мондалтдыме
незабываемый, незабвенный.
    Рвезе ӱмыр — мондалтдыме шӧртньӧ пагыт. М. Казаков. Молодость — незабвенная, золотая пора.
    О мондалтдыме жап! Перна тыйым кушан Вес гана саламлаш, йӧраталын? М. Казаков. О незабываемая пора! Где придётся приветствовать тебя в другой раз с любовью?
    Элнет вӱдын мондалтдыме ший йогынеш, Шочмо вер, тыйым мый ужынам эр велеш. М. Казаков. В незабвенном, серебристом течении Илети, родная земля, тебя увидел я на рассвете.
    Ах, мондалтше, мондалтдыме кумыл! Пӧлеклалтдыме кодшо сирень. В. Абукаев-Эмгак. Ах, забытое, незабвенное чувство! Неподаренный букет сирени.
    Ах, самырык, вуйвустык пагыт! Мондалтдыме сай вашлиймаш. А. Александров-Арсак. Ах, юная, упрямая пора! Незабвенная, прекрасная встреча.
    Шонем адак мый тыйымак, Мондалтдыме шӱмбел мландем, Кунам тул лоҥгашке пурем. М. Казаков. Я снова вспоминаю тебя, незабываемая, родная земля, когда иду в огонь.
    Лектам эҥер серыш шарнен Мондалтдыме икшыве татым. С. Григорьева. Выхожу на берег реки, вспоминая незабываемые мгновения детства.
    (Салтак-влакын) Мондалтдыме чапышт ила — курымаш. Чалай Васлий. Их (солдат) незабвенная слава живёт — вечная.
    Мондалтдыме торасе шыже угыч Ока лышташла модын йылгыжеш. Чалай Васлий. Незабвенная, далёкая осень снова, играя словно позументовый листок, сияет.