шемшыдаҥ
гречиха.
Шемшыдаҥат мӱйла ӱпша, туштат мӱкш ызга. С. Чавайн. И гречиха пахнет мёдом, и там жужжат пчёлы.
Шемшыдаҥ аҥа чевер ылчыкан ош вынерла коеш. С. Чавайн. Гречишное поле кажется белым холстом с малиново-красноватым отливом.
Шемшыдаҥ пеледеш, пуйто пасу пор вӱдла шоҥештеш. Г. Иванов. Цветёт гречиха, будто поле пенится, как меловая вода.
Чучеш тутло маке нӧшман кинде семын, шемшыдаҥ мӱйым шӱрымӧ эгерчыла, — кава ышта пуйто пайремым. В. Колумб. Кажется вкусный мак хлебом с конопляным семенем, гречиха словно смазанная мёдом лепёшка, — небо будто справляет праздник.
Шоҥ леведын шемшыдаҥ пасужым, лач оръеҥ гай таче, товатат. «Ончыко». Кипень покрыла гречишное поле, в самом деле, совсем как невеста сегодня.
О сайте
Инструкция