хлеб-со́ль
м. кинде-шинчал
встречать с хлебом-солью кинде-шинчал дене вашлияш
хлев
м. вӱта
коровий хлев ушкал вӱта
хлеста́ть
несов.
1. кого-что, по чему (бить, стегать) кыраш, лупшаш, почкаш
хлестать лошадь кнутом имньым сола дене кыраш (лупшаш)
2. (литься с шумом) чот йогаш, шыжалт(ын) йогаш, лорге йогаш
дождь хлещет как из ведра йӱр ведра гыч опталмыла йӱреш
3. (плескаться) ловыкталташ, лупшаш
волны хлещут вӱдтолкын-влак лупшалтыт
хлеста́ться
несов. кыралташ, лупшалташ
хлестаться веником в бане мончаште выньык дене кыралташ (лупшалташ)
хлестну́ть
сов. и однокр. см. хлеста́ть
хлёсткий
прил. савыше
хлёсткий дождь чот савыше йӱр
хли́пкий
прил. тӱлыжгӧ, ньорий
хлипкий ребёнок ньорий йоча
хло́панье
с. кырымаш, перкалымаш, совкалымаш, совымаш
хлопанье в ладоши совым кырымаш (кидым совымаш)
хло́пать
несов.
1. кого, чем по чему (ударять, бить) кыраш, лупшаш, перкалаш, почкаш
хлопать рукой по столу ӱстембалым кид дене перкалаш
2. кому-чему и без доп. разг. (аплодировать) соваш, совым кыраш
хлопать в ладоши совым кыраш
3. чем по чему (производить резкие звуки, ударяя чем-л.) кроп тӱчаш, кроп пераш
хлопать дверьми омсам кроп тӱчаш
◊ хлопать глазами 1) (от недоумения, растерянности) ӧрын шинчам каркалаш; 2) (молчать) умылыде ончаш, пундышла шинчаш
хло́паться
несов.
1. (ударяться, стукаться) пернаш, тӱкнаш
2. (стремительно падать, валиться) йӧрлаш, йӧралташ, камвозаш
хло́пец
м. разг. рвезе
весёлый хлопец весела рвезе
хлопково́д
м. хлопокым ончен куштышо
хлопково́дство
с. хлопокым ончен куштымаш
хло́пнуть
сов. и однокр. см. хло́пать
хло́пок
м. хлопок
собирать хлопок хлопокым погаш
хлопота́ть
несов.
1. (заниматься чем-н. усердно, находясь в движении, переходя от одного к другому) тыршаш
хлопотать по хозяйству сурт кӧргыштӧ тыршаш
2. (стараться помочь кому-н. в чем-н., ходатайствуя перед кем-н.) йодаш, йодын кошташ, тыршаш
хлопотать об отпуске средств оксам ойырыктышаш верч тыршаш
хлопотать за товарища йолташ верч йодын кошташ
хлопотли́вый
прил.
1. (затруднительный) неле
хлопотливое дело неле паша
2. (суетливый) (утыжым) тыршыше
хлопотливая хозяйка тыршыше оза кува
хло́поты
только мн. паша, сомылка
хлопоты по хозяйству сурт кӧргысӧ сомылка
лишние хлопоты уто паша
◊ хлопот полон рот паша шӱй даҥыт
хлопча́тник
м. хлопчатник
выращивать хлопчатник хлопчатникым ончен кушташ
хлопчатобума́жный
прил. мамык
хлопчатобумажная нить мамык шӱртӧ
хло́пья
только мн. лаштык
хлопья снега люптыра лум
хлы́нуть
сов.
1. (начать литься с силой, потоком) виян йогаш тӱҥалаш
дождь хлынул как из ведра йӱр ведра гыч опталмыла йӱраш тӱҥале
2. перен. разг. (устремиться – о людях) йогаш тӱҥалаш
толпа хлынула на улицу калык уремышке вӱдла йогаш тӱҥале
хлыст
м. (прут) вичкыж воштыр
бить хлыстом вичкыж воштыр дене лупшаш
хлю́пать
несов. разг.
1. (идти по чему-л. жидкому, вязкому, производя ногами такие звуки) льоптыртаташ, келаш
хлюпать по грязи лавырам льоптыртаташ (келаш)
2. (плакать) нюслаш, нюслен шорташ
хмелево́д
м. умлам ончен куштышо
хмелево́дство
с. умлам ончен куштымаш
хмеле́ть
несов. разг. рушташ
хмели́ть
несов. кого-что руштыкташ, руштыктараш
крепкая брага хмелит куатле пӱрӧ руштыктара
хмель
м.
1. бот. умла
рвать хмель умлам кӱраш
2. (опьянение) руштмаш, руштмо
хмель проходит руштмо эрта
хмельни́к
м. умлавече
идти на хмельник умлавечыш каяш
хмельно́й
прил. разг.
1. (нетрезвый) руштшо, йӱшӧ
хмельной головой руштшо (йӱшӧ) вуя
2. (опьяняющий) руштыктарыше, вуйыш кайыше
хмельное пиво руштыктарыше пура
3. в знач. сущ. хмельно́е с. арака
хму́рить
несов. что куптырташ
хмурить лоб саҥгам куптырташ
хму́риться
несов.
