Комиа-роча ботаника кывкуд

1ананас

ананас кп. ананас, удм. ананас

2анис

анис Юӧны кӧйдыссӧ [анналысь] ваын пӧжӧмӧн. Отсалӧ сідзжӧ кынӧмын газъяс чукӧрмигӧн, ӧдӧмъясысь. Висер Вась, Биа висьӧмысь бурдӧдчан турунъяс. кп. анис, удм. бадьянсяська, калямпер

3аннасин

анютины глазки, фиалка трёхцветная Стӧкан джын кослунъя выйӧ кисьтӧны чайнӧй пань ланолин. Сорассӧ шонтӧны пӧсь ру вылын да гудралӧны сэтчӧ чайнӧй пань тыр посньӧдӧм катшасинъяс, сы мында жӧ петшӧр, пань тыр нырӧм кыдз пу кор, ӧти пань аннасин – – –. Мича юрси, «Войвыв кодзув». кп. аканьсин, удм. кыйсин, папасин, синсяська

4антоновка

антоновка — Сэні [колхоз йӧрас] и видзанторйыс немтор нин абу кольӧма, — оз лэччысь Саньӧ. — Антоновкаыс ӧтка-ӧтка пуясӧ и кольыштӧма. П. Столповский, Уклад рӧма туй.

5анькытш

¹ вика, горох посевной, видз. вика А Шишкунов ӧддзис, сійӧ эз вермы не гаравны странаса видз-му овмӧсын гырысь вежсьӧмъяс йылысь. — Зӧр да ид пыдди кутам кӧдзны анькытш, кормӧвӧй капуста, кукуруза-королеваӧс. В. Безносиков, Жар гожӧм. кп. анькытш, удм. кӧжы ² горошина, видз. анькытш тусь Ныв шӧйӧвошліс, гӧрддзасьліс горшыс, быттьӧ тасасис сэтчӧ ыджыд из, сэсся вом тырнас нюмъёвтіс — пиньясыс вӧліны пуртӧсын анькытш кодь мичаӧсь да шыльыдӧсь – – –. В. Напалков, Эзысь перна.

6анькытш гӧридз

гороховина, видз. анькытш за, гӧридз Нимкодя варовитӧны [начкысьысьяс] ас костаныс. — Госа порсь кодь тай [бычӧыс], — нимкодясьӧ Ёгор, ачыс сӧмын шарскӧ-кульӧ пемӧслысь кучиксӧ. — Госсялас, дерт, ӧтрубнад вердігӧн. — Улыс йӧлӧн пӧ юкталӧны и... — Юмов анькытш гӧридз нярскӧны-сёйӧны – – –. В. Безносиков, Сорсисны. кп. анькытш гӧридз, удм. кӧжыпу

7анькытш за

гороховина, гороховая плеть, видз. гӧридз

8анькытшкор турун

ясколка даурская удм. сюро будос

9анькытшлӧн каттьысян сіяс

усики гороха удм. кӧжылэн мыйыкез

10анькытш му

гороховое поле Но сійӧ воӧ матігӧгӧрса муяс вылысь зӧр сора анькытш идралісны ӧдйӧ, нюжмасьтӧг. Таысь, дерт, миянлы, посни войтырлы, ёна нимкодь эз вӧв. Анькытш муяс вылад гожӧмбыд собавлім да. А. Ульянов, Изъя чой — менам дой. кп. анькытш ыб

11анькытш пуртӧс

гороховый стручок Шӧр спас (август 14 лун) шусьыліс анькытш сёян лунӧн. Тайӧ лунӧдзыс некод абу нетшыштлӧма некутшӧм град выв пуктас ни анькытш пуртӧс. Н. Куратова, Быд гажӧдчӧм — лӧсялана кадӧ. кп. анькытш пуртӧс, удм. кӧжы пуртэс

12анькытш сора зӧр

овсяно-гороховая смесь А дзик на неважӧн ты весьтӧд, ӧта-мӧд вежмӧныс горзігтыр, лэбисны дзодзӧгъяс. Питирим шуис: буракӧ пӧ, лэбзьылӧмаӧсь сиктбердса му вылӧ анькытш сора зӧр кокавны. И. Торопов, Арся сьыланкыв.

13анькытш тусь

горошина И пуртӧсын веж анькытш тусь кодь вазільмыштӧм синъясыс [Анфисалӧн] югнитлісны Семенлань. В. Напалков, Кӧні тэ, мус ёкмыльӧй?! кп. анькытш тусь, удм. кӧжы

14аньпель

рыжик, видз. рыжик Но пырис [Бияр] пыді вежӧсас да нинӧм эз шу, юрсӧ эз копыртлы ни. Дерт, парскис таысь ӧксыыслы, да быдӧн бӧрыньтчыштіс сійӧ, а беринӧсь чужӧмыс нӧшта на гӧрдӧдіс да аньпель рӧма лои. Г. Юшков, Бива.

15аньюр турун

одуванчик лекарственный, видз. вижъюр, пӧлялан турун Аньюр туруна да бӧньдюга видз вылӧ колис кӧбыла кок туй. Уна туйвеж да уна чукыль на виччысьӧны олӧмас Родионӧс. В. Напалков, Эзысь перна. удм. тулыспотӥсь