Марийско-русский словарь неологизмов

1оҥайлалташ

интересоваться, заинтересоваться
Шукышт тиде кугу да пайдале паша дене оҥайлалтыныт (В.К.). Молан нуным кугыеҥат уло кумылын оҥайлалтын лудеш? (В.К.) Уна-влак поснак оҥайлалтыныт марий калыкын культуржо, сылнымутшо дене (В.К.)

2оҥайланаш

потешаться
Но низаштат иканаште умылаш ок лий: ала игылтат, ала оҥайланет (Г.А.)

3оҥайсыр

необычность, странность
Америкыште лийше оҥайсыр (В.К.). Мый Москошто лийше ик оҥайсыр нерген каласкалышым (В.Р.-Г.). Но мурешак шӱртньыш йылме, мыскарат оҥайсыр лекте (В.К.)

4оҥайсырын

необычно, странно
Чот ишыме тӱрвыштышт кодын тачат оҥайсырын шоктышо ныжылге муро (В.К.)

5оҥайтараш

заинтересовать, заинтриговать
Оҥайтарен возаш. Оҥайтарен каласкалымаш. Оҥайтарен келыштарымаш. Тыште йытыра шыри-вури образ, оҥайтарен таҥастарымаш уке (В.К.). «Ледовитый океаныш Обьышто йыдал иеш» ‒ моткоч мастарын да оҥайтарен возымо (В.К.)

6оҥайтарчык

случай забавный, интересный, занимательный
Тыгай оҥайтарчык-влак илышыштем вараракат лиеденыт.

7оҥайтарыме

занимательный, занятный, интересный, привлекающий внимание
Оҥайтарыме образ. Оҥайтарыме таҥастарымаш.

8оҥараш

Ⅰ
произносить (звук)
    «А» йӱкым оҥараш.
Ⅱ
настроить (музыкальный инструмент)
    Кӱслем оҥараш.
Ⅲ
подражать
    Кайыклан оҥараш. Туныктышылан оҥараш. Тудо весылан оҥарен ок мошто.
Ⅳ
ехидничать, насмешничать, передразнивать, подтрунивать
    Тудо мыйым эре оҥараш тӧча. Кӱшыч кайыше коракше йылмым луктын оҥара (Муро)

9оҥаркалаш

разгребать
Аваже ден ӱдыржылан тулотым оҥаркалаш шӱден (А.Арс.)

10оҥарташ

настроить
Пианиным оҥарташ кӱлеш.

11оҥартыш

Ⅰ
насмешка, передразнивание, издёвка
Тудын оҥартышыжым ончен шерем темын.
Ⅱ
подражание
Тиде муро огыл, ала-могай оҥартыш.

12оҥарчык

пародия
Йолташыжын почеламутшылан тудо оҥарчыкым возен.

13оҥарымаш

1) подражание
    Кайык мурымым оҥарымаш.
2) произношение
    Йоҥйӱкым оҥарымаш.
3) настраивание
    Семӱзгарым оҥарымаш.

14оҥаш

раздвигать
Нерже дене вӱдымбалым кок могырыш оҥын, пуш эркын ончыко иеш. Поран, тӧрген, ош талгыдыла оҥын, тавен, шинчалын, шортын да шӱшкен (В.К.)

15оҥвале

нагрудный знак
Пинчакыштыже гаишникын оҥвалыже пижыктыме.

16оҥваш

грудью (встать, выйти, встретиться, т.д.)
Шкенжым арален кодышаш верч начальник лоҥгаште оҥваш шогаш мастарлыкше уке (Ю.Г.)

17оҥветыртыш

бюстгальтер
Шокшышто тудо уэш узьмакым налын шинча ыле ‒ оҥветыртышан, плавкан Зина пурен шогалеш (Ю.Г.)

18оҥгалташ

1) колыхаться
    Мардежлан вуй савырнен пӱгырна, оҥгалтеш той уржа кашын-кашын (В.К.)
2) быть окружённым
    (Харьков тураште) мемнан кугу тӱшка оҥгалте (В.Д.-О.)
3) кружить, описывать круги
    Шышталген оҥгалтеш пасу колхозын (В.К.)

19оҥгалтше

прич. от оҥгалташ
Йӧратем мый вулнын оҥгалтше Юл вӱдым (В.К.). Кӱсото йыр оҥгалтше корно дене эше пел курым коштыктыш вӱден (Онч.)

20оҥгешлаш

взять в кольцо, закольцевать
Кайыкым оҥгешлаш. Турарак шогышо ваге мучашым ондакак оҥгешла, рӱдӧ вожым руа.

21оҥгештараш

выполнить что-л. в виде колец, круга
Шӱртым оҥгештараш (оҥган-оҥганым ышташ). Пырням оҥгештарен кылдем (Ӧ.Б.). Кандырам оҥгештарен кылдем (Ӧ.Б.). Мераҥ кышажым оҥгештарен кудалеш, кышажым йомдара (Ӧ.Б.)

22оҥгырлаш

соединить колокольчиками
Йошкар-Ола оҥгырлен калыклан ик пӱгым, той-ший йӱкшым шӱмешна руда (Ф.И.)

23оҥлапчык

галстук
Тувыр шӱша йыр кылдыме оҥлапчыкше мом шога (МЭ)

24оҥчетлык

грудная клетка биол.
Но, чонышт оҥчетлык гыч лектын кайымеш, тушман йол йымак ок воч мланде туан! (В.К.)

25оҥшупшылтыш

супонь
Оҥшупшылтышыжым сайын кылде, рудалт ынже кай.