1. нежный, ласковый; выражающий ласку, любовь.
Да ныжыл мутнам шулыктен Ок сеҥе йӱрат. Г. Чемеков. И наши нежные слова и дождь не сможет смыть.
Кычальым мутым, Эн ныжыл мутым, Чонемым кудо ырыкта. В. Егоров. Искал я слово, самое нежное слово, которое согреет мою душу.
Уке, нимом мондаш ок лий: Эн первый кечын ӱжмымат, Эн первый ныжыл мутымат… В. Регеж-Горохов. Нет, ничего забыть нельзя: и приглашение в первый день, и первое нежное слово…
Кӧ тылат ныжыл мутым ойлен, Кӧн пелен кызытат кумылет, Мыланем садиктак, умылет? В. Изилянова. Кто говорил тебе нежные слова, с кем и сейчас твоя душа, мне всё равно, понимаешь?
Кушко шылын тудо ныжыл мут? М. Казаков. Где затерялись то нежное слово?
Ом шылте, чот йӧратенам, Эн ныжыл мутым ойленам. Т. Очеева. Не скрою, сильно я любила, самые нежные слова говорила.
Шӱмбел таҥемын ныжыл мутшо Изи шӱмемым ылыжта. Т. Милютина. Сердечного друга нежное слово греет моё сердечко.
Ныжыл мут ден велше Мыйын шошо эр. Т. Пчёлкина. Осыпающееся нежными словами моё весеннее утро.
Но ужам да койышетым, ӧрын, Ныжыл мутым пелешташ лӱдам. В. Абукаев-Эмгак. Но вижу я твой нрав и, теряясь, боюсь сказать нежные слова.
Кеч мутетше пеш ныжыл, сӧрале, Но ит ойло тый тудым мылам. И. Петрова. Хоть слова твои нежные, красивые, но не говори их ты мне.
Палет, мый таче шонышым Эн ныжыл-ныжыл мутым. Л. Абукаева. Знаешь, я сегодня сочинила самые нежные-нежные слова.
Мый тыйын кажне ныжыл шомакетым Шарнем, шарнаш тугак мый тӱҥалам. Н. Щербакова. Я каждое твоё нежное слово помню, я так же буду помнить.
Да Ӱпӧ шке каласкала, кӱлеш гын, Шомакше писе, ныжыл, йылдырий. Сем. Николаев. Да Уфимка (река) сама расскажет, если нужно, слова её стремительны, нежны, веселы.
Лийына пырля тый денет адак, Ныжыл шомакет чоныштем лиеш. Т. Соловьёва. Будем вместе мы с тобою снова, в душе моей будут твои нежные слова.
Вашлияш ыле тыйым Латкандаш ияш годым. Тӱрлӧ ныжыл шомакым Ойлаш умыр водын. С. Эсаулова. Встретить бы тебя в восемнадцать лет. Разные нежные слова говорить тихим вечером.
Шылеш ныжыл ой, да йомеш вий-алем — Ала вес еҥлан мый кончем? З. Дудина. Исчезает нежное слово, и иссякают мои силы — быть может, я снюсь другому?
Лекций лугыч ялысе таҥемын Ныжыл ойжым сай ыле лудаш. Сем. Николаев. Между лекциями хорошо было читать нежные слова любимой из деревни.
Ныжыл чон шукым ушышко пыштыш, Вет мастарлык пашаште шочеш. А. Тимиркаев. Нежная душа запомнила многое, ведь мастерство рождается в работе.
Ныжыл поро чонем тынар ит йӱлалтал, Тора корным лишемдалын толдал. В. Бояринова. Мою нежную, добрую душу так не обжигай, сделав дальнюю дорогу ближней, приезжай.
Авам нигунам от ондале, Ныжыл чонжо пеш писын шижеш. В. Бояринова. Мать никогда не обманешь, её нежная душа чувствует очень быстро.
Порылык угыч чонем виктара, Ала ӱмырем изишак чактара? Эн поро да ныжыл чонем Ала тыланда мый кондем? Мирон Васлий. Снова доброта правит моей душой, быть может, немного продлит мою жизнь? Самую добрую и нежную душу, быть может, я вам подарю?
Тыште мур тӱня деч ончыч Мыланем пернен улмаш Ныжыл, поро ава чонын Лу Америкым почаш. В. Колумб. Здесь задолго до мира песен, оказывается, мне довелось открыть десять Америк нежной, доброй материнской души.
Шӱм тулем гына шуктыжо Лудшын чонышко Поро сескемым пыштен. А возеш ныжыл чонышко — Тале тул патыр оҥышто Чӱкталтеш, весымат Лач тыгак ылыжтен. А. Мокеев. Лишь бы огонь моего сердца успел вложить в душу читателя добрую искру. А попадёт в нежную душу — вспыхнет мощный огонь в богатырской груди, зажигая так же и других.
Пуйто уло мландым сургыктен, Шеле кенета кава пундаш. Вурт! тӧршталтыш аван ныжыл чон. А. Мокеев. Словно сотрясая всю землю, разверзлось резко небо. Вдруг встрепенулась нежная материнская душа.
А ныжыл чон да кумылем, Теат тоштемда мо вара? В. Егоров. А нежная душа моя и мои желания, неужели и вы обветшали?
Ныжыл чон ласкалыкым, Шӱшпык муро пагытым Да кава яндарлыкым Тыланет сӧрем. В. Гордеева. Нежной души покой, песни соловьиные и чистоту неба обещаю тебе.
