умыр
тёплый и тихий.
Эх, йолташем, шарнет, уке, Кеҥеж умыр касетым? МКМ. Эх, дружок мой, помнишь ли летний тихий вечер?
Умыр касым шергылтарен, Ший гармоньым кӧ шокта? МКМ. Оглашая тихий вечер, на серебряной гармони кто играет?
Умыр мардеж пуале. Умыр мардеж пуалмеке, Умыр пылет кӱзале. Умыр пылже кӱзымеке, Умыр йӱржӧ йӱрале. Умыр йӱржӧ йӱрмеке, Мландын шерже темале. МКМ. Тёплый ветерок подул. Когда тёплый ветерок подул, тёплое облако поднялось. Когда поднялось тёплое облако, полил тёплый дождь. Когда полил тёплый дождь, земля утолила жажду.
Авалтен умыр касше чонемым. Л. Семёнова. Тихий вечер заполнил мою душу.
Айста умыр кастен Кумылнам почына. Т. Петухов-Локама. Давайте тихим вечером откроем свои души.
Волыш умыр кас. Нера отар. А. Букетов-Сайн. Опустился тихий вечер. Дремлет пасека.
Леведеш умыр кас чевер кечым. Ю. Рязанцев. Укрывает тихий вечер красное солнце.
Умыр шып кастене Вияш корно дене Ошкылам мый шкетын Тӱрлым шонкален. Н. Щербакова. Тёплым, тихим вечером по прямой дороге шагаю я одна, думая о многом.
Мардеж, умыр касым рӱпшен, лойгыкта. Сем. Николаев. Ветер, убаюкивая тихий вечер, колышется.
Юж яндар. Моткочак умыр кас. М. Казаков. Воздух чист. Настолько тихий вечер.
Тиде умыр кастене улам пиалан: Воктенет ошкылам вашкыде, тӧр тошкалын. В. Попов-Чэмэшэр. Этим тихим вечером я счастлив: рядом с тобой шагаю в ногу не спеша.
Тиде умыр, ныжыл шып кастене Кӧ гын мыйым мӧҥгӧ ужата? Н. Щербакова. Этим тихим, нежным вечером кто же меня проводит домой?
Но мӱндырнӧ Тудо умыр кас, Канде шинчан ӱдыр ден Водын вашлиймаш. Сем. Николаев. Но далёк тот тихий вечер, вечернее свидание с голубоглазой девушкой.
Тый — умыр кас ден тымык-тымык эр. Ю. Рязанцев. Ты — тёплый вечер и тихое-тихое утро.
Ыле шыже — йӧршын порсын, Ыле умыр, тымык кас. В. Рожкин. Была осень — точь-в точь шёлк, был тёплый, тихий вечер.
Умыр кас тӱням Ӧндалын. П. Апакаев. Тихим вечером объят мир.
Шарнет мо тый вашлийме умыр касым? С. Антропов. Помнишь ли ты тихий вечер свидания?
Ял шеҥгек вашлияш умыр касым Погына рвезе калык уэш. И. Попов. За деревню встречать тихий вечер молодёжь собирается вновь.
Лым лийде мокталыт кайык-влак Умыр касым, эр юалгым. М. Казаков. Неустанно восхваляют птицы тихий вечер, утреннюю свежесть.
Ласкалык йомо умыр касын, Чон, вургыж, тыйым вел шона. Н. Щербакова. Покой утрачен тихим вечером, душа, волнуясь, лишь о тебе мечтает.
Йырым-йыр умыр кас, ямле поро кас… Сем. Николаев. Вокруг тихий вечер, прекрасный, добрый вечер…
А вет лийын касше умыр, сылне шӱшпыкат мурен. Т. Соловьёва. А ведь был вечер тихим, и соловей прекрасный распевал.
Чеверта ломберым кеҥеж умыр кас. А. Александров. Летний тихий вечер украшает черёмушник.
А вара ушем дене Шып шонен пыштенам тиде шӱдыр коркам Тайныкташ кеҥеж умыр кастене. В. Попов-Чэмэшэр. А потом я задумал втайне этот звёздный ковш наклонить летним тихим вечером.
Волыш мландышке кас, ныжыл да умыр, Вальсыш куанен лектына. З. Краснов. Опустился на землю вечер, нежный и тихий, на вальс мы вышли с радостью.
