Словарь эпитетов марийского языка

юарлыше

1. перен. ликующий.
    Ӱдыр кумыл — юарлыше! В. Дмитриев-Ози. Настроение у девушки — ликующее!
    Лыжгалык, порылык да йӧратымаш теҥызыште — Юарлыше кумыл дене йӱштылына. В. Колумб. В море нежности, доброты и любви — ликующими душами купаемся.
    Пӧлек семын у шошо пиалым темла, Вет тиде юарлыше кумыл. Л. Иксанова. Как дар, новая весна преподносит счастье, ведь это ликующая душа.
    Мый да таҥем — илыш мардежыште юарлыше мужыр. В. Колумб. Я и моя подруга — пара, ликующая на ветру жизни.
    Эше мыланем келша шыже, Юарлыше шыже, шӧртнян, киндан. В. Колумб. Ещё мне нравится осень, ликующая осень, с золотом, с хлебом.
    Шӱм юарлыше тугае, — Курж я ошкыл иканаште. З. Дудина. Сердце ликующее такое — беги или шагай одновременно.
2. прил. игривый, шумливый, резвый.
    Шочмо кундемышкем пӧртылам гын, Юарлыше йочашке савырнем. В. Колумб. Когда возвращаюсь в родные края, превращаюсь в резвого ребёнка.
    Пакча шеҥгелсе шкет лӱҥгалтыш кечылтеш, Шарнен ила юарлыше йочажым. В. Гордеева. За огородом висят в одиночестве качели, вспоминая резвого ребёнка.
    Ме, мӱкшиге тӱшка, кугурак рвезе-влак укеште, ял уремлан юарлыше мурызышко савырненна. Сем. Николаев. Мы, детвора (букв. пчелиный рой), в отсутствии старших ребят, превратились в шумливых певцов деревенской улицы.
    Толын лекте юарлыше калык. Ир тайга помыжалт кынелеш. А. Селин. Прибыл резвый народ. Пробуждается дикая тайга.
    Тиде юарлыше рвезе Пӧрдын-пӧрдеш ончылнем. З. Дудина. Этот резвый мальчишка вертится и вертится передо мной.
    Юарлыше памаш-эҥерышке Изи эҥер ушна. В. Осипов-Ярча. К игривому ключу-роднику присоединяется речка.