Тек ныжыл кумылна ойгым ок пале. А. Иванова. Пусть наши нежные души горя не знают.
Кунам йӱд омо омо огыл Да шинчавӱд тӱрвеш кошка — Эн ныжыл-ныжыл кумыл тодылт, чонем чонет деке вашка. Л. Абукаева. Когда и сон ночной не сон и сохнут слёзы на губах, моя самая нежная-нежная душа, растрогавшись, спешит к твоей душе.
Мый ныжыл кумылемым Ойгеш ом вӱдылал. Л. Абукаева. Я своё нежное настроение в горе не укутаю.
Эй, тый, сымыстарыше пампалче! Ныжыл кумылын кугу ораже! В. Дмитриев-Ози. Эй, ты, обворожительная красотка! Нежного настроения громадина!
Ныжыл кумылан, лыжга айдеме Лийже таче пайремлан оза. В. Регеж-Горохов. С нежной душой, тихий человек пусть сегодня будет хозяином праздника.
Мутшо снеге олык, Семже — шошын ал тӱрлем, Ныжыл кумыл толкын, чон пайрем. В. Изилянова. Слова — земляничная поляна, мелодия — алый весенний узор, волны нежного настроения, праздник души.
Помыжалтын шошо, шыргыжын, Ныжыл кумыл дене калыкым вӱчка. В. Егоров. Проснулась весна, улыбнулась, нежным настроением людей ласкает.
Чонышто Изи-изи тул пырче иланыш — Йӧрен пытышым, Ныжыл-ныжыл шӱлышет ден Пуалын, Ылыжтышыч. Л. Абукаева. В душе зародилась маленькая-маленькая искорка — почти погасшую, своим нежным-нежным дыханием ты разжёг.
Ӱдырамашын Шӱм-чонжо ныжыл. Сем. Николаев. У женщины душа и сердце нежные.
Йӱд ма, кече — аяр умдо семын Шомак Ныжыл шӱмнаш керылтеш… А. Тимиркаев. Ночь ли, день ли — как отравленная стрела, слово вонзается в наши нежные сердца.
Ныжыл шӱмыш шолшо тулым Кӧ гын писе ылыжташ? Ю. Рязанцев. Кто же скор зажечь горячий огонь в нежном сердце?
Кече гай тулан шӱмемже Ныжыл путырак. В. Абукаев-Эмгак. Моё огненное сердце, подобное солнцу, очень нежное.
Мортаҥше акрет годсо койыш Эн ныжыл шӱм-кылым кӱрлеш. А. Александров-Арсак. Трухлявая, древняя привычка обрывает самую нежную струну сердца.
Ныжыл авиемым, Пуйто йочалак мый шупшалам. В. Егоров. Мою нежную маму я целую, как дитя.
Поро, ныжыл, патыр аваемым Воктенем шижам мый кеч-кунам. В. Регеж-Горохов. Мою добрую, нежную, сильную маму чувствую рядом я всегда.
Шке тый кайык улат, Мыйын ныжыл авам. В. Регеж-Горохов. Ты сама и есть птица, моя нежная мама.
Тек ушештарыже ялын чурийже Икшывым кучышо ныжыл авам. Сем. Николаев. Пусть напоминает облик деревни нежную мать с ребёнком на руках.
Муро, муро, мыланем тый Улат эн ӱшанле, Лишыл, поро, шерге, ныжыл, Шӱмын сай йолташ. Т. Петухов-Локама. Песня, песня, для меня ты самая верная, близкая, добрая, нежная, сердечная подруга.
Тау, ныжыл йолташем. А. Васильев. Спасибо, мой нежный друг.
Куэ воктен сукалтенам: Ӧндалын ныжыл ӱдырлак, Ош йолжымак шупшалынам. В. Егоров. Перед берёзой на колени встал я: обняв её, как нежную деву, ноги белые её целовал.
Пеленем эреак лийын Поро, ныжыл калыкем. В. Регеж-Горохов. Всё время был со мною мой добрый, ласковый народ.
Тыйын кудыр ӱпышкет Ломбо чинчыжым пыштен. Мыйын рвезе шӱмыштем Ныжыл тулым ылыжтен. В. Апакаев. В твои кудрявые волосы черёмуха вложила блёстки. В моём молодом сердце зажгла нежный огонь.
Мый ныжыл тулым ом покто. А. Иванова. Я не стану прогонять нежный свет.
Мом ыштет, тӱняште юзо вий коштеш гын, Шӱмешем шочеш гын ныжыл тулсескем? Л. Пальминова. Что поделаешь, если по свету бродит волшебная сила, если в душе моей рождается нежная искра?
Ныжыл кече онча, Чоныш шӱлык вонча, Волгалтеш дыр кунам шӱм кава? В. Абукаев-Эмгак. Нежное солнце светит, грусть поселяется в душе, и когда же просветлеет сердца небо?
Пелен лиеш гын ныжыл Йӧратыме шӱм таҥ, Ош телым я шем шыжым Шӱм-чонышто — мӱй там. В. Абукаев-Эмгак. Если будет рядом нежная, сердечная подруга, белой зимою или чёрной осенью в душе — вкус мёда.
Да лекте кид йымачше Ныжыл, Куаныме Да шортмо серыш. Сем. Николаев. И вышло из-под пера нежное, радостное письмо со слезами.
Возенам ныжыл серышым таче, Но ом пале мый, кушто илет? В. Дмитриев. Написал я сегодня нежное письмо, но не знаю, где ты живёшь?