1. (о человеке) куптыртылаш, шӱлыкаҥаш
лицо хмурится чурий шӱлыкаҥеш
2. перен. (о погоде) шымаланаш, пыл кӱзаш, пыл погынаш, шӱлыкаҥаш
небо хмурится каваште пыл погына (кава шӱлыкаҥеш)
хму́ро
нареч. шопкан, шӱлыкын
смотреть хмуро шопкан ончаш
хму́рый
прил.
1. (суровый, угрюмый, насупившийся) шопка, сӱмсыр, шӱлыкан
хмурый взгляд шӱлыкан шинчаончалтыш
2. перен. (пасмурный, сумрачный (о небе, погоде и т.п.) пылан, пылаҥше, вудака
хмурый день пылан кече
хны́кать
несов. разг.
1. (плакать, издавая монотонные негромкие звуки) нюслаш, эҥыраш
ребёнок стал хныкать йоча нюслаш тӱҥале
2. перен. (жаловаться) нюслаш, вуйшияш
нечего хныкать нимолан нюслаш
ход
м.
1. (движение, перемещение в каком-л. направлении) коштмаш, кайымаш
ход поезда поездын кайымыже (коштмыжо)
2. (перемещение движущейся части механизма от одного крайнего положения к другому) коштмаш
ход часов шагатын коштмыжо
3. перен. (развитие, течение чего-л.) вияҥ(ын) толмаш, каен шогымаш (эртымаш)
в ходе борьбы кучедалмаш каен шогымо жапыште
4. (место или отверстие в стене здания, помещения, через которое входят куда-л., вход) пурымо вер, омса, корно
ход со двора пурымо вер кудывече гыч
парадный ход парадный омса
5. (очередное выступление игрока (в карточной, шахматной, шашечной и т.п. игре) коштмаш, кайымаш
ваш ход тыланда кошташ
◊ знать все ходы и выходы чыла корным (йӧным) палаш
пустить в ход пашашке колташ (кучылташ тӱҥалаш)
пойти в ход кучылталташ тӱҥалаш
на ходу писын, кайымаштак, кайышыла
с ходу кайымаште, кайышыла
дать ходу писынрак каяш, шокшым пуаш
хода́тайство
с. (официальная просьба) йодмаш, ходатайстве
ходатайство адвоката адвокатын ходатайствыже
хода́тайствовать
несов. перед кем-чем, о ком-чём, за кого-что йодаш, йодын кошташ (мияш), ходатайствоватлаш
ходи́ть
несов.
1. (движение повторяющееся, совершающееся в разных направлениях или в разное время) кошташ, коштедаш
ходить по комнате пӧлем мучко коштедаш
2. (двигаться каким-л. образом) кошташ, коштедаш
ходить на лыжах ече дене кошташ
ходить на цыпочках йолварнявуй дене кошташ
3. (посещать) кошташ, коштедаш
ходить в театр театрыш кошташ
ходить в школу школыш кошташ
4. (быть одетым во что-л.) кошташ, чиен кошташ
ходить в сапогах кем дене кошташ, кемым чиен кошташ
5. (о транспорте) кошташ
поезда ходят по расписанию поезд расписаний почеш коштеш
6. за кем-чем (заботиться, ухаживать) кошташ, ончаш
ходить за больным черле еҥым ончаш
◊ ходить по миру кӱчен (йодышт) кошташ
ходить ходуном 1) (сотрясаться) чытыралташ, лӱҥгалташ; 2) (о наличии суеты, беспорядка) кугу йӱк-йӱан, тума
хо́дкий
прил. (быстроходный, скорый) писе, чулым
ходкий шаг писе ошкыл
ходово́й
прил.
1. техн. ходовой
ходовой механизм ходовой механизм
2. (обычный, частый) кумдан кучылталтше
ходовые слова кумдан кучылталтше мут-влак
ходо́к
м.
1. (пешеход) йолешке
2. уст. (выборный от крестьян) ходок
ходу́ля
ж. турняйол
научиться ходить на ходулях турняйол дене кошташ тунемаш
ходьба́
ж.
1. см. ходи́ть 1
2. (спортивная ходьба) коштмаш
ходя́чий
прил.
1. (такой, который может ходить, передвигаться на своих ногах) коштшо, коштын кертше
ходячий больной коштын кертше черле
2. (находящийся в ходу, имеющий хождение, употребительный) кумдан кучылталтше, кумдан шарлыше
ходячее выражение кумдан кучылталтше ой
◊ ходячая энциклопедия шуко палыше еҥ
хожде́ние
с. коштмаш, коштедымаш
хождение без цели перныл коштмаш
хозрасчёт
м. (хозяйственный расчёт) озанлык расчёт
внедрить хозрасчёт хозрасчётым шыҥдараш
хозя́ин
м.
1. (тот; кому принадлежит что-л., кто владеет чем-л.; владелец, собственник) оза
хозяин фабрики фабрике оза
2. (тот, кто ведёт хозяйство, занимается хозяйственными делами) оза
земля любит хорошего хозяина мланде сай озам йӧрата
3. (глава дома, семьи) оза, суртоза, суртвуй
хозяин дома пӧрт оза (суртвуй)
4. (тот, кто имеет власть распоряжаться кем-, чем-л.) оза
хозяин кабинета кабинет оза
О сайте
Инструкция