Комиа-роча ботаника кывкуд

1кизь турун

незабудка, видз. лӧз кизь турун, майтӧг турун

2киль

оболочка, шелуха, плёнка, лук киль луковая шелуха кп. киль

3кила турун

любка двулистная, видз. посни наридз турун

4киселя турун

калужница болотная, видз. ва багульник, ва ляпа, ва купальнича, лягӧй турун

5киссьӧм

опадение кп. киссьӧм, лыс киссьӧм

6киссьӧм лыс

игольник, видз. усьӧм лыс

7кисьмандыр

фаза спелости

8кисьман кад

период созревания И кӧть эськӧ ӧмидзыслӧн медбур кисьман кадыс колис нин, уна тусь кустӧм би киньясӧн-ӧгыръясӧн ломаліс на веж коръяс пытшкас. И. Торопов, Вошӧм гортӧ мунан туйыс.

9кисьмӧм

¹ спелый, видз. воӧм¹ А гежӧдик пожӧма егырас сярвидзис вижов молля воӧм мырпом. Вӧлӧмкӧ, понйӧй увтӧ дозмӧрпиӧс, коді сідзжӧ воӧма нуръясьны тайӧ кисьмӧм мырпома ичӧтик егырас. Е. Уляшев, Мырпомла. кп. кисьмӧм, удм. кисьмам ² созревание, видз. воӧм², сыв А лючки кисьмӧмыс сійӧ жӧ пувйыслӧн мӧдӧдчис сӧмын на сентябрын. Сы вӧсна мый тӧлысся ыркыд бӧрын Енмыс – – – сетіс онялана шоныд. Вежон, дай мӧдӧс, дай коймӧдӧс! И. Торопов, Кык чукчи. кп. кисьмӧм, удм. кисьмон ³ спелость — Ӧнія йӧзыд, торйӧн нин карсаыд, вӧр вотӧсыдлысь лючки кисьмӧмъяс оз виччысьны. Медтыкӧ мыйтакӧ сьӧдӧдыштӧма да гӧрдӧдыштӧма вӧлі-а. Медтыкӧ мукӧдсӧ пановтны да унджык курыштны. И. Торопов, Вошӧм гортӧ мунан туйыс.

10кисьмӧм вотӧс

спелая ягода, видз. воӧм тусь Сынӧдыс – – – сӧстӧмысь-сӧстӧм, сукмыштӧма и сэтшӧм чӧскыд – – –. И абу дивӧ! — Ӧд сэтчӧ мыйыс сӧмын абу сорласьӧма: кисьмӧм вотӧслӧн и тшаклӧн кӧрыс, гылалысь коръяслӧн шомыс, лыслӧн и сирлӧн мырдыс, и нӧшта код тӧдас на мый! И. Торопов, Муным нималӧ пармаӧн. кп. воӧм ягӧд

11кисьмӧм мырпом

спелая морошка Нюр вылас чӧсмасьыштім кисьмӧм мырпомӧн, пажнайтыштім, шойччыштім вуджӧр сайын. Шондіыс вылын да весиг и вӧрас жарсьыс спасенньӧ абу. А. Одинцов, Пос. кп. сыв мырпон

12кисьмыны

созревать, созреть, видз. воны Чӧд вотігӧн Ревекка кежавліс сэтчӧ [нюрӧ] видзӧдлыны, артмӧма абу турипувйыс. Зэв бура вӧлі артмӧма, сӧмын кын улыса на вӧлі. А ӧні, дерт нин, кисьмис. Г. Юшков, Чугра. кп. кисьмыны, удм. кисьманы

13кисьмытӧм

неспелый, незрелый, видз. вотӧм, галя, кын Кӧнсюрӧ вочаасьлісны чорыд, кисьмытӧм на еджгов тусьяса лежнӧг кустъяс. Е. Козлова, Векньыдик ордым. кп. чочком, удм. кисьмамтэ

14кисьмытӧм пув

неспелая брусника — Вӧрӧ миян моз водзджык тэрмасьӧны, коді кыдзи кужӧ да вермӧ. Талун ӧд субӧта. Тшак вотӧны, и чӧд вотӧны. А мукӧдыс лючки кисьмытӧм пув нин чашйӧны. И. Торопов, Вошӧм гортӧ мунан туйыс. кп. вотӧм пуягӧд