А ныжыл ончалтышан ӱдыр Тораште ила — мый палем. Ю. Исаков. А девушка с нежным взглядом живёт далеко, я знаю.
Кеч мый тый дечет улам мӱндырнӧ шкетын, Но ныжыл шинчатым тачат мый ужам. Т. Петухов-Локама. Хоть я одинок и далёк от тебя, но нежные глаза твои вижу я и сегодня.
Ик ныжыл ончалмет чон сусырем эмлен. А. Яковлева. Один твой нежный взгляд исцелял мою душевную рану.
Тугай ныжыл толкын торла шинчат дечын. В. Дмитриев-Ози. Такая нежная волна от глаз твоих исходит.
Жап сылным чоныш налше, Тый ӱдыръеҥ улат! Тулойып кок шинчаште, Оҥ тичак — ныжыл вий. В. Изилянова. Ты девушка, которая вобрала в свою душу красоту времени! Искры в твоих глазах, в груди — нежная сила.
Садлан ават уке войнаште — ныжыл савыш, туржалтше аватмут гына… В. Дмитриев-Ози. Оттого нет на войне матери — нежного эха, лишь только грубая матерщина.
А Юл воктене Йӱштыжат пеш ныжыл. З. Дудина. А на Волге и мороз очень ласковый.
Ай, чоян савырет Ныжыл ю ой-кылет. В. Егоров. Ай, хитро сворачиваешь струны своих нежных, волшебных слов.
Авырат мо ныжыл суксо-шамыч, Кӧмыт мыйым йӧратен вучат… С. Григорьева. Окружат ли нежные ангелы, которые ждут меня с любовью…
Сарзе, чот тошкал, куатлын, Ошкыл ямлын, кӱдыратлын, — Ныжыл шочмо эл-аватлан Ок воч вожылаш вара. Сем. Николаев. Воин, ступай твёрдо, сильно, шагай стройно, смело — нежной матери-родине не придётся стыдиться тогда.
Уэшын-уэшын, чон почын, уралтын ты ныжыл лончеш, пырля улына. В. Дмитриев-Ози. Снова и снова, распахнувшие души, мы вместе на этой светлой, нежной полосе.
Ила улмаш йӧратымаш! Ила тугаяк ныжыл, поро. А. Васильев. Любовь, оказывается, живёт! Живёт такая же нежная, добрая.
Эн ныжыл моторлык коклаште Ужам мый тугай йытырам. Г. Чемеков. Среди самой нежной красоты я вижу такую прекрасную.
Шокшо, ныжыл, шыма волгыдем, Тый от код воктенем, пеленем. З. Дудина. Тёплый, нежный мой ласковый свет, не останешься ты рядом со мной.
Чылажат шыта йӧратымаш гыч: вургыжшо чонеш шыман ӱдалтын, илана…, ныжыл вашшижмашым шочыктен. В. Дмитриев-Ози. Всё прорастает из любви: посеянное в беспокойной душе, набирается сил, рождая нежное противостояние.
Эн ондак авамлан тауштем. Тудо вет тӱҥалтышым мылам Ныжыл шӱлышыж дене пыштен. В. Регеж-Горохов. В первую очередь я благодарю свою мать. Ведь она дала мне начало своим нежным дыханием.
Ош орлаҥге — ик ныжыл шижмаш Шкенжын шошыжым йӧршын ок мондо. В. Изилянова. Белое соцветие — одно нежное чувство всё не забывает свою весну.
Тынаре ныжыл шонышым, Кушеч, ом пале, погышым. В. Изилянова. Столько нежных мыслей откуда собрала, не знаю.
Тек лийже тиде ныжыл-ныжыл омо. В. Гордеева. Пусть это будет нежным-нежным сном.
Ныжыл йӧратымаш шочо Мемнан рвезе кок шӱмеш. З. Краснов. Нежная любовь родилась в наших юных сердцах.
2. нежный, приятный по звучанию, задушевный.
Ах, шӱмбелем, Колат мо ныжыл семым? А. Иванова. Ах, дорогой, слышишь ли нежную мелодию?
Монден эн ныжыл семым. Пеш палыме йомакым Ойла йӧршеш вес семын. Латшым ий годсо муро. А. Васильев. Забыла самую нежную мелодию. Знакомую сказку рассказывает совершенно по-другому. Песня семнадцатилетия.
Пӧртылтена гын ныжыл семым, Ала ме икте-весын лӱмым Пелештена йӧршеш вес семын. А. Васильев. Если вернём нежную мелодию, быть может, имена друг друга произнесём мы совершенно по-другому.
Йоҥгалте ныжыл марла сем. Э. Анисимов. Прозвучала нежная марийская мелодия.
(Мардеж) А тыйын сем тынаре ныжыл — Коден кертат шкетем тышан? З. Дудина. (Ветер) А твоя мелодия такая нежная — сможешь меня оставить здесь одну?
Тый чоныштем кычальыч ныжыл семым, А мый шым керт нимо денат полшен. З. Дудина. Ты в душе моей искал нежную мелодию, а не смогла ничем помочь.
Ныжыл сем шыматалын вӱчка. Ныжыл сем… З. Дудина. Нежная мелодия ласкает. Нежная мелодия…
Ныжыл сем Юмын вӱд гай шыжа. З. Дудина. Нежная мелодия льётся как святая вода (букв. Божья вода).
