Комиа-роча ботаника кывкуд

201сэтӧр моль

плоды смородины Зэрӧм бӧрас ывлаыс ещӧ на ловзис, мичаммис. Сэтӧр кустъяс небыдика вӧрӧшитчисны. Таво мичаа дзоридзалісны, буретш ӧні дзоридзьясыс гартчӧны сэтӧр молльӧ. Л. Мартюшева, Венчайтчан чунькытш. удм. сутэр мульы

202сэтӧр пу

куст смородины удм. сутэрпу

203сэтӧр тусь

ягода смородины Мишка пуксис кыр дорӧ, сьӧд сэтӧр куст бокӧ – – –. Вомас сюйис некымын сэтӧр тусь, кодъяс ӧтиӧн-ӧтиӧн ӧшалӧны на – – –. В. Юхнин, Алӧй лента. кп. сэтӧр тусь

204сэтӧр чаль

ветка смородины, видз. сэтӧр вож Тайӧ кошӧвасьыс миян дінӧ – – – перыдакодь петіс шӧркодь тушаа, восьса кизя кузь ыж ку пася зумыд тэчаса мужичӧй. Ми чукӧстім сійӧс пажнайтны миянкӧд ӧтлаын, юыштны сэтӧр чалльӧн пӧжӧм чай. И. Торопов, Ме верма, батьӧ!!

205сю

рожь посевная, видз. рудзӧг – – – кольӧм гожӧм батьыс ки тырӧн – ки тырӧн кояліс сюсӧ пӧим пиас, сотчӧм куш муӧ, Педьӧ Серкоӧс доддялӧмӧн гирсйис-небзьӧдіс сійӧс коз пу вужляӧн пуяс костӧдыс кытшлалӧмӧн, а талун со тшем вежӧдӧ. Б. Шахов, Гӧрд дзоридзьяса сьӧд шаль.

206сю идз

соломина ржи — Видзӧд, кыдзи ме вӧча. — Меным киам чарла сетіс [мам]. — Асланыд кыскигмоз и вунды, а шуйга кинад сю идзьяссӧ крепыда кут да водзлань моз йӧткы. Ю. Васютов, Шондіа вой. кп. рудзӧг идз

207сю идзас

ржаная солома, видз. рудзӧг идзас

208сю му

ржаное поле Дзик та вӧсна сю му вылӧ петавліс [Ардальон] ӧтчыд вӧрсьыс, шепта нин тыдаліс сюыс да. Но тыртӧмӧсь на вӧліны шепъясыс, курзьӧдан виж йӧввааӧсь. Г. Юшков, Чугра.

209сю ӧзим

рожь озимая, видз. рудзӧг ӧзим Чорыд чорасӧ пӧри туй вылын няйт. Лӧзӧдмӧныс чураліс-кынмис сю ӧзим ыб чурк йылын. Пемдіс чужӧмыс лыска вӧр пулӧн. Тима Вень. Тӧлӧ.

210сю тусь

ржаное зерно, видз. рудзӧг тусь Бабӧ лысьтӧма мӧс, кылтын, кылӧ, сысъялӧ йӧвсӧ гырничьясӧ да горӧдлӧ миянлы: — Энӧ бара-й вильшасьӧ, куйлӧй лӧня, сю тусь мед эз вӧв уськӧдӧма-койӧма! Н. Куратова, Менам дона сикӧтш-ожерельеӧй.

211сю шеп

ржаной колос Ме куйла кольтаяс вылын, ки костын чиръя-зырала сю шепъяссӧ, пӧльышта йикисӧ да небыд тусьяссӧ апышта вом тыр. Чӧскыд и пӧтӧс. В. Афанасьев, Рыныш дорын.

212сюв

кострика — Кута терпитны! — Мый терпитны? — Сюв ёгсӧ! — ниртыштіс Елиса чужӧмсӧ да муныштіс гупльӧк гӧгӧрыс, лэччис восьса ва бердас. Г. Юшков, Рӧдвуж пас. кп. сюв, удм. пыши

213сюмӧд

берёста Кайисны весьтас важ керасӧ, кӧні югыд да быдӧн ас шодйӧн быдмис кыдз пуыс, и пӧрӧдісны ӧтиӧс, веж петана еджыд да килльысьтӧм зэлыд сюмӧдаӧс – – –. Г. Юшков, Рӧдвуж пас. кп. сюмӧд, удм. туй