Коми видчанкывъяс

1эгоис / эгоист

сӧмын асьсӧ радейтысь морт (КРК) Нина. Тэ, Кочев ёрт, эгоист! Ассьыд личнӧй выгодаястӧ тэ пуктан миян общӧй, государственнӧй интересъясысь вылӧджык! (И. Пыстин)

2эмбур шердйысь

немдумайттӧг сьӧм-эмбур лотысь Но энькаӧй мӧдіс вӧв повзьӧдлан сярган моз сяргыны: «Тётё-тё-тё-ё!.. Дась нянь сёйысьяс?.. Деньга таргайтысьяс! Эмбур шердйысьяс! Менам сьылі вылӧ вожасинныд да ислаланныд!» (В. Безносиков)

3эндӧм ныв

пӧрысь ныв, верӧс сайӧ петавтӧм ныв Марья. Тырмас тэд, зырымбедь. Епим (сы моз жӧ). А тэ — эндӧм ныв!.. (Н. Белых)

4эндӧс

уджсӧ эновтлысь, абу зіль морт / склонный откладывать дела, нерадивый, беззаботный (КРК)

5энлӧс

уджсӧ эновтлысь, абу зіль морт / склонный откладывать дела, нерадивый, беззаботный (КРК) Ме кӧ быттьӧ вӧлі энлӧс да дурк, эськӧ ті эн колӧй, а ме сӧстӧмлунтӧ ичӧтдырсянь радейта (В. Уляшева)

6эньдол

лет. пӧрысь ныв, эндӧм ныв (ССКЗД)

7эньлӧс

лл. уджсӧ эновтлыны радейтысь морт (ССКЗД, КСК)

8этш тӧдтӧм

1) асьсӧ вылӧ пуктысь, наян / чересчур высокомерный 2) не знающий меры (КРК) Со сылӧн донъялӧмыс: «Коми морт абу уна сёрниа, но мукӧд кывъя йӧзкӧд волысигӧн овлывлӧ ошйысьысь да этш тӧдтӧмӧн (А. Попов) Вӧрса мастернад уджалігӧн кывзысьтӧмъясыд да этш тӧдтӧмъясыд, эз-эз да и лолісны (В. Лодыгин)

9этшъясьысь

диал. нямӧд, вӧлятӧм, падъялысь морт / колеблющийся, нерешительный, неуверенный (КРК)