Умыр кас. Пеледме жап. В. Изилянова. Тихий вечер. Цветения пора.
Чарне мужедметым Умыр кас велеш: Чондымо пеледыш Ондален кертеш. В. Регеж-Горохов. Перестань гадать тихим вечером: бездушный цветок может обмануть.
Сар деч ончыч умыр-лай кастене Ӱдыр-каче ныжыл кумылан, Мурышна тӱшкан садер воктене. М. Казаков. До войны тихим, нежным вечером мы, юные девушки и парни, пели хором возле сада.
Таче умыр шып кастене Шӱм вургыжеш. Чалай Васлий. Сегодня тёплым, тихим вечером сердце волнуется.
Но тиде умыр, ямле касше Пытартыш лийын ялыштем. И. Караев. Но этот тихий, прекрасный вечер был последним в деревне моей.
Адак ончылнем тудо верак, Адак тугаяк умыр кас. Сем. Николаев. Снова предо мною то же место, снова такой же тихий вечер.
Умыр касын садерышке лектын, Мурыметым шӱмем ден колам. И. Фадеев. Тихим вечером выйдя в сад, песню твою я сердцем слышу.
Ӱчашен пеледыт Ломбо ден чие. Умыр касыш лектым Ош вургем чиен. Л. Абукаева. Споря, цветут черёмуха и вишня, я вышла в тихий вечер, надев белые одежды.
Умыр кас петыра Морко мландым, Тӱтыра вӱд ӱмбаке вола. Сем. Николаев. Тихий вечер укрывает Моркинскую землю, туман спускается на реку.
Вучалме жап тӱняшке — Мемнан дек толын, Йоҥгалтше умыр-умыр кас! Сем. Николаев. Долгожданное время к нам пришло — звенящий, тёплый-тёплый вечер!
Лач умыр водо, умыр водо Огеш мондалтыс ик ганат. И. Караев. Лишь тихий вечер, тихий вечер не забудется ведь никогда.
Леве умыр водын Шинчын кудыр ломбыш, Лыкын-лукын шӱшпыкшӧ шӱшкен. С. Антропов. Тёплым, тихим вечером на кудрявой черёмухе соловей, выводя трели, свистел.
Юалге умыр август водын Тичак опталме кинде возым Тыршалын шупшыт имне-влак. И. Караев. Прохладным, тихим августовским вечером гружёные хлебные возы старательно тянут лошади.
Олма сад тӱзланен пеледалтме годым Умыр водо ваштареш Шошым тамле юж нӧлтеш. Осмин Йыван. Когда цветут яблоневые сады, хорошея, тихими вечерами поднимается приятный аромат.
Памаш дек волем гын умыр водын, Кайык сем ден куанен мурем. Леон Рая. Если приду к роднику тихим вечером, с радостью пою под песни птиц.
Умыр водын Ӱдыр-влак модмаш ом кошт. В. Регеж-Горохов. Тихими вечерами не хожу на игры к девушкам.
Кузе вашлийна ме ик умыр май водын, Могай шонымаш ден, каласе, молан? Т. Петухов-Локама. Как мы встретились однажды тихим майским вечером, с какими мыслями, скажи, зачем?
Шарнетат дыр, кузе умыр водын Воштыл тольыч шыман мый декем. В. Рожкин. Наверное, даже помнишь, как тихим вечером ты тихо подошла ко мне с улыбкой.
Вашкем вашлиймашке ласка умыр водын. В. Якимов. Спешу на свидание ласковым, тихим вечером.
Кама серыш лектам умыр водын. Сем. Николаев. На берег Камы выхожу тихим вечером.
Сылне, умыр шошо водын Самырык, чевер сирень Але пеледалтше ломбо Кундемнам шындат тӱрлен. В. Осипов-Ярча. Прекрасными, тихими летними вечерами молодая, красивая сирень или черёмуха украшают наш край.
Умыр водын Виче серыш Мийышна, тӱшкан муралын. Сем. Николаев. Тихим вечером вышли мы на берег Белой, распевая хором.
Тый палет: сад-пакчаште ломберым руэн, Умыр водын от кол шӱшпык семым. В. Абукаев-Эмгак. Ты знаешь: вырубив в саду черёмушник, тихим вечером ты не услышишь трели соловья.