Сар шӱшпык дечын ныжыл семым йодым. Г. Чемеков. У жёлтого соловья я просил нежную мелодию.
Ныжыл семым тодыштын, Тумо воктен шогышым. З. Дудина. Наигрывая нежную мелодию, стояла я возле дуба.
Вуй ӱмбалне Кава канде, Ныжыл сем ден йоҥгалтеш. З. Дудина. Над головою небо голубое нежной мелодией звучит.
Ала сар шӱшпык, ныжыл семжым луктын, Лӱҥгалтыш нойыде, кеч кас я эр. З. Ермакова. Быть может, соловей, найдя нежную мелодию, высвистывал её и вечером, и утром.
Лыжга мардеж тарватыш ныжыл семым. Н. Шабдаров. Тёплый ветер завёл нежную мелодию.
Кайык йӱк дене темше кожер Ныжыл семым луктеш муралтен. Т. Лапина. Ельник, наполненный пением птиц, заводит нежную песенную мелодию.
Чонемым эн ныжыл семеш шӱм шелмешке почнем. Г. Гадиатов. Душу свою хочу открыть нежной мелодией до разрыва сердца.
Да ныжыл сем помыжалта чашкерым, Мургайык кугыжанышын омсажым йыштак почын. Ю. Исаков. И нежная мелодия разбудит чащобу, тихо распахнув двери песенного царства.
Ныжыл сем ер ӱмбачын иеш. Ю. Исаков. Нежная мелодия над озером плывёт.
Йӱд пычкемыш пӧрт, вальсын ныжыл сем. Л. Иксанова. Ночной тёмный дом, нежная мелодия вальса.
Лай мардеж шымата куэ лызым, Рӱпшалта ныжыл семым шӱшкен. В. Колумб. Лёгкий ветер ласкает ветки берёзы, укачивает, высвистывая нежную мелодию.
Кызытат ала лышташ ден ныжыл семым Пӧртна воктеч эртет тый лӱҥгалтен? М. Емельянов. Быть может, и сейчас идёшь ты мимо нашего дома, высвистывая нежную мелодию листочком?
Марий ныжыл сем шулдыраҥын Ӧндале пеленже шӱмем. Мирон Васлий. Марийская нежная мелодия, окрылённая, прижала к себе моё сердце.
Шӱшпыкат чашкерлаште кастене Луктеш ныжыл марий семымак. Мирон Васлий. И соловей в чащобе по вечерам выводит нежную марийскую мелодию.
Тиде ныжыл семым тыланет мурем, Шӱм гыч лекше мутым тыланет ойлем. Н. Щербакова. Эту нежную песню я тебе пою, сердечные слова я тебе говорю.
Пеш ныжыл семым шуйдарен, Баяным ала-кӧ шоктен. Н. Щербакова. Выводя очень нежную мелодию, на баяне кто-то играл.
Шӱм-чон канен мура эн ныжыл семым. А. Зайникаев. Сердце, отдыхая, поёт самую нежную песню.
Эн ныжыл сем ден нералта урем. А. Васильев. Под самую нежную мелодию дремлет улица.
Тек ныжыл сем шӱмнам почеш. Л. Пальминова. Пусть нежная мелодия сердца наши откроет.
Шернур кундемын ныжыл семже, Шыҥенак, чонышко пура. С. Антропов. Нежная мелодия Сернурского края в самую душу вливается.
Муро йогын шуйна Клуб воктечын торашке: Я сӱан куштымаш, Я пайрем ныжыл сем. Ю. Русанов. Песня вдаль волнами разливается: то свадебный пляс, то нежная праздничная мелодия.
Ме куржына ош лум ӱмбач, А йырым-йырна ныжыл сем. Сем. Николаев. Мы бежим по белому снегу, а вокруг нас нежная музыка.
Шӱшка мардежлан шӱшпык ныжыл семым. Т. Соловьёва. Соловей для ветра высвистывает нежную мелодию.
Сылне шӱшпык муро чонышто ила. Тиде умыр водын але тымык йӱдым Кӧлан ныжыл семым тудо арала? Т. Петухов-Локама. Прекрасная песня соловья живёт в душе. Этим ласковым вечером или тихой ночью для кого она бережёт эту нежную мелодию?
Ныжыл сем ок йоҥгалт куэрлам шыматалын. В. Гордеева. Не звучит нежная музыка, лаская берёзовую рощу.
Колам йырваш моткочак ныжыл семым: Шӱм ден мландем мурат тыге келшен. В. Якимов. Слышу вокруг очень нежную музыку: моё сердце и земля моя поют так дружно.
Уке, шӱм-чонеш ныжыл семым от уро. З. Краснов. Нет, в душе нежную мелодию не зароешь.
Ласка марий шомакым, ныжыл шӱвыр семым Колам тыштат кастен. Г. Гадиатов. Ласковую марийскую речь, нежные мелодии волынки и здесь я слышу по вечерам.
Ныжыл, сай мурынам Мужыр ден муралтена. В. Абукаев-Эмгак. Нашу нежную, прекрасную песню поём мы вдвоём.
Шӱмын муро тугай: Ныжыл, поро да сай. В. Абукаев-Эмгак. Песня сердца такая: нежная, добрая, прекрасная.
Кумылем — ныжыл муро, Шӱшпык сем гай йоҥга. В. Егоров. Душа моя — песня нежная, звучит как песня соловья.
Тыштак шӱмем пояҥын ныжыл мурылан. В. Регеж-Горохов. Здесь же сердце моё обогатилось нежной песней.
