тусь
¹ зерно
А, мӧдарӧ кӧ шуны, бур вылӧ жӧ и лосьӧма. Зэв бура рӧдмис миянын выль сюыд. Вит шеп и вӧлі чиръян, да пӧшти ки тырыд чукӧрмӧ тусьыс. Г. Юшков, Вилядь сиктса ань.
кп. тусь, удм. тысь
² семя, видз. кӧйдыс
Кӧйдыссӧ косьтыштӧй бумага вылын час да бара лэдзӧй ваӧ. Коді лыбас веркӧсас, сійӧс шыбитӧй — оз чуж либӧ быдмӧгыс лоӧ жеб. Вӧйӧмасьыс чужас быд тусь, сетас бур урожай. Ӧдйӧ воысь ӧгурцы, «Войвыв кодзув».
удм. тысь
³ плод, видз. моль
И руӧн мыськӧм быд тусь чим сьӧда да мавтӧма кодь дзирыда югъяліс ӧні нин русьыс мездмыны пондӧм сӧдз енэж весьтын. И. Торопов, Вошӧм гортӧ мунан туйыс.
⁴ ягода, видз. вотӧс
Первой тшӧктіс [Вась Педӧр] вотны чегӧм вож вывсьыс став льӧм тусьсӧ, сэсся сійӧн жӧ некымынысь пӧвсыштіс бокъясас [Митрейлы]. Эз на пырысь лэдз дай. Вель дыр велӧдіс, мый оз позь тусь вӧсна чегъявны дзонь вожъяс... И. Тарабукин, Палялӧм.
⁵ орех
А, майбыр, артмӧма таво сус колльыс, гаг абу сёйӧма ни аслас сирсьыс абу пӧдӧма – – –; тусьясыс чунь пом гырсяӧсь да сылаӧсь, вый чир быттьӧ кыв вылад веськавлӧ, кышсӧ поткӧдан да. Г. Юшков, Чугра.
О сайте
Инструкция