Комиа-роча ботаника кывкуд

1тшак

¹ гриб, шляпочный гриб Ме ӧні кытшовті веретяяс — эз-ӧ, мися, тшак нин заводит петны... И гоб пыдди важ видз вылысь аддзи косьмӧм пур... И. Торопов, Тіянлы водзӧ овны. кп. тшак, удм. губи ² древесный гриб, видз. пу тшак А вӧр мастер – – – вӧлі быттьӧ тӧдӧ-кылӧ быд ловъя пулысь олӧм-туӧмсӧ. Дзоньвидзалунсӧ и быд висьӧмсӧ. Кырсьсӧ лӧсыштас сулалысь пожӧмыслысь да чер тышнас тотшкас, и шы сертиыс тӧдмалӧ, абу-ӧ кӧнкӧ тшак петӧма – – –. И. Торопов, Вошӧм гортӧ мунан туйыс. ³ гнилостный грибок Эновтӧм трактор доддьыс век на тыдаліс шор сьӧртсьыс, леторос да гум сайӧдсьыс: ройкмунӧма нин эськӧ, посни тшакӧн вевттьысьӧма, а тӧдысь мортыдлы лючки на казьтылӧ, кутшӧмӧн вӧвлӧма. Г. Юшков, Рӧдвуж пас.

2тшака места

грибное место. видз. тшак быдманін — А ми вотчыны радейтам, — кайтыштіс Лариса. — Татӧні гӧгӧр тшака да вотӧса местаяс. В. Напалков, Ме тэнӧ радейта. кп. тшака места, удм. губиё инты

3тшак быдманін

грибное место, видз. тшака места Зэрис тусьӧн-тусьӧн, поводдяыс быттьӧ виччысис, кор мунысьяс воӧдчасны лэбулӧдз. Сэки и позяс сявкнитны лышкыдджыка. Паныд кутісны воны ӧнтая тшак быдманінъяс да пув дзуяс. В. Тимин, Эжва Перымса зонка.

4тшак вуж

грибница

5тшак кок

ножка гриба, видз. тшак под

6тшак пинь

грибная пластинка кп. тшак пинь

7тшак под

ножка гриба, видз. тшак кок кп. тшак под, удм. губи пыд

8тшак юр

шляпка гриба Туй шуйгаладорын сярвидзӧны гырысь-гырысь пожӧмъяс, сись кодь веськыдӧсь, увтӧмӧсь, сӧмын йыланыс, быттьӧ ыджыд тшак юр, лыска лапъяс. К. Туркин, Том вӧралысьяс. кп. тшак юр, удм. губи йыр

9тшӧг бурысь

тучная заросль Нёль-ӧ-вит град вылын тшӧг бурысьясӧн вежӧдӧ озйыс, кодлӧн быд гӧгрӧс кор быттьӧ посни пила этшӧн лэчыда дорӧсавлӧма-вундавлӧма – – –. И. Торопов, Вошӧм гортӧ мунан туйыс.

10тшӧкыда турунзьӧм

густой травостой

11тшӧкыд бурысь

густая заросль, видз. сук бурысь Керч либӧ ляк кыдз – – –, тундраса уна вожа ичӧтик пу. Судтаыс метраысь джуджыд оз овлы. Быдмӧ ӧткӧн и тшӧкыд бурысьясӧн. Посньыдик гӧгрӧс коръяса, сюмӧдыс руд либӧ гӧрдовруд. А. Ракин, Кыдз пу.

12тшӧкыд вӧр

чаща, густой лес, видз. сук вӧр Кӧть кыдз чайтасны, а татӧні сэтшӧм тӧвнырсӧ кыпӧдам ми — бригадиръяс. Вӧрыс тшӧкыд. Мукӧддырйи ватагаӧн ӧтпырйӧ пӧрӧны. Тырлас дзикӧдз. Е. Шахов, Вӧрын. кп. тшӧк вӧр, удм. ӵем нюлэс, варсэм

13тшӧкыд козъя вӧр

густой еловый лес Тикӧ сувтлытӧг вуджис тшӧкыд козъя вӧр, писькӧдчис, сутшкасьысь коз лапъяссӧ вешталӧмӧн, сэсся пырис сись кодь шыльыд пожӧмъяса джуджыд ягӧ. В. Тимин, Эжва Перымса зонка.

14тшӧкыд козъяин

густой ельник, видз. мутшкӧс козъя вӧр, сук козъя вӧр И сійӧ синйис, видзӧдіс лызь туй дорсьыс посни, тшӧкыд козъяин. Но кор мыйкӧ ёна колӧ, оз сюр сійӧ: туйыс век на нуӧдіс восьса, гежӧд пуяса пожӧма яг вывті. А. Парначев, Наян.

15тшӧкыд тіль

густой хвойный лес — Ог тӧд, зэв-ӧ ӧдйӧ лои вотчӧмӧй. Тшӧкыд тілльӧ воӧм мысьт вель ылысь на лыйӧм шы кывліс. Сы бӧрын сэсся ассьым мунӧмӧс эг нин тӧдлы. Дӧрӧмъясӧй тай быдӧн резювъясас косясьлӧма-а, яйӧй вирӧдз гирйысьӧма. Е. Шахов, Вӧрын.

16тшӧтшкӧс нюр

низинное болото, видз. увтас нюр

17тшӧтшкӧс тундра

равнинная тундра

18тшӧтшкӧс юр (кос путниклӧн)

плоская шляпка

19тшӧтшыд кор

тупой лист

20тшӧтшыд лыс (ньыв пулӧн)

тупая хвоя удм. мырк лыс

21тшукинтшак

сморчок настоящий, видз. сморчки, чукинтшак Квайт тӧлысь кежлӧ мӧдӧдіс [Руч Ӧльӧш] Палашӧс. Тюрьмаӧ ветлігкості кык ичӧтджык писӧ гуалӧмаӧсь: отравитчӧмаӧсь тшукинтшакӧн, кодъяслӧн чукырӧсь шляпаясыс тулысын медводз мыччысьӧны том пожӧма ягын. В. Торопов, Дзоль Вань да Флот Иван.