Шӱм гыч лекше ныжыл муро — Пагытнажын йӱк аршаш. В. Регеж-Горохов. Нежная песня из сердца — нашего времени звонкий букет.
Колам мый ныжыл марий мурым. Чалай Васлий. Слышу я нежную марийскую песню.
Йоген муро, ныжылге, ямле, Уэмше ялнам саламлен. А. Иванова. Лилась песня задушевная, красивая, воспевая нашу обновлённую деревню.
Эше мынярым илыман? Я шӱшпык омо — ӱмырем? Я кӱчык ныжыл шӱм мурем? В. Егоров. Сколько ещё жить? Или мой век — лишь соловьиный сон? Иль коротка нежная мелодия моего сердца?
Угыч тольо мыйын мурыш Чинче гае мут аршаш. Шулдыраҥдыш юзо шӱлыш, Кычкыш ныжыл мур пашаш. Леон Рая. Снова вплелись в мою песню, словно блёсточки, венки слов. Окрылило волшебное дыхание, впрягло в работу над нежной песней.
Кондыза, шӱм порсын дене вӱдыл, Ныжыл мурым мыйын пӧртышкем. В. Регеж-Горохов. Приносите, в сердечный шёлк завернув, в дом мой нежную песню.
Тачат монден ом керт мый тудо ийым, Кодеш ялт ныжыл мурыла шӱмеш. В. Регеж-Горохов. И сегодня не могу я забыть тот год, останется он в сердце нежной песней.
Кеч-кушто оза — ныжыл муро, Пиал да кугу келшымаш. В. Регеж-Горохов. Везде хозяйка — нежная песня, счастье и великая дружба.
Тымык вел, садер да ныжыл муро. Ю. Исаков. Тихий край, сад и нежная песня.
Ныжыл-ныжыл муро Вальсышке ӱжеш. Ю. Исаков. Нежная-нежная песня приглашает на вальс.
Шӱлыкан да ойган лийын Калыкын муро. Но шӱм-чон гычын лекше, Эн ныжыл, яндар. Ю. Исаков. Грустной и печальной была народная песня. Но из самого сердца, самая нежная, чистая.
Лачак почмо клуб тура Ныжыл муро йоҥга ямлын. В. Регеж-Горохов. Прямо со стороны открытого клуба доносится нежная деревенская песня.
Кече дене модшо куэрлаште Мыйын ныжыл муремже йоҥгалтше. Ю. Рязанцев. В роще, что играет солнечным светом пусть звучит моя нежная песня.
Тек йоҥга куатлын ныжыл муро сем. Ю. Рязанцев. Пусть звучит звонко мелодия нежной песни.
Тек тиде ныжыл мурем Чон гычын чоныш кусна. Ю. Русанов. Пусть эта нежная песня моя из сердца в сердце звучит.
Ӱдырамаш — эн ныжыл муро, вальс! Р. Сунгурова. Женщина — самая нежная песня, вальс!
А ныжыл муро лиеш мыйын: «Ит керт монден… от керт монден…» Р. Сунгурова. А моя нежная песня будет: «Не сумей забыть… не сможешь забыть…»
Йӧраталмым чарнет гын, таҥем, Колышташ шонен у ныжыл мурым, Шӱшпыкигын шӱмжат кӱрылтеш, Мужыр йӱксӧ кодеш тулыкеш, Шинчавӱдым эр шошо луктеш. Т. Петухов. Если ты перестанешь любить, милая, желая слышать новую нежную песню, разорвётся даже сердце соловья, осиротеет пара лебедей, прослезится ранняя весна.
Шӧртньӧ шыже толмо годым Ныжыл мурыжат. Т. Петухов-Локама. Когда приходит золотая осень, и песня нежна.
Пиал дене таче шӱла кажне ял. Садлан йоҥгатан шергылтеш ныжыл муро. З. Краснов. Счастьем дышит сегодня каждая деревня. Потому звонко разносится нежная песня.
Марий кас — Ныжыл вальс. Г. Чемеков. Марийская вечёрка — нежный вальс.
Ныжыл вальс, шергылтен йоҥго залым, Мужыр-влакым вӱчкен куштыкта. В. Регеж-Горохов. Нежный вальс звучит в просторном зале, кружит пары, лаская.
Шошо южым тӱрла ныжыл вальс. В. Попов-Чэмэшэр. Весенний воздух расшивает нежный вальс.
Пар лепеньыла пӧрдына ныжыл вальсым. Р. Сунгурова. Как пара бабочек, кружимся в нежном вальсе.
Мыланем ныжыл вальс сем йоҥга. С. Григорьева. Для меня звучит мелодия нежного вальса.
Поро пӱртӱс йомакеш тыге йомын, Чот куанен, ныжыл вальсым кушта. З. Краснов. Природа добрая, так затерявшись в сказке, ликуя, танцует нежный вальс.
Кок шӱмнам ик ныжыл вальсыш Пӱрымаш кушташ луктеш. В. Гордеева. Два наших сердца на один нежный вальс судьба танцевать выводит.
Шулдыраҥдыш ӱдырым таче ныжыл вальс. А. Иванова. Окрылил сегодня девушку нежный вальс.
Ныжыл йӱкым — гармоньчын шкет семжым — Ӱжаран чевер тул шупшалеш. И. Попов. Нежный звук — одинокой гармони мелодию — целует красный свет зари.