Шӱлалташ мый ом тошт умыр водын. В. Гордеева. Я не смею вздохнуть тихим вечером.
Пыч огеш лий шинчам умыр водын. В. Гордеева. Глаза мои не смыкаются тихим вечером.
Умыр водын мужыр дене Шӱм пырля лияш кӱшта. Мардан Рая. Тихим вечером вместе со своей парой сердце быть велит.
Шергылтале шӱшпык умыр водын. М. Казаков. Засвистел соловей тихим вечером.
Шӱшкӧ, шӱшпык, умыр водын. М. Мишенькин. Высвистывай, соловей, тихим вечером.
Але вара умыр йӱдым Каче таҥжым ок ӧндал? В. Регеж-Горохов. Неужели тихой ночью парень свою милую не обнимет?
Чукаем, папалте, Толын умыр йӱд. В. Регеж-Горохов. Дитя моё, засыпай, наступила тихая ночь.
Марий сем дене толын умыр йӱд. Сем. Николаев. Под марийскую мелодию наступила тихая ночь.
Тичмаш тылзан пеш умыр йӱдым Пелед шогалше ломбереш Ме коктын кормыжтышна кидым. Е. Герасимов. В полнолуние тихой ночью в цветущем черёмушнике мы друг другу сжали руки.
Кава йымалне умыр йӱдшӧ Ожсек ты мурым колыштеш. И. Караев. Под небом тихая ночь издавна слушает эту песню.
Умыр йӱд. Кугу тӱня ласкан мала. В. Регеж-Горохов. Тихая ночь. Огромный мир спокойно спит.
Аршашан каваште умыр йӱдым Шӱдыр — икте, лач тылат — чолга. Т. Очеева. В сияющем (букв. с букетом) небе тихой ночью звезда — одна, лишь для тебя — ясная.
Колышт шӱшпык йӱкым, колышт умыр йӱдым. В. Егоров. Слушай голос соловья, слушай тихую ночь.
Кузе ял мучко умыр йӱдым Шоктен гармоньым коштынам, Да воктенемже йӱксӧ ӱдыр Волгалтын кечыла мылам. В. Регеж-Горохов. Как я вдоль деревни тихими вечерами ходил, играя на гармошке, и рядом со мной девушка-лебедь сияла для меня, как солнце.
Йӱд пеш умыр. Йӱд юалге. В. Колумб. Ночь так тиха. Ночь холодна.
Но, эскерен тыгае умыр сылне эрым, Салтакын шӱм огеш тошт ӱшанаш пырчат. Г. Гадиатов. Но, наблюдая за такой тихой, прекрасной зарёй, сердце солдата не смеет верить.
Умыр эрын ӱжаражым Касвелым толшо шем пыл шойыштен. С. Антропов. Тихую, утреннюю зарю застила чёрная туча, пришедшая с запада.
Олмешемже (ӱдырын) кӱляш ӱпшӧ дене Умыр сай лай мардежше модеш. Олык Ипай. Вместо меня её (девушки) русыми волосами играет лёгкий, славный, нежный ветер.
Куржо, чурийнам лупшал, Умыр, ныжылге мардеж. З. Краснов. Убежал, хлестнув нас по лицу, тёплый, нежный ветер.
Умыр шошым Тымык йӱдшӧ Мый дечем посна эртен. Йыван Кырла. Тёплой весною тихие вечера без меня прошли.
Кече умыр, корно поро. Яныш Ялкайн. День тёплый, дорога славная.
Илыш сай да кумыл садланак дыр умыр. Р. Сунгурова. Жизнь хорошая, и, наверное, оттого душа тихая.
Шӱлыкаҥше мардеж йыр кушта, умыр татым Пудырта шалатен. В. Гордеева. Загрустивший ветер пляшет по кругу, ломает тихие мгновения, рассыпав.
Ӱжара моткочак умыр, тудым пӧлеклем тылат. Р. Сунгурова. Заря такая тихая, её тебе дарю.
Сӧрале теҥыз умыр кечын. Сем. Николаев. Прекрасно море в тихий день.
Лек тый умыр садыш Тылзе нӧлтмӧ годым. Г. Чемеков. Ты выйди в тихий сад, когда луна восходит.
О сайте
Инструкция