Комиа-роча ботаника кывкуд

1сэтӧр

¹ смородина обыкновенная кп. сэтӧр, удм. сутэр ² смородина (ягоды) Коркӧ сэтӧр вотігӧн казяліс Ревекка турунзьӧм кушин. Гӧгӧрыс джуджыд бадь, и пыжалы ни подалы оз тыдав. Г. Юшков, Чугра.

2сэтӧраин

смородинник кп. сэтӧраин, удм. сутэранни

3сэтӧр вож

ветка смородины, видз. сэтӧр чаль Сюмӧдыс саӧссис увсяньыс. Неуна поркъялыштіс, но сотчыны эз сотчы. Ваыс мӧдіс болькъяссьыны, сэсся и пузис. Бать чегис сэтӧр вож да пуктіс варкйысь ваӧ. В. Торопов. Пӧрт пыдди чуман. кп. сэтӧр вож, удм. сутэр вай

4сэтӧр кор

лист смородины Пажнайтісны сола чериысь чериняньӧн, а горшнысӧ веськӧдны пузьӧдлісны сэтӧр коръя ва. Г. Юшков, Рӧдвуж пас. кп. сэтӧр кор, удм. сутэр куар

5сэтӧр куст

куст смородины видз. сэтӧр пу Сэтӧр куст улӧ копыртчӧмӧн [Тикӧн] шорсьыс чапкис вомас кӧдзыд ва, кӧтӧдыштіс пӧсялӧм чужӧмсӧ, ниртыштіс ньылӧмзьӧм сьылісӧ и бара водзӧ. В. Куратов, «Радейтам тэнӧ, Олеся». кп. сэтӧр куст

6сэтӧр моль

плоды смородины Зэрӧм бӧрас ывлаыс ещӧ на ловзис, мичаммис. Сэтӧр кустъяс небыдика вӧрӧшитчисны. Таво мичаа дзоридзалісны, буретш ӧні дзоридзьясыс гартчӧны сэтӧр молльӧ. Л. Мартюшева, Венчайтчан чунькытш. удм. сутэр мульы

7сэтӧр пу

куст смородины удм. сутэрпу

8сэтӧр тусь

ягода смородины Мишка пуксис кыр дорӧ, сьӧд сэтӧр куст бокӧ – – –. Вомас сюйис некымын сэтӧр тусь, кодъяс ӧтиӧн-ӧтиӧн ӧшалӧны на – – –. В. Юхнин, Алӧй лента. кп. сэтӧр тусь

9сэтӧр чаль

ветка смородины, видз. сэтӧр вож Тайӧ кошӧвасьыс миян дінӧ – – – перыдакодь петіс шӧркодь тушаа, восьса кизя кузь ыж ку пася зумыд тэчаса мужичӧй. Ми чукӧстім сійӧс пажнайтны миянкӧд ӧтлаын, юыштны сэтӧр чалльӧн пӧжӧм чай. И. Торопов, Ме верма, батьӧ!!