Кушто гын улат тый кызыт, ойло! Омышто кеч ныжыл йӱкым пу. Э. Анисимов. Где же ты теперь, скажи! Хоть во сне свой нежный голос подай.
Ныжыл йӱкетым ом кол — Эрык уке. В. Регеж-Горохов. Нежный голос твой не слышу — свободы нет.
Шыма, шокшо кидет, Ныжыл-ныжыл йӱкет, Воктенем тый улат — мылам сай. С. Григорьева. Гладкие, тёплые руки, нежный-нежный твой голос, ты рядом со мной — мне хорошо.
Авай, йӱкетше ныжыл, поро, Чыла чыташ товатленат. Н. Иванова-Ильина. Мама, твой голос нежный, добрый, ты поклялась всё победить.
Уке, нимом мондаш ок лий: Моткочак поро шинчамат, Моткочак ныжыл йӱкымат. В. Регеж-Горохов. Нет, ничего нельзя забыть: и очень добрые глаза, и очень нежный голос.
Йоҥгалтеш ныжыл йӱк пеш тораш. Н. Иванова-Ильина. Раздаётся нежный голос очень далеко.
Кушто сай шомакет, Ныжыл, поро йӱкет? Н. Иванова-Ильина. Где твои хорошие слова, нежный, добрый голос твой?
Эй, герой-влак, лукса вальсын ныжыл вийжым, А куштен от керт гын, муро, чон пытен!.. М. Казаков. Эй, герои, выводите нежную силу вальса, а если не умеешь танцевать, пой от души!..
Могай тиде ныжыл шиялтыш Мылам шӱлык мурым шӱшкен? А. Александров-Арсак. Какая же нежная свирель мне эту грустную мелодию пропела?
А чонышто йоҥга лыжга да ныжыл Куан-йывыртымаш, кӱсле кылла. Сем. Николаев. А в душе звенит тихая и нежная радость-ликование, словно гусельная струна.
Шонет, ялт латкандаш ий пагыт рӱпшыш Висвисын ныжыл выжгымым колеш… В. Илларионов. Думаешь, именно волнение восемнадцатилетия слышит нежный шелест ромашек.
3. ласковый, приятный, ласкающий, задушевный.
Эрталше пагытын йомак Лиеш тылат тек ныжыл йӱд. А. Яковлева. Сказкой прошедшего времени пусть будет для тебя нежная ночь.
Ныжыл йӱдым, узьмак йӱдым, Икте ден мый эртарем. А чонемже — весын кӱдынь. В. Егоров. Нежную ночь, райскую ночь я провожу с одной, а душа моя — с другой.
Лачак шочмо вереш, Ныжыл йӱд помышеш, Ӱжара шулдыреш Сылне муро шочеш В. Изилянова. Только в родном краю, в объятиях нежной ночи, на крыльях зари рождается прекрасная песня.
Мый тендам вученам… Шоненам ныжыл йӱдым. Н. Щербакова. Я ждала вас… Думала нежной ночью.
Тиде ныжыл йӱдым Нигӧ ок нал мемнан дечын садак. З. Краснов. Эту нежную ночь всё равно никто у нас не отнимет.
Кок йӱд ыле ныжыл, мотор. С. Григорьева. Две ночи были нежные, прекрасные.
Волыш мландышке кас, ныжыл да умыр. З. Краснов. Спустился на землю вечер, нежный и тихий.
Толынат Шорыкйол жап йомак гыч Лач Лумӱдыр гай ныжыл кастен. С. Григорьева. Пришла ты из рождественской сказки, словно Снегурочка, нежным вечером.
Лач тыгаяк ныжыл шошо касын Эртышна, шарнет дыр, йыгыре. З. Ермакова. Как раз таким же нежным весенним вечером, ты помнишь, наверное, мы рядышком шли.
Тиде умыр, ныжыл шып кастене Кӧ гын мыйым мӧҥгӧ ужата? Н. Щербакова. Этим тихим, нежным вечером кто же меня проводит домой?
Йоҥго, йоҥго, весела мурем. Умыр касым, ныжыл поро касым Сӧрастаре куштымо сем ден. Н. Щербакова. Звени, звени, моя весёлая песня. Тихий вечер, нежный, добрый вечер укрась плясовой мелодией.
Марий тӱр муро гай чатката, Тушто ныжыл эр-влак да касат. С. Григорьева. Марийская вышивка стройная, как песня. Там нежное утро и вечер.
Моткочак ныжыл, ямле шыже кече! М. Казаков. Такой прекрасный, нежный осенний день!
Ныжыл май кечын Сеҥымашым вашлие, Куан шинчавӱд ден ташлалтын, элна. Мирон Васлий. Нежным майским днём Победу встретила переполненная слезами радости наша страна.
(Тумо) Кушкын, алым поген, Лывыргалын ныжыл мардежеш. П. Апакаев. (Дуб) Рос, набираясь сил, становясь гибким под нежным ветром.
Адак ныжыл мардеж, луктын чон ойго семым, Молан мыйын шӱмем утыр йӱлалта? Г. Чемеков. Отчего снова нежный ветер, заведя мелодию душевной тоски, мою душу обжигает?
Тый ныжыл шошым лектынат пасушко изи той пырчым мландышке ӱдаш. С. Эсаулова. Ты вышел в поле ласковою весною посеять маленькое бронзовое зерно.
Рвезе пагыт ныжыл, Волгыдо тулан, Муро гае ылыж, Йоҥго веселан. Г. Чемеков. Юная пора нежная, светлая, зажгись, словно песня, звучи весело.
