Комиа-роча ботаника кывкуд

1лобоз турун

лабазник вязолистный, видз. дука турун, лобозь, рамза, тӧзь Лыско мелькайтіс нёдздӧм лобоз турун пӧвстті, чеччаліс вутшкысь вутшкӧ, вошласис пӧрӧм пуяс улын. В. Юхнин, Алӧй лента.

2лобозь

шсык. лабазник вязолистный, видз. лобоз турун, тӧзь кп. лобозь

3ловгӧн

опушение, видз. быдмӧг выв гӧн Мед бурджыка тӧдмавны чӧскыдыслысь кӧрсӧ, ме вӧлі кабыр тыр ӧкта ӧдва нин ошйысь, би кинь кодь гӧрд, муртса тӧдчысь ловгӧна небыдик тусьяссӧ [ӧмидзыслысь] – – –. И. Торопов, Тіянлы водзӧ овны.

4ловзьӧм

приживаемость, видз. босьтчӧм – – – быд гожӧм коньӧрӧс [кыдз пуӧс] талялӧны мӧскыс и йӧзыс, ветлысь-мунысьыс, а сійӧ бара на ловзьӧдчӧ да вож лэдзӧ, бадь моз паськӧдчӧ, и ӧти вож буриндзи кыз нин – – –. Г. Юшков, Рӧдвуж пас.

5ловзьыны

прижиться, видз. босьтчыны, вужъясьны А Федя пуксис – – – лабич вылӧ да мӧвпыштіс: «Кор папӧкӧд бабӧ ӧшинь улӧ садитам ниа пусӧ, кутас сійӧ пукавны тайӧ лабич вылас да видзӧдны ичӧтик пу вылас, кыдзи сійӧ ловзьӧ да быдмӧ – – –». В. Иванова, Керка-пӧль. кп. ловзьыны, удм. улзыны

6ловпу

ольха, видз. сӧспу Козъяинад ветлысь-мунысьыдлы шуштӧм, а кор чукыль сайысь быйкнитас-мыччысяс киссьытӧм коръя на кольквиж кыдз либӧ гӧрд юр чука ловпу, сьӧлӧмныс ыркмунлӧ мичлуннас. Е. Козлова, Гӧгыля-вугыля. кп. ловпу, удм. лулпу

7ловпуаин

ольховник Эстӧнджык кывтыдас ловпуаин шевкнитчӧма вель паськыда. Медводдза пужйӧн чишкалӧм турун пӧвстті вӧр керкалань кайис синлы муртса тӧдчыштан вӧр туй. Г. Федоров, Сиктса асыв. кп. ловпуаин

8ловпуа сьӧрт

ольховая речная долина Чомкостыс эз на и коль, векняліс да помасис пожӧма вӧрыс, козъя визьӧбӧ туйыс кежӧдіс да регыд мысти и вайӧдіс Эжва дорас, лэччӧдіс ловпуа да пӧрысь баддя сьӧрт вылас. Г. Юшков, Бива.

9ловпу вож

ольховая ветка Панюков чегис сэк ловпу вож да сайӧдыштіс вотӧсаинсӧ, мед лэбач оз кокав ни морт оз аддзы. Г. Юшков, Чӧскыд вотӧс — сьӧлаоз. кп. ловпу вож, удм. лулпу вай

10ловпу гар

ольховая почка Виччысьӧмӧн пемдытӧдз тапъяліс-ветліс [Мурзик] пуяс увті, нуръясянтор сідзи эз и сюр. Посни лэбач котыр эськӧ пыллисны ловпу гар, но пу йылысь найӧс он босьт. В. Торопов, Мурзик воис бӧр. кп. ловпу гар, удм. лулпу пучы

11ловпу исерга

ольховая серёжка кп. ловпу гар, удм. лулпу гуры

12ловпу кор

ольховый лист Ӧти ловпу кор шедіс тӧвру нырӧ да качис сылӧн ён бордъяс вылын вылӧ-вылӧ. Е. Габова, Антон, гӧрд пон да сюсь нывкаяс. кп. ловпу лист, удм. лулпу куар

13ловпу куст

ольховый куст Тайӧ местаӧдзыс, тыдалӧ, керавлӧмны летороссӧ. Тӧдчисны джынвыйӧ сісьмӧм важ чукӧръяс, а водзӧ стенӧн сулалісны бадь, пипу, кыдз да ловпу кустъяс. В. Торопов, Тулыссянь арӧдз. кп. ловпу куст, удм. лулпу куак

14ловпу кырсь

ольховая кора Шегйыс пӧльлӧн уна, ичӧтик мешӧк тыр. Ставсӧ тайӧс сійӧ волӧма томдырйиыс на – – –. Ӧтиясӧс на пӧвстысь краситӧма лук килльӧн, мӧдъясӧс — кӧчвӧнь турунӧн, коймӧдъясӧс — ловпу кырсьӧн. В. Юхнин, Алӧй лента. кп. ловпу кора, удм. лулпу сул

15ловпу рас

ольховник Туй вылӧ петӧм бӧрын лэччылісны шор дорӧ, видзӧдалісны гӧгӧр. Шор бокас быдмисны бадьяс да некымын коз пу, водзынджык заводитчис ловпу рас. Е. Козлова, Векньыдик ордым. кп. ловпу рас, удм. лулпу арама

16ловъя вуж

живой корень Бужӧд пӧлӧныс водзӧ катігӧн Бияр нёджъяліс, кытчӧ эськӧ сувтлыны, кытысь вермас сюрны уль пожӧм вужйыс. Косыс тырыс везъяліс – – –, а ловъяыс гежӧд усьліс син улас. На вӧсна ӧд он кавшасьлы сы вылнаас. Медтӧ эськӧ кыськӧ чукӧраджык веськаліс ловъя вужйыс. Г. Юшков, Бива. кп. ловъя вуж, удм. улэп выжы

17ловъя дзоридзьяс

живые цветы Гортӧ бӧр воӧм бӧрын град йӧрысь петӧ мамыс, чышкалӧ кияссӧ водздӧраас, матыстчӧ батя-ныла дінӧ. И Надя уськӧдчӧ мамыслы воча, мыччӧ сылы ловъя дзоридзьяссӧ... В. Напалков, Олӧны-вылӧны Вапӧлын. кп. ловъя дзоридззез, удм. улэп сяськаос

18ловъя потшӧс

живая изгородь – – – и Сергей Иванович, уна лыда ветлысь-гуляйтысьясысь яндысьтӧг, бара на копыртчыліс пув коръяса кодь ловъя потшӧс весьтӧ да некыдз эз вермы пӧтны исалӧм-лолалӧмсьыс. И. Торопов, Юль. удм. вож кенер

19лолапель нитш

нефрома арктическая

20лолӧд

свилеватый Оз, мӧдлаӧ оз и пуксьы, шуис аслыс Бияр да лӧсыштіс на маті пожӧмӧ, эрдӧдіс кырсь увсӧ видзӧдлӧм могысь. Ньӧти лолӧдтӧм да литӧм, гыжйыштнытӧ он вермы, сэтшӧм топыд вӧлі пучерыс – – –. Г. Юшков, Бива.

21лопдой турун

аконит, видз. лӧз тӧзь удм. гондыргумы

22лос

сырая низина, сырой кочковатый луг – – – но ӧтчыд веськавліс жӧ нелючкиӧ. Лос ытшкигӧн. Вылыс помыс сылӧн эз вӧв сэтшӧм вутшкӧсь, лудіктурун кызвыныс сэні быдмис. Г. Юшков, Вилядь сиктса ань.