз пыдӧсыс на, кӧнкӧ, эз берд, ме сэсся муна. Дзик ӧд лэбера кодь, быдлаӧ ылалӧма... А тэ, тэсӧ дыр-ӧ кежӧ сиктас? (Стёпӧ висьталӧ Катюшалы) (В. Бабин)

59люлюбай

пьянник, винагаг Видзӧда, пиян, зять да нӧшта кутшӧмкӧ мужичӧйяс век на пукалӧны, ставӧн нин люлюбайяс кодьӧсь. Буракӧ, войбыд юисны. Мый ӧні не юны? Локті удж вылысь, а батьыд люлюбай кодь код (Н. Щукин)

60люпки-ляпки

эскыны позьтӧм морт Поп. Колӧ проситны Опонасей Кирилловичӧс, гашкӧ, босьтас. Мортыс ӧд медся привычнӧй, абу нин первой. Медся надёжнӧй. Абу люпки-ляпки! (И. Пыстин)

61ляб кишка

изьв. няргун, бӧрдысь

62лябӧ

диал. сёрни разӧдысь морт, суклясьысь / сплетница (КРК)

63лягуша

кӧдзыд ань, ловкылӧмъястӧм ныв, ань Туркин. Кыдзи друглы шуа: весьшӧрӧ кадсӧ воштан. Тэ сылӧн абу нин первой принц. Мича нывбабаыд — кӧдзыд вира. Лягуша! (В. Леканов)

64лякӧсь бӧжа

грека, ыджыд тырмытӧмторъяса морт Лякӧсь бӧжаӧн колхозӧ эн локтӧ (Г. Федоров)

65лямба

уд. (Тыді) лапъя пеля (ССКЗД)

66лясӧ

1) больгысь, суклясьысь, сёрни разӧдысь / болтунья, сплетница (КРК) 2) ем. ляскӧм чужӧма морт 3) скр. мизуя, ньӧжмыд морт, небыд нямӧд — Ме кодь жӧ лясӧ? — серӧктіс мамыс, но ньӧти эз дойдана... — Эн тай, эг кывлы, пельтӧм да! — лыбзис мамыс. — Ме тай нӧ шогми батьыдлы, со на кутшӧмӧс тэнӧ чужті да быдті и?! Лясӧыд пӧ тэрыбджык быдлаӧ, пуӧ-вӧчӧ, мый оз вӧч (Г. Юшков)

67лясьӧ

сш. лёзь юрсиа, дзугсьӧм, кузь, пратясьӧм юрсиа морт

68лятӧ

омӧля быдмӧм, сӧвмытӧм пемӧс — Этайӧ гӧрда-еджыда серасӧ, буди, кутам? — ловпу дорын чатрасьысь куканьлань чер воропнас индіс Ёгор. — Татшӧм лятӧсӧ? — падмӧдіс Паньӧ (кукань йылысь) (В. Безносиков)