О пӱртӱсын юзо вийже, О пӱртӱсын ныжыл вий, Ӱмырет кужуак лийже, Пеленем эреак лий! В. Регеж-Горохов. О волшебная сила природы, о нежная сила природы, пусть век твой будет долгим, всегда ты будь со мной!
Садланак шӱм-чонем шӱлык дене ила, Шарнымаш лач вӱчка, ныжыл вий дене темын. Г. Сабанцев. Оттого душа моя грустью живёт, лишь память её ласкает, полнясь нежной силой.
Тыйже ӱшане, эн ныжыл куаным Кондышыч, шӱлыкымак кораҥден. Т. Петухов-Локама. Ты поверь, самую нежную радость ты принесла, отведя грусть.
Шыже кече шкежат Ныжыл шӱлык ден темын. С. Эсаулова. Осенний день и сам полон нежной грусти.
Тӱняште, ала-кудо лукышто, Вучат чоным ныжыл вер-влак. В. Изилянова. На свете, в каком-то краю, ждут душу задушевные места.
Шӱмын рӱдыш шыҥа ныжыл тургым. Р. Сунгурова. В сердце (букв. в стержень сердца) проникает нежная страда.
Йӱлат каваште ятыр шӱдыр-влак, Но ок кой моло ныжыл тудын гайже. В. Камилянов. На небе сияет много звёзд, но нет средь них нежной, как она.
Илышет тек лиеш эре ныжыл пайрем гай, Пиалан да кужу тек лиеш ӱмырет. Л. Пальминова. Пусть твоя жизнь всегда будет как задушевный праздник, счастливым и долгим пусть будет твой век.
Чоным ныжыл тымык тамлын леведеш Да ӱжеш тыматлын тыйым йӧраташ. Ю. Рязанцев. Душу нежная тишина сладко окутывает и зовёт любить тебя ласково.
Ныжыл пиалым да поро куаным Мыйже тылат тыланем. А. Васильев. Нежное счастье и добрую радость я желаю тебе.
4. нежный, тонкий, не грубый.
Пеледалте вӱлше лум гай ош вынереш. Ныжыл тӱр. С. Эсаулова. На белом, как снег, полотне расцвела вышивка крестом. Нежный узор.
Сай саскан, емыжан Йымыжа ныжыл шыже Волгалталын тӱрлен кундемнам. Г. Сабанцев. С прекрасным урожаем, плодами, красивая, нежная осень, светясь, расшила наш край.
Шыже, волгалтын тыге, кажне ийын Ныжыл пӱртӱсыш да чоныш пура. Г. Сабанцев. Осень, сияя так, каждый год входит в нежную природу и душу.
Пиаланак лий тӱняште, Иле ныжыл суксыла. В. Регеж-Горохов. Будь счастлива на этом свете, живи, как нежный ангел.
Мӱндырч ужым — ыльыч ныжыл ойып, Лишыч шижым — пеш иман улат. А. Александров. Увидел издалека — была ты нежным отсветом, вблизи почувствовал — ты очень колюча.
Ты жап чеверласыме пагыт вел огыл, эше тудо — ныжыл куван кеҥежат. В. Дмитриев-Ози. Это время не только пора разлуки, ещё оно — нежное бабье лето.
5. нежный, приятный по очертанию, по внешнему виду.
Янда вошт ныжыл чуриян ӱдыр шыргыжалын онча. М. Казаков. Через стекло, улыбаясь, смотрит девушка с нежным лицом.
Кап-кылже нӧргӧ, ныжыл, шӱргывылыш ош яндар. А. Бик. Фигура у неё гибкая, нежная, лицо чистое, белое.
Ах, могае ныжыл, рвезе мланде тӱс! Ю. Рязанцев. Ах, какой нежный, молодой облик у земли!
Шӱшпык — пеш ныжылге-ныжылге кайык. Э. Анисимов. Соловей — очень нежная-нежная птица.
6. нежный, мягкий, гладкий, приятный на ощупь.
Йыгытем, кидем пеш ныжыл, нур пашаште коштырга. М. Большаков. Милый мой, руки мои очень нежные, загрубеют на полевой работе.
Кенета мардеж пеш ӱҥышын, пуйто ныжылге кид ден, ниялта Унайын ӱпшым. Осмин Йыван. Вдруг ветер очень тихо, будто нежною рукой, коснётся волос Унай.
Пыште кидеш виян ныжыл кидетым: Йӱд-кече мый тыйым чот вученам. М. Ризаева. Положи мне в руку твою сильную, нежную руку: днём и ночью я сильно тебя ждала.
Эн ямле саска — тыйын тӱрвӧ, эн ныжыл, шыма тыйын кид. Р. Сунгурова. Самый прекрасный цветок — твои губы, самые нежные, гладкие твои руки.
А ныжыл йӱр сӧрен шылташ ты чыным — Ниялтыш шӱргым. А. Яковлева. А нежный дождь, обещая скрыть эту правду, погладил по лицу.
Тый улат мыланем ныжыл йӱр. А. Сенькова. Ты для меня нежный дождь.
Йӱреш пешак ныжыл йӱр. С. Григорьева. Всё льёт нежный дождь.
Саламла тӱнӧ йӱр, тугай ныжыл, Тылана поро кечым тудат. С. Григорьева. Приветствует на улице дождь, такой нежный, и он желает доброго дня.
Эреак ныжыл йӱр да шокшо кече. В. Осипов-Ярча. Всё нежные дожди и жаркие дни.
Кава гыч ныжыл лум … Волен, мемнам йыр авыра. А. Иванова. Слетая с неба, нежный снег окружает нас.
Тек шоҥгемеш кидна, Садак эн ныжыл вийже Сита тӱняште порым, чыным шыматаш. А. Иванова. Пусть состарятся наши руки, всё же хватит их нежной силы, чтобы ласкать добро и правду.
Лектам мый уремыш кастене, Кандалге да ныжыл кава. З. Краснов. Выхожу я на улицу вечером, небо голубое, нежное.
Шала колтымо шем ӱп Ныжыл вачым петыра. Ю. Исаков. Распущенные чёрные волосы покрывают нежные плечи.
Висвис Олыкышто ныжыл тӱс: Волгыдо, лӱмжат — висвис. В. Крылов. В ромашковом лугу нежный цвет: светлый, и название — висвис.
Тый пу мыланем Ныжыл сиреньым Илыш пиал верч, Торъял. Г. Чемеков. Ты дай мне нежную сирень во имя счастья жизни, Торъял.
Йол йымалне ныжыл шудо Умыла мо мыйын чон кашем? З. Дудина. Под ногами нежная трава понимает ли мою душу?
Лач тыгаяк олыкышто, я кожлаште Шочын-кушшо ныжыл шудын пӱрымаш. В. Регеж-Горохов. Именно такая судьба у нежной травинки, растущей на лугу или в ельнике.
Эр эрдене кечыже Йолгыжын лектеш, Ныжыл ош пеледышым Эплын шупшалеш. В. Попов-Чэмэшэр. Ранним утром солнце, сияя, поднимается, ласково целует нежный, белый цветок.
Ныжыл ош пеледыш окнаштем пеледын. В. Регеж-Горохов. Нежный белый цветок расцвёл на моём окне.
Тамле вӱдлан лийын, ныжыл куэ тӱҥым Ала-кӧ товар ден сусыртен каен. В. Регеж-Горохов. Ради сладкого сока кто-то ствол нежной берёзы топором изранил.
Поро еҥлан ныжыл маке улам гын, Ир тушманлан ирпелчан мый лиям. В. Регеж-Горохов. Если для доброго человека я нежный мак, то для врага я буду чертополохом.
Ой, ныжыл ломбо — поро ӱдыр, Таҥем ужат гын, каласал: Йӧратенам лач тудым иктым. В. Регеж-Горохов. Ой, нежная черёмуха — добрая девушка, если увидишь мою подругу, скажи: любил я лишь её одну.
Ныжыл ломбо сӧрал. З. Краснов. Нежная черёмуха прекрасна.
Эргын шинчажым моткоч ныжыл мамык Порсын киза дене шып петыра… Сем. Николаев. Глаза мальчика очень нежный пух шёлковыми ручками тихо закрывает.
7. вежливый, учтивый, обходительный.
Мотор деч мотор уна ончаш Порсын деч ныжыл йылме кӱлеш. С. Чавайн. Замечательнейших гостей обхаживать нужен нежнее шёлка язык.
Марийын йылмыже тыматле, ныжыл. Шыҥалын шӱмыш тудо муро гай. Сем. Николаев. У мари язык мягкий, нежный. Проник он в сердце, словно песня.
Ушет пӱсӧ, йылмет ныжыл, еҥ кумылым савырен кертат. С. Чавайн. Ум твой острый, речь вежливая, можешь завоевать доверие людей.
8. нежный, хрупкий, слабый, требующий бережного отношения.
Да пуйто лыве Тарватыш ныжыл шулдырлам. А. Иванова. И будто бабочка взмахнула нежными крылами.
Шочмо йылме, пеледат, лият яндар. Вийым кечын лыҥ поген кушкат, волгалт. Кумылетын ныжыл шулдыреш мыят Йол ӱмбаке пеҥгыдын шогал кертам. З. Ермакова. Родной язык, ты расцветаешь, становишься чистым. День ото дня развиваешься, сияя. Нежные крылья твоей души и меня ставят на ноги прочно.
Куан шӱм-чонеш ныжыл шулдырым куштыш. В. Изилянова. Радость взрастила в сердце нежные крылья.
Мыйын кумыл — ныжыл шӱшпык. В. Егоров. Моя душа — нежный соловей.
Тачеш ныжыл ваче мыняре ийготым Нумалын. З. Ермакова. До сегодняшнего дня хрупкие плечи сколько лет вынесли.
Мыланна пӱралте ваш-ваш йӧраташ… Колышташ кавасе тымык шӱдыр мурым, Йӧраташ пеледше ныжыл мландынам. Ю. Рязанцев. Нам суждено любить друг друга… Слушать небесное, тихое пение звёзд, любить цветущую, хрупкую землю.
Кок тӱня ушыштем: яклака акрет годсо шаргӱ, Весе — ныжыл, чевер, волен вочшо олма… Ю. Рязанцев. Два мира в памяти моей: древний гладкий камушек, другой — нежное, красное упавшее яблоко.
Тыныс, у, ныжыл тӱням чоҥена. А. Сайпашева. Свободный, новый, нежный мир строим.
Тиде — телын первый ныжыл лумжо, Шошым шарныктен, Тоштым пӧртылтен. А. Иванова. Это — зимы первый нежный снег, напомнил о весне, вернул прошлое.
О сайте